Manehoa Hatea amy ty Keleia’o

O hateao ro hahavy o keleiagneo hiharo saigne naho hiara-hiasa soa. Akore areke ty azo ty lahilahy manambaly, ty ampela manambaly naho ty rae aman-drene atao mba hanehoagne hatea?

Mikezake hahafantatse ty raha ilae ty vali’e, ty heve’e naho ty raha tsapa’e ty lahilahy bey hatea. (Ef 5:28, 29) Mila magnomey ty raha ilae ty keleia’e reke. Eo ka ty raha ara-pagnahy, agnisa izay ty fanoagne ty fotoam-pivavaha ty keleiagne tsy tapake. (1Ti 5:8) Manohagne naho magneke sady “miasy” ty vali’e ty ampela bey hatea. (Ef 5:22, 33; 1Pe 3:1-6) Toko’e ho vognogne hifamela heloke ty mpivaly. (Ef 4:32) Mipay ze hahasoa ty ana iareo tsikiraidraike naho mampianatse iareo ho tea i Jehovah ty rae aman-drene bey hatea. (De 6:6, 7; Ef 6:4) Ino ohatse ty olagne atrehe iareo an-dakilasy agne? Naho fa misy mitaogne aze hanao raha raty le akore ty fomba iatreha’e zay? Ho voaro o keleiagneo naho sambe mikezake maneho hatea.

ALEFASO TY VIDEO TIHOE MIKEZAHA LOGNANDRO MBA HANEHO HATEA TY KELEIA’O, LE VALEO RETOA:

• 

  Akore ty ampisehoa ty lahilahy bey hatea fa mikarakara soa ty vali’e reke?

• 

  Akore ty ampisehoa ty ampela bey hatea fa miasy ty vali’e reke?

• 

  Akore ty ampisehoa ty rae aman-drene bey hatea fa manjilike ty Saontsin’Agnahare an-tsay ty ana’e ao iareo?