Ampiasao ty JW.ORG mba Hahazoa’o Fahendreagne amy ty Fiaignagne Andavanandro

Magnomey ze kila raha ilaentikagne mba hiatrehagne tsapa-hevetse amo ze o andro fara’e zao ty Saontsin’Agnahare. (2Ti 3:1, 16, 17) Faie va’e hipay fagnampeagne tikagne mba hahatreavagne ty toro lala ty Baiboly mihatse amy ty raha miseho raike. Te hiteza soa ty ana’o vao rehe? Sa vao rehe tanora mialy mafe mba tsy hivalike amy i Jehovah? Nimate valy vao rehe, le mbe malahelo aze? Misy fagnazavagne hagnampe azo hahatrea ty toro lala ty Baiboly hahafaha’o hiatreke ireo ndra olagne hafa ty amy jw.org ao.​—Oh 2:3-6.

Gineho i tihoey FAMPIANARA TY BAIBOLY amy jw.org aoy. (Henteo sare 1.) Hisy fizaràgne sambe hafa hiseho naho fa avy eo, le filio ze mahaliagne azo. Ndra gineho tihoe ZE RAHA MISY > LAHATSORATSE MAROMARO, le filio ze raha mahaliagne azo. (Henteo sare 2.) Hotrea’o amy JW Library^® a ao ka o fizaràgne rehoe. Va’e ho tea’o ty le avy le hagnente i lahatsoratse rey amy ty raike amo o toeragne rehoe. Azo’o atao ka ty mipay foto-kevetse manokagne amy i efajoro tihoe hipay amy jw.org aoy.

Sorato amy i efajoro tihoey hipay eo ty foto-kevetse retoagne, le mareho ze lahatsoratse tea’o hovakiegne.

• Fitezagne ajaja

• Tanora kivy

• Nimate valy