Fomba Fitory Modely

Fagnonteneagne: Maro ty misalasala tie nisy vata’e vao ty Jesosy, ty ila’e mino fa nisy reke. Ty ila’e ka mirehake fa tsisy fomba azo amantaragne izay. Akore ty heve’o?

Atolotse: Rehafe ty Mifohaza! toy ty porofo ahafantarantikagne fa nisy vata’e reke.

Fagnonteneagne: Manao akore o ndatio naho fa mate?

Andinin-teny: Jn 11:11-14

Maregne: Tsy misy sasa o ndatio naho fa mate. Izay ty mahavy antikagne tsy toko’e hatahotse ty mate. Nampitovize i Jesosy amy ty ndaty miroro ty mate. “Ho fohaze’e” manahake ty natao’e tamy i Lazarosy i longontikagne nimate rey. Amy izay iareo ho afake hiaigne an-tane etoy indraike.—Jb 14:14.

Atolotse: Asae’ay hagnatreke lahajaka ara-baiboly atao’ay amy ty toeram-pivavaha’ay agne ndra Anjomba i Fanjakagney rehe. [Meo fanasagne reke, le atorò aze ty lera naho ty andro vaho ty toeragne hanoagne ty fivoriagne sabotsy ndra lahady. Rehafo ka ty foto-keve i lahajakay.]

Fagnonteneagne: Fa trea’o vao o toeragne iohoe? [Naho mete, le atorò aze ty video manao tihoe: Ino ty Atao amy i Anjomba i Fanjakagney Agne?]