Mitake Ampahafolon-karena vao Nareo?

Aha’a. Tsy mitake ampahafolon-karena ty Vavolombelo i Jehovah. Fagnomezagne an-tsitrapo ro ampandrosoagne ty asa’ay. Ino ty atao tihoe ampahafolon-karena sady nagnino ty Vavolombelo i Jehovah ro tsy mitake izay?

Agnisa ty lalàna nimeigne ty firene o Israelio tihoe magnomey ampahafolon-karena iareo. Faie rehafe ty Baiboly mazava soa fa tsy mihatse amy ty Kristiana sasa o lalàna iohoe. Agnisa izay ty “Lalàna hamory ampahafolon-karena.”​—Hebreo 7:5, 18; Kolosianina 2:13, 14.

Tsy magnomey ampahafolon-karena ndra fagnatetse ty Vavolombelo i Jehovah fa manahake i Kristiana voaloha’e rey avao. Tsy karamaegne iareo naho fa manao ty asa fanompoa’e sady manao fagnomezagne an-tsitrapo mba hanohagnagne i asay.

Orihe’ay areke ty tari-dalagne hoahy ty Kristiana toy: “Lonike ty tsikiraidraike sambe hanao ze fanapahan-keve’e tam-po’e ao, tsy amy ty alahelo ndra sinere, fa ty mpagnomey am-pifaleagne ro tean’Andrianagnahare.”​—2 Korintianina 9:7.