A Israely ao vao ty Hanomboha i Haramagedonay? Ino ty Rehafe ty Baiboly?

Aly ataon’Andrianagnahare amy ty fitondram-panjakagne magneran-tane o Haramagedona zao, arake ty rehafe ty Baiboly fa tsy aly amy ty toeragne raike avao.

• “Fagnambaragne boake amo o demoniao zay... mandeha mbamy ty mpanjaka ty tane toy mbeo reke, soa tie hamoria’e iareo ho amy i aly ty andro lahibein’Andrianagnahare Tompo ty Herỳ. ... Navory ze fagnambaragne zay iareo ho amy ty toeragne atao tihoe Haramagedona amy ty rehake hebreo.”​—Apokalypsy 16:14, 16.

Ty rehake tihoe “Haramagedona,” le boake amy ty rehake hebreo manao tihoe Har Meghid·dohnʹ, midika tihoe “Vohy i Megido.” Toeragne raike a Israely taloha agne o vohitse Megido iohoe. Le izay ty mahavy ty ndaty ila’e mieretseretse tie a Israely ao ty hanoagne i aly Haramagedonay. Faie, tsy ho ombe amy ty faritse a Megido ndra a Moyen-Orient agne i aly hataon’Andrianagnahare amy ty “mpanjaka ty tane toỳ” naho amy i tafy iareoy.

“Famantaragne” ty sinoratse amy ty boke i Apokalypsy ao. (Apokalypsy 1:1) Tsy toeragne ara-bakiteny areke ty tondroe ty rehake tihoe Haramagedona fa manondro ty raha hiseho magneran-tane naho fa hoavy ty fara’e. Amy ze fotoagne zay, le hiharo raike o firenenao iaby, le hanohetse ty fitondran’Andrianagnahare.​—Apokalypsy 19:11-16, 19-21.