Ko Magnely Rehake Tsy azo Antoke

Amy izao o vaovaò, le tena mora miparitake sady ndaty an-tapetrisa’e ty mahafantatse aze. Va’e ho amy ty alala ty boke, gazete, radio, tele, ndra Internet ze raha zay. Faie tsy toko’e hagnely rehake tsy maregne ze manompo i ‘Andrianagnahare ty hamarenagney’, ndra tie tsy satrie’e aza zay. (Sl 31:5; Ek 23:1) Va’e hisy voka’e raty o rehake tsy azo antokeo naho fa miparitake. Saintsaigno zao mba hahafantaragne tie maregne ndra tsy maregne ty raha rei’o:

• ‘Atokisagne vao i ndaty nirehake azey?’ Va’e tsy mahafantatse ze kila raha reke. Va’e hiova ka o rehakeo naho fa mitsatsàke. Mila mitao areke rehe naho tsy fanta’o tie ia ty nirehake i rahay voaloha’e. Matoky ty raha rehafe ze rahalahy managne andraikitse amo o fiangonagneo eo tikagne. Faie mila mitao tikagne mba tsy hirehake raha mbe tsy voaporofo

• ‘Magnaraty ndaty vao reke?’ Tsy toko’e hirehake izay ama o ndaty hafa tikagne, naho manimba ty laza ty ndaty raike ndra maromaro i rahay.—Oh 18:8; Fi 4:8

• ‘Mitombegne vao i rahay?’ Mitaoa naho fa maharey tantara ndra rehake mahaliagne ndra manaitse

ALEFASO TY VIDEO TIHOE INO TY HATAOKO NAHO MISY MITSIKOTSIKO AHY?, LE VALEO RETOA:

• 

  Ino ty va’e ho voka ty raha rehafentikagne, arake ty Ohabolana 12:18?

• 

  Nagnino ty Filipianina 2:4 ro magnampe antikagne hifily ty raha rehafentikagne miomba ty hafa?

• 

  Ino ty toko’e hataontikagne naho fa mivalike ho tsikotsiko ndra fagnaratiratiagne i rehakey?

• 

  Ino ty fagnonteneagne toko’e hosaintsaignegne aloha ty hirehafagne miomba ty ndaty hafa?