Akore ty Ampiasagne i Hevetse Azo Rehafegne Rey?

Nanomboke tamy Janvie 2018, le nisy tihoe hevetse azo rehafegne ty amy ty fogno i Tari-dalagne hoahy ty Fivoriagney eo. Akore ty azontikagne ampiasagne i raha rey?

Naho fa Mandrambe Anjara amy ty fampiofagnagne: Toko’e hampiasae’o i fagnonteneagney, i andinin-tenỳ, naho i fagnonteneagne horehafegne magnarakey. Faie tsy tihoe zay, le atao mitovy amy i videoy ze raha rehafe’o. Azo’o ovagne zao ohatse ty fampidiran-drehake ampiasae’o, ndra ty fomba agnazava’o i hevetsey. Azo’o ovagne ka ty raha miseho amy i anjaray. Naho ohatse fitoriagne isan-tragno ty tamy i videoy tao, le azo’o atao fitoriagne tsy mifamotoagne ty anjara’o. Afake manolotse boke ndra raha hafa boake amy i Fitaovagne Fampianaragne rey ka rehe, ndra tie tsy misy toromareke miomba izay i anjaray.

Naho fa manompo: Natao hagnampeagne antikagne hahatrea raha horehafegne avao i hevetse azo rehafegney. Naho liagne i ndatỳ sady mbe tea’e hotohizagne i rehakey, le azo’o ampiasaegne i fiheregnagne mitilikey. Azo’o ovagne kede i hevetse azo rehafegney. Faie afake mirehake hevetse hafa ka rehe. Va’e i hevetse azo rehafegne tamy i volagne lasaỳ varagne ro mahaliagne i ndatỳ, ndra andinin-teny hafa. Azo’o atao ka ty mirehake ze raha niseho ndra vaovao mahaliagne i ndatỳ. Va’e hiovaova ty fomba ampiasa’o i hevetse azo rehafegne rey. Faie ndra inogn’ino atao’o, le ‘anò noho i talily soay’ zay, ‘mba hitoria’o aze amy ty hafa.’—1Ko 9:22, 23.