Tohizo ty Fagnampeagne i Ndatỳ

Akore ty Nampisehoa i Paoly Izay?

VIDEO: Nanohy Nagnampe o Efesianao ty Paoly

1. Henteo i VIDEO oy ndra vakio ty Asan’ny Apostoly 19:8-10, le valeo ty fagnonteneagne retoagne:

1. Akore ty ahatreavagne fa nanohy nitory i talily soay avao ty Paoly?

2. Impire ty Paoly ro niheregne nampianatse i ndaty liagne rey, sady nanao akore ty nifahareta izay?

Ino ty Ianarantikagne Boake amy i Paoly?

2. Mila manokagne fotoagne maro sady mikezake mafe tikagne mba hahay hanao fiheregnagne mitilike sady hahay hanomboke fampianaragne Baiboly.

Tsikombeo ty Paoly

3. Fantaro ty fotoagne mete amy i ndatỳ, le mivognona hitilike aze amy ze fotoagne zay. Dineho zao: ‘Aia sady ombia ty fotoagne mete ama’e mba hifampirehafagne amako?’ Mikezaha ho vognogne hitilike aze ndra tie amy ty fotoagne tsy mete ama’o aza.

4. Agnonteneo aze ty fotoagne hahafaha’o mirehake ama’e indraike. Isake tie hifaragne ty rehake atao’areo, le agnonteneo aze tie ombia ty hahafaha’o hifampirehake ama’e indraike, le miavia vata’e amy ty fotoagne naho ty toeragne fa nifagnaraha’areo.

5. Manàgna fanantenagne avao. Ko le avy le mieretseretse tie tsy liagne o ndaty tsy zoegne an-tragnò ndra maro raha ataò. (1 Kor. 13:4, 7) Mikezaha hipay i ndaty rey avao, faie ampiasao amy ty fomba soa ty fotoa’o.​—1 Kor. 9:26.