Teà i Jehovah ty Ndaty Malio

Va’e fireintika mateteke ty rae aman-drene mirehake ty ana’e tihoe: “Akia sasao i tagna’oy, fafao i tokotaney, ario agne o fakò, liovo i tragnoy.” Tsy ino ty mahavy izay, fa tea iareo hampianaregne mba halio ty ana’e. Faie i Jehovah ro tena mampianatse antika halio. (Ek 30:18-20; De 23:14; 2Ko 7:1) Magnomey voninahitse i Jehovah tika naho fa malio avao ty vatantikagne naho ty fanagnantikagne. (1Pe 1:14-16) Akore ka ty amy ty tragnontikagne naho ty magnodidigne antikagne? Mitao tika mba tsy handoto ty tontolo iaignagne. Tsy manoratorake fako agn’arabey ey ohatse tika. (Sl 115:16; Ap 11:18) Tsy voatere ho amy ty raha lahibey avao tika vaho izay ho hita tie zatse malio. Aia ohatse ty toko’e hagnariantikagne ty hara ty raha boake nihanentika ndra ty taratasy boake nampiasaentikagne? Atorontikagne amy ze kila raha ataontikagne fa “mpanompon’Andrianagnahare” tika.—2Ko 6:3, 4.

HENTEO TY VIDEO TEAN’ANDRIANAGNAHARE TY NDATY MALIO, SADY VALEO RETOA:

• Mipay tali’e tsy hagnaliovagne ty fanagna’e ty ndaty ila’e. Ino ohatse ty rehafe’e?

• Treantika amy ty Lalà i Mosesy ty fihevera i Jehovah tihoe malio. Hazavao.

• Tsy amy ze raha rehafentika avao tika ro afake magnomey voninahitse i Jehovah. Fa ino ka ty azontika atao?