FIAIGNANTIKA KRISTIANA
Akore ty Hahavy Antika Hazoto Hianatse Baiboly?
Tea’o vao ty tsy hivalike manahake i Daniela naho fa misy fitsapagne mahazo azo? Ino ty nagnampe i Daniela tsy hivalike? Nazoto nianatse ty Saontsin’Andrianagnahare reke. Agnisa izay ohatse i faminaniagne laleke rey. (Da 9:2) Magnampe azo tsy hivalike ka ty fanoagne hoe izay, satria manjare hino rehe fa tsy maintsy ho tanterake ze raha ampitamae i Jehovah. (Js 23:14) Hanjare hitombo ka ty hatea’o an’Andrianagnahare sady hikezake hanao ty soa lognandro rehe. (Sl 97:10) Faie akore ty fomba fianaragne Baiboly? Dineho ty soso-kevetse ambaneo retoa.
Raha azo ianaragne: Zatse mianatse ty ndaty raike naho zatse magnomagne fivoriagne. Handrambe soa amy i famakiagne Baiboly isan-keregnandroy rehe, naho mikaroke ty heve ze andine’e tsy azo’o. Ankoatse ireo, misy ka ty mianatse miomba ty faminania ty Baiboly, i vokatse ty fagnahin’Andrianagnahare rey naho ty lia misionera natao i apostoly Paoly vaho ty raha niforogne i Jehovah. Naho misy fagnonteneagne ara-baiboly avy an-tsai’o ao amy i androy, le sorato sady azo’o karohegne ty vale’e naho fa mianatse rehe amy ty magnarake.
Toeragne ahatreavagne fagnazavagne: Henteo ty video tihoe Fitaovagne Fikarohagne Harena Ara-pagnahy. Hahatrea soso-kevetse ao rehe. Mba hitsapagne ty fahaia’o, le azo’o karohegne tie ia iaby i firenena matanjake mifanandrife amy i biby rehafe ty Daniela toko 7 ao rey.
Lera toko’e hianaragne: Ho salama ara-pagnahy rehe naho mianatse tsy tapake. Azo’o atao fohe hey i fianaragney naho vaho manomboke, le ampitombo tsikikede ty halava’e. Mitovy amy ty mihaly harena mietake ty fianaragne ty Saontsin’Andrianagnahare. Hazoto hihaly rehe naho te hahazo i harena mietakey. (Oh 2:3-6) Hitombo ty fahaia’o ty Baiboly naho zatse mianatse aze rehe.—1Pe 2:2.
MIFANANDRIFE AMY IA I BIBY AMY DANIELA TOKO 7 AO REY?
Da 7:4
Da 7:5
Da 7:6
Da 7:7
FAGNONTENEAGNE FAGNAMPE’E:
Akore ty nahatanterake ty Daniela 7:8, 24?
HIANARAKO AMY TY MAGNARAKE:
Mifanandrife amy ia i biby rehafe ty Apokalypsy toko 13 rey?