Hatea ty Mahavy i Jehovah Mandilo Antikagne

Tafilitse amy tihoe mandilo tihoe manoro, magnanatse, magnitsy naho magnasaze. Atoro i Jehovah antika ty fomba tea’e hanompoantikagne aze. (Ro 12:1; He 12:10, 11) Va’e ho ore tika naho fa sazeagne faie hahavy antika ho ankasitraha i Jehovah naho hotahie’e zay. (Oh 10:7) Ino ty toko’e hotadidie ze ndaty magnomey fagnitsiagne? Akore ka ty toko’e handrambesa ze omeigne izay?

Ze ndaty magnomey fagnitsiagne. Mila mikezake ho soa fagnahy naho ho bey hatea manahake i Jehovah o androanavi-pagnahio naho o rae aman-dreneo naho fa magnitsy. (Je 46:28) Toko’e hatea avao ty mahavy iareo hagnitsy sady toko’e hatao mifagnarake amy ty raha ilae i ndatỳ zay.—Tit 1:13.

Ze ndaty mahazo fagnitsiagne. Naho fa mahazo fagnitsiagne tikagne, le tsy toko’e handietse fa le avy le hampihatse izay. (Oh 3:11, 12) Sambe mipay fagnitsiagne naho torohevetse tikagne iaby satria tsy voririke. Va’e ho amy ty alala ty famakiagne Baiboly ndra fivoriagne ty ahazoantikagne izay. Misy ka ty mahazo fagnitsiagne amy ty alala ty komity mpitsara. Faie hahazo i havelogne nainai’ey tikagne naho magneke sady mampihatse i fagnitsiagney. —Oh 10:17.

ALEFASO TY VIDEO TIHOE “ZE TEÀ I JEHOVAH RO ANARE’E”, LE VALEO RETOA:

• 

  Nanao akore ty fiaigna i Canon tamy ty voaloha’e, faie ino ty nampiova aze?

• 

  Ino ty fandilovagne niazo’e boake amy i Jehovah?

• 

  Ino ty lesogne ianarantikagne boake amy ty tantara i Canon?