Trea’o vao o Toetsen’Andrianagnahare Tsy Trea Maso Reo?

Naho fa mandineke ty loko o folerao rehe, ndra magnente lagnitse feno kintagne, ndra o rano boake ambohitsey io, ino ty avy an-tsai’o ao? Tsiaro’o vao i namorogne azey? Treantika boake amy ty raha finoro’e ty toetse’e. (Ro 1:20) Naho fa mandineke irey tika, le mahatrea fa mahery ty Andrianagnahare, bey hatea, managne fahendreagne, tea ty rare’e sady matarike.—Sl 104:24.

Ino ty raha namboaren’Andrianagnahare trea’o isan’andro? Ndra tie an-drova agne ty ipetraha’o, le afake mahatrea vorogne ndra hatae rehe. Hilamin-tsaigne tika sady tsy hifantoke bey amy ty olagne mahazo antikagne naho fa mandineke ty raha finoro i Jehovah. Hahavy antikagne hatoky zay tie mikarakara antikagne reke. (Mt 6:25-32) Naho managn’anake rehe, le ampeo iareo hahatrea ty toetse miambake anagna i Jehovah. Hagnampe antikagne hiharine i Mpamorogney ty fikezahantika mandineke ty raha finoro’e.—Sl 8:3, 4.

HENTEO TY VIDEO TIHOE MAGNAMBARA TY VONINAHIN’ANDRIANAGNAHARE TY HASOA TY RAHA NAMBOARE’E: HAZAVAGNE NAHO LOKO, LE VALEO RETOAGNE:

• Ino ty mahavy antikagne hahatrea loko sambe karaza’e?

• Nagnino ty loko ila’e ro mamilepiletse?

• Nagnino i lagnitsey ro hafa ty loko’e naho fa atoandro, le hafa ka ty loko’e naho fa hariva?

• Ino ty loko tena nahagaga azo naho fa nandineke ty raha finorogne magnodidigne anareo rehe?

• Nagnino ro toko’e hataontikagne tanjogne ty handineke o raha finorogneo?