Miomàna Manomboke amy Izao ho Vognogne Hiatreke Fitsaboagne Tampoke

Nagnino tikagne ro toko’e hiomagne? Va’e ho tampoke ty hipaliagne o fitsaboagneo sady tsy mampitao. Handrambe soa areke tika sady ho voakarakara soa naho manao ze azontika atao mba hiomanagne manomboke amy izao. Naho manao izay rehe, le mampiseho fa magnaja o aigne boake amy i Jehovah-o naho o liò.​—As 15:28, 29.

Inogne iaby ty azo’o atao mba hiomanagne?

• Mivavaha le fenò ty karatse tihoe “fanomezan-dalana momba ny fitsaboana” (FMF).a Afake mangalake o karatse FMF iohoe amy ty mpikarakara boke ze mpitory vita badisa. Azo atao ka ty mangalake Karatra Famantarana (ic) hoahy ze managn’anake tsy ampe taogne.

• Naho mivesatse rehe, le angataho amy ty androanavi-pagnahi’areo ty taratasy tihoe Fanazavana ho An’ny Vehivavy Bevohoka (S-401). Hagnampe azo handrambe fanapahan-kevetse soa io naho misy olagne ara-pitsaboagne amy irehe mivesatsey naho amy irehe miterakey

• Naho va’e hisy olagne miomba ty fampidiragne lio ty fitsaboagne azo, ndra hazilike lapotaly rehe, le rehafo mialoha o androanavi-pagnahio. Rehafo amy ze miandraikitse i lapotalỳ ka fa tea’o naho misy Vavolombelo i Jehovah mitilike azo.

Ino ty azo o androanavi-pagnahio agnampeagne? Afake magnampe azo hameno ty karatse FMF iareo.Faie tsy handrambe fanapahan-kevetse ho azo iareo ndra hagnomey ty heve iareo manokagne amy ty raha toko’e ho fanapahan-keve ty tsikiraidraike . (Ro 14:12; Ga 6:5) Naho fa mampahafantatse ty androanavi-pagnahy ama’areo eo rehe tie magnorike fitsaboagne va’e hampidiragne lio, le avy le hifandrambe amy ty Komity Mifandrambe amy ty Lapotaly iareo.

Ino ty azo o KMH io agnampeagne? Fa nampiofagnegne soa o rahalahy agnisa ty KMH reo mba hagnampe ty dokotera naho ty mpahay lalàna hahatakatse ty fiheventika miomba o lio noho ty raha inoatika. Va’e hiarake midineke amy i dokotera’oy iareo tie ino ty azo atao mba tsy hampidiragne lio. Afake magnampe azo ka iareo mba hahatrea dokotera vognogne hiara-hiasa amantikagne naho ilaegne zay.

HENTEO TY VIDEO TIHOE INO TY HAGNAMPE AZO HAHAY HANAPA-KEVETSE AMY TY FAMPIASÀGNE O LIÒ?, LE VALEO TOY:

• Ino ty raha nianara’o tamy i videoy le magnampe azo ho vognogne naho fa misy fitsaboagne tampoke misy fampidiragne lio?

  Ty hamalea’o aze