Hasoao Ty Fanompoa’o:Mahaia Mampifagnara-draha Naho fa Mitory

NAGNINO ZAY RO TENA ILAEGNE? Manasa ze kila ndaty mba ‘hinogne maimaimpoagne amy i ranon’aigney’ o voahosotseo naho ty agnondry hafa. (Ap 22:17) I rano agn’ohatsey le mampiseho ty fandaharagne atao i Jehovah, mba hagnafahagne o ndatio amy ty ota naho ty fahafatezagne. Sambe managne ty kolontsai’e naho ty raha inoa’e o ndatio. Toko’e hataontikagne mahaliagne ty ndaty tsikiraidraike areke i “talily soa tsy misy fara’e” ambarantikagney.—Ap 14:6.

AKORE TY HANOAGNE AZE?

• Mifiliana foto-kevetse naho andinin-teny hanohigne ty fo o ndaty amy faritane’areo ey. Afake mifily amy i hevetse azo rehafegney rehe, ndra mampiasà hevetse hafa hita’o fa nisy voka’e soa. Ino zao ty foto-kevetse naho andinin-teny mahaliagne o ndatio? Ino ty vaovao fara’e eretserete o ndatio ndra rehadrehafe iareo? Ino ty raha mete hahaliagne ty lahilahy ndra ty ampela?

• Salamao i ndatỳ le oriho ty fombafomba mahazatse amy ty toeragne misy azo eo.—2Ko 6:3, 4

• Ampiasao soa o fitaovagne natao hampianaragne Baiboly ze ndaty liagneo, agnisa izay ty boke naho gazete vaho video amy ty Fitaovagne Fampianaragne ao

• Mangalà boke aman-gazete naho video amy ty firehake ampiasae o ndaty amy faritane’areo ey

• Ampifagnaraho amy ze raha ilae i ndatỳ ty foto-kevetse rehafe’o. (1Ko 9:19-23) Inogne zao ohatse ty horehafe’o naho fanta’o fa nimate longo vaho tsiela i ndaty itoria’oy?

HENTEO I VIDEOY, LE VALEO TY FAGNONTENEAGNE RETOAGNE:

• Inogne ty foto-kevetse nampiasae i mpitorỳ naho fa nirehake tamy i ndaty itoria’ey reke?

• Inogne ty raha niseho tamy ty fiaigna i ndatỳ?

• Inogne amo o andinin-teny reo ro tena mete amy ty raha hoe io? Le ino ty anto’e?

• Ampifagnaraho amy ze raha ilae o ndaty amy faritane’areo ey ty raha rehafe’o. Akore ty azo’o anoagne izay?