Mivavake amy ty Sare: Ino ty Raha Rehafe ty Baiboly?

Nirehafe ze Fikambanagne Mpamory Vaovao Miomba ty Katolika zay tie tamy ty lamesa natao tamy ty Tragno Fivavaha i Masindahy Piera a Vatikana agne tamy 25 Marsa 2022, le nitsangagne aloha i sare i Mariay teo ty Papa François, “nakipe’e ty maso’e, “niondreke reke sady nivavake.” Nirehafe o fikambanagne iohoe ka tie “nihalale tamy i Maria” reke mba hisia ty fiadanagne. Hoe ka ty tatetse boake amy ty gazete a Vatikana agne tie: “Nivavake ty Papa mba hatokagne hoahy i Maria ty tontolo toy iaby, lohotsie fa i Rosia naho i Ukraine.”

Akore ty heve’o? Mete vao ty mivavake amy ty sare ndra mampiasa irey naho fa mivavake? Dineho ty andinin-teny boake amy Baiboly ao retoagne:

• “Ko manao sare sokitse ho azo, ndra tarehen-draha mitovy amy ze raha amy i lagnitse amboney, ndra ze amy ty tane ambane etoy, ndra ze agnate rano ambane tane agne. Ko mihohoke agnatreha irey eo, ndra magneke ho voatarike hanompo aze, fa izaho Jehovah Andrianagnahare’o le Andrianagnahare mipay ty hanompoagne ahy raike avao.”​—Eksodosy 20:4, 5.a

• “Volafotsy naho volamena ty sampy iareo, sady asa tagna o ndaty. Manam-bava i sampy rey, faie tsy mirehake; mana-maso faie tsy mahatrea; manan-tsofigne faie tsy maharey; managn’orogne, faie tsy maharey fofogne; manan-tagnagne, faie tsy mahatsapa; manan-tomboke, faie tsy mandeha; sady tsy mamoake feo ty tenda’e. Hanjare hoe rey ty ndaty mamboatse aze, naho ze matoky aze iaby.”​—Salamo 115:4-8.

• “Izaho o Jehovah-o. Izay ty agnarako, le ty voninahiko tsy homeiko ty hafa. Ty fideragne ahy tsy homeiko o sare sinokitseo.”​—Isaia 42:8, fagnamarehagne ambane peje.

• “Ilaiso o fanompoan-tsampio.”​—1 Korintianina 10:14.

• “Mitaoa amo o sampio.”​—1 Jaona 5:21.

Naho mipay fagnazavagne fagnampe’e miomba ty raha rehafe ty Baiboly miomba ty fampiasagne sare naho fa mivavake rehe, le vakio ty lahatsoratse tihoe “Inona no Lazain’ny Baiboly?: Sary” ndra henteo ty video tihoe Ekén’Andrianagnahare vao ty Mampiasa Sare Masigne Naho fa Mivavake?

Va’e ho tea’o ho fantatse ka ty raha rehafe ty Baiboly miomba ty foto-kevetse retoagne:

• “Inona no Lazain’ny Baiboly Momba An’i Maria Virjiny?”

• “Tokony Hivavaka Amin’i Maria Virjiny ve Ianao?”

• “Ahoana no Hampisy Fiadanana etỳ An-tany?”

Photo credit: Vincenzo Pinto/AFP via Getty Images