Manàgna Tanjogne amy ty Fotoa i Fahatsiarovagney

Isan-taogne, le fa tsy ligne o vahoa i Jehovah-o ty hiarake hankalaza i Fahatsiarovagney. Amy i heregnandro aloha naho afara i Fahatsiarovagney, le tena magnararaotse ty midera sady misaotse i Jehovah tika noho ty nagnomea’e i solovoigney. (Ef 1:3, 7) Ohatse zao, mikezake mafe manasa ndaty maro hagnatreke i fahatsiarovagney tikagne. Ty ila’e aza manao fagnovàgne amy ty fiaigna’e amy izay afake manao mpisava lalagne mpagnampe, le magnatratse 30 ndra 50 lera amy i volagne Marsa ndra Avrilỳ. Tea’o hampitomboagne vao ty fanompoa’o amy ty vanim-potoa i Fahatsiarovagney? Ino ty hagnampe azo hahatratse izay?

Mateteke mahavita raha maro tikagne naho fa mandamigne mialoha. (Oh 21:5) Mila mandamin-draha manomboke amy izao areke rehe, satria fa marine i vanim-potoa i Fahatsiarovagney. Dineho ty azo’o atao mba hampitomboagne ty fanompoa’o naho ty fomba hagnatratrara’o izay amy i vanim-potoa i Fahatsiarovagney. Angataho ty Jehovah naho fa avy eo mba hitahy ty kezake atao’o.​—1Jn 5:14, 15.

Inogne iaby ty azo’o atao mba hampitomboagne ty fanompoa’o amy i vanim-potoa i Fahatsiarovagney?