Kezake Manokagne Hanombohagne Fampianaragne Baiboly amy Septambra

Hanao kezake manokagne tika amy ty volagne Septambra hanombohagne fampianaragne Baiboly amy ty bokekele Ankamamio Nainai’e o Fiaignagneo! Afake mijobogne ty hagnatratse 30 lera ty mpisava lalagne mpagnampe ty amy io. Akore ty fomba hanoantikagne o kezake manokagne iohoe?

• Amy ty fitoriagne: Ampiasao hanombohan-drehake ty fogno i bokekele tihoey Ankamamio Nainai’e o Fiaignagneo! sady atoro i ndatỳ ty fomba fianaragne aze. Mikezaha mba hitadidy ze ndaty liagne naho ze ho tilihegne. Ndra tie tsy liagne ty ndaty ila’e tie taloha le va’e hahavy iareo ho liagne i bokekeley naho i fomba fianaragne Baiboly vaovaoy. Tsy toko’e hagnengàntika bokekele ze ndaty tsy zoegne an-tragno sady tsy toko’e halefa amy ze ndaty tsy liagne. Ty Komity ty Fanompoa ty Fiangonagne ty handamigne ty fivoriagne aloha ty fanompoagne amo o volagne iohoe.

• Amy ty Fotoagne Hafa: Naho mampiasa fampirantiagne ty fiangona’areo le ampiasao i bokekele tihoey Ankamamio Nainai’e o Fiaignagneo! Ampahafantaro ze ndaty liagne fa afake mampianatse Baiboly maimaim-poagne amy i bokekeley tikagne. Atorò i ndatỳ tsielatsiela ty fomba fianaragne aze ndra anò amy ty fotoagne hafa zay. Va’e hanendre mpitory mahay ty mpiandraikitse ty fanompoagne mba hanomboke fampianaragne Baiboly amy ty toeram-piasagne amy i faritane’areoy. Azo’o atao ty manomboke fampianaragne Baiboly amy ty mpiara-miasa ama’o ndra ty ndaty mifankatrea ama’o.

Nandily antika mba ‘hampianatse’ o “ndatio” ty Jesosy (Mt 28:19, 20) Lonike abey o kezake manokagne hampiasagne ty bokekele Ankamamio Nainai’e o Fiaignagneo! iohoe hagnampe antika amy ty fagnorihagne izay!