Ry Rae Aman-drene, Ampianaro ty Ana’o ty Raha Toko’e ho Fanta’e

Mihevetse ty soa ho raty naho ty raty ho soa ty tontolo toy. (Is 5:20) Misy amy iareo ty manao ty raha tsy tea i Jehovah, agnisa izay ty firaisagne atao ty sambe lahilahy ndra ty sambe ampela. Va’e handrisike ty ana’o hanao hoe izay ka ty mpiara-mianatse ama’e ndra ty ndaty hafa. Ino ty azo’o atao mba hagnampeagne ty ana’o hiatreke izay?

Ampianaro ty ana’o ty fitsipy i Jehovah. (Le 18:3) Ampianaro aze tsikedetsikede ty raha rehafe ty Baiboly miomba ty firaisagne sady anò mifagnarake amy ty tao’e zay. (De 6:7) Saintsaigno zao: ‘Fa nampianareko ty anako vao ty fomba anehoagne hatea amy ty lahilahy naho ty ampela? Nagnino ro tena lahibey ty manao akanjo magneva? Nagnino ty ndaty hafa ro toko’e hagnaja aze naho ty fitsipike orihe’e? Fanta’e vao ty toko’e hatao’e naho misy ndaty manoro aze sare maloto, ndra mitaogne aze hanao ty raha heje i Jehovah?’ Tsy hahatrea olagne reke naho ampianaregne aze mialoha zay. (Oh 27:12; Mpto 7:12) Naho atoro’o ty ana’o ty raha toko’e ho fanta’e, le izay ty anoroa’o tie sarobily ama’o i lova boake amy i Jehovah-y.—Sl 127:3.

ALEFASO TY VIDEO TIHOE ANÒ MAFE OREGNE TY TRAGNO’O: AROVO AMY TY RAHA “RATY” TY ANA’O LE VALEO RETOA:

• 

  Nagnino ty rae aman-drene ila’e ro misalasala hampianatse ty ana’e miomba ty firaisagne?

• 

  Nagnino ty rae aman-drene ro tsy maintsy miteza ty ana’e mifagnarake amy ty ‘fitsipike naho ty fagnanara i Jehovah?’—Ef 6:4

• 

  Inogne ty fitaovagne fa naboa i fandaminagne mba hagnampeagne ty rae aman-drene hampianatse ty ana’e miomba ty firaisagne?—w19.05 12, efajoro

• Nagnino ty rae aman-drene ro mila mifampirehake mazava soa amy ty ana’e, amy ie mbe tsy misy olagney?