Fotoagne azo Hararaotegne Hanehoagne Hatea o Havoriambeio

Tena teantikagne o havoriambeio. Fa nagnino? Mitovy tamy ty andro o Israelio avao, satria amy io tikagne ro miarake manompo i Jehovah amy ty mpiara-manompo amantikagne an-jato’e ndra agnarivo’e. Tsiefa ty hanegne ara-pagnahy amy io sady teantikagne ka ty miarake amy ty namantikagne naho ty keleiantikagne. Manjare te hagnatreke i havoriambey telo androy tikagne.

Naho fa magnatreke i havoriambey rey tikagne, le tsy toko’e hifantoke amy ty raha ho azontikagne avao, fa amy ty fomba azontikagne anehoagne hatea ty hafa ka. (Ga 6:10; He 10:24, 25) Tea ty hafa tikagne naho ohatse manokake i lalagney mba homba’e ndra ze toeragne hitobohantikagne avao ty tanantikagne. (Fi 2:3, 4) Afake mahatrea namagne vaovao tikagne naho fa havoriambey. Magnino areke naho atao’o tanjogne ty hirehake amy ty ndaty mbe tsy fanta’o, aloha ndra afara i fandaharagney ndra amy i fitofàgney. (2Ko 6:13) Va’e hanjare ho mpinamagne nainai’e nareo! Ankoatse izay ka, naho trea ty hafa fa tena mifankatea tikagne, le va’e hagniry hanompo i Jehovah ka iareo.—Jn 13:35.

ALEFASO TY VIDEO TIHOE HAVORIAMBEY IRAISAM-PIRENENA “TSY HO LEVOGNE NAINAI’E TY HATEA”!, LE VALEO RETOA:

• 

  Akore ty nanehoagne hatea tamy i solontegna tamy ty havoriambey iraisam-pirenena tamy 2019 rey?

• 

  Nagnino ro tena miambake ty firaisan-tsay naho ty hatea ty vahoa i Jehovah?

• 

  Ino iaby ty mampiambake ty hatea ty Kristiana arake ty nasongady i rahalahy agnisa ty Filan-keve-pitantanagne rey?

• 

  Nandrese ty hatea ta Alemaina agne naho ta Korea Atimo agne. Akore ty ahatreavagne izay?

• Toko’e ho tapa-kevetse hanao inogne tikagne?