Famelan-keloke Taloha i Solovoigney

Afake mahazo famelan-keloke amy ty alala i solovoigne natao i Jesosỳ tika noho ty nampipoha’e i lio’ey. (Efes. 1:7) Faie hoe ty Baiboly: “Nandefetse ty Andrianagnahare le namela ty fahotagne taloha,” zane hoe taloha ty nagnomeagne i solovoigney. (Rom. 3:25.) Akore ty nahafaha i Jehovah nanao izay sady hanoa’e ty rare’e avao?

Nampitamà ty Jehovah fa hisy “taranake” hagnavotse ze ndaty mino naho mitamà aze. Naho fa nanao ze fampitamagne zay reke le hoe fa natao i solovoigney. (Gen. 3:15; 22:18) Natoky tanterake ty Jehovah fa amy ty fotoagne tea’e hanoagne izay, le ho vognogne hagnomey i solovoigney i Ana-dahi’ey. (Gal. 4:4; Heb. 10:7-10) Naho fa tan-tane etoy ty Jesosy, le nagnomey aze fahefàgne hamela heloke ty Jehovah ndra tie mbe tsy nivita aza i solovoigney. Namela ty fahota ze ndaty nanam-pinoagne ty Jesosy satria fanta’e fa handrongogne ty fahotagne natao iareo i solovoigne homei’ey.​—Mat. 9:2-6.