Hasoao Ty Fanompoa’o:Mikezaha Hitory amy ty Goa

NAGNINO ZAY RO TENA ILAEGNE? Maro ty goa tsy tea mirehake amy ty ndaty tsy fanta’e. Mila fikezahagne ty mitory amy iareo. Tea naho mikarakara ty goa ty Jehovah. (Le 19:14) Manahake i Jehovah tikagne naho mikezake magnampe o goao mba hifandrambe marine ama’e.

AKORE TY HANOAGNE AZE?

• “Paliao” ze ndaty goa. (Mt 10:11) Mahafantatse ndaty managne longo goa vao rehe? Misy lakilasy hoahy ty goa ndra fikambanagne hoahy iareo vao ty amy ty faritane’areo eo? Te hahazo boke ndra gazete hoahy ty goa vao iareo?

• Anehò fiheveragne manokagne iareo. Tsy hatahotse i ndaty goay naho soa fagnahy ama’e rehe sady mampiseho tie te hagnampe aze. Afake mirehake raha mahaliagne ze ndaty amy i faritaney eo rehe mba hanombohan-drehake

• Meo boke ndra gazete ndra raha hafa ilae’e reke. Namoake boke naho gazete amy ty soratse Braille ndra amy ty endre’e hafa ty fandaminagne, mba hagnampeagne ty goa ndra ty ndaty ila’e tsy le mahatrea soa. Agnonteneo iareo tie inogne ty mete ama’e. Toko’e hohamarene ty mpiandraikitse ty fanompoagne tie mete soa ty fagnafaragne atao ty mpikarakara boke