Nagnino ro Nisy Niova ty Raha Inoa o Vavolombelo i Jehovah-o?

Mifototse boake amo o Baibolio avao ty raha inoa’ay. Nahitsy areke ty raha inoa’ay ila’e arakarake ty nahazoa’ay soa ty raha rehafe ty Soratse Masigne.a

Mifagnarake amy ty toro lalagne amy Ohabolana 4:18 toy zay: “Fa ty lala ty maregne, le manahake ty hazavagne maraindraigne, mihamazava avao amparake ty haha atoandro i androy.” Naho fa mihazava o andrò, le manjare mazava iaby ty magnodidigne antika. Hoe izay ka fa nataon’Andrianagnahare mazava tsikede ty hamarenagne sady natao’e amy ty fotoagne vazoho’e fa mete ama’e zay. (1 Petera 1:10-12) Atao’e mihamazava malaky i hamarenagney agnate ty “fotoa ty fara’e”, arake ty fa nirehafe ty Baiboly.​—Daniela 12:4.

Tsy mahagaga anay naho tsy mampikorotan-tsaigne anay i fagnazavagne vaovao rey. Mba fa nidiso hevetse ka ty mpanompon’Andrianagnahare taloha, le tsy maintsy nahitsy i heve-diso iareoy.

• Nieretseretse ohatse ty Mosesy tie toko’e hagnafake o firene o Israelio reke. Faie 40 taogne tafara tatoy reke vaho izay nampiasaen’Andrianagnahare.​—Asan’ny Apostoly 7:23-25, 30, 35.

• Tsy niazo o apostolio i faminaniagne miomba ty himateza i Mesia naho i hitsangana’e amy ty matey.​—Isaia 53:8-12; Matio 16:21-23.

• Nisy diso hevetse o Kristiana voaloha’eo, le nirehake tie fa niavy “i andro i Jehovah-y.”​—2 Tesalonianina 2:1, 2.

Nahitsin’Andrianagnahare i heve-diso rey tafara tatoy, le mbe mitamà avao ka zahay fa mbe hanao hoe izay ka reke tie amy izao.​—Jakoba 1:5.