Manompoa i Jehovah

Mpitory tsy vita badisa vao rehe sa mpianatse Baiboly sady agnisa ty tanjo’o ty hatao badisa? Nagnino rehe ro toko’e hatao badisa? Naho fa manokan-tegna naho atao badisa rehe, le ho afake hifandrambe marine amy i Jehovah. (Sl 91:1) Va’e ho voavonje ka rehe. (1Pe 3:21) Ino ty toko’e hatao’o naho te hatao badisa rehe?

Anò ze haharese lahatse azo tie itoy vata’e ty hamarenagne. Naho misy raha tsy azo’o, le manoa fikarohagne. (Ro 12:2) Dineho ze fiovagne toko’e hatao’o, le manoa fagnovàgne. Hampifale i Jehovah rehe naho manao izay. (Oh 27:11; Ef 4:23, 24) Mivavaha avao mba hahazoa’o fagnampeagne. Matokia fa hagnatanjake naho hanohagne azo amy ty alala i fagnahi’e masigne maherỳ ty Jehovah. (1Pe 5:10, 11) Tsy ho montso antoke rehe naho mikezake manao izay. Ho trea’o fa tsy misy raha soa mandikoatse ty manompo i Jehovah.—Sl 16:11.

ALEFASO TY VIDEO TIHOE TY RAHA NAGNAMPE TY NDATY ILA’E HATAO BADISA, LE VALEO RETOAGNE:

• Ino iaby ty olagne natrehe ty ndaty ila’e taloha ty nanoagne badisa aze?

• Akore ty hanagna’o finoagne satria io ty hagnampe azo hanokan-tegna hoahy i Jehovah?

• Ino ty nahavy ty ndaty ila’e hanao ty dingagne ilaegne mba hahavy iareo hahafeno fepetse hatao badisa?

• Ino ty fitahiagne ho azo ze mifily ty hanompo i Jehovah?

• Ino ty dika tihoe manokan-tegna naho atao badisa?