Loharanon-kevetse amy ty Fanompoagne Naho Ty Fiaignantika Kristiana
1-7 MARSA
HARENA AMY TY SAONTSIN’ANDRIANAGNAHARE | NOMERY 7-8
“Fianaragne Boake amy ty Fomba Nandaminagne o Israelitao Tamy i Tobey Ao”
it “Fiangonana”: “Ny fiangonan’Israely” § 6
Fiangonagne
Mateteke nisolo tegna o vahoa o Israelio ze ndaty nanagne andraikitse. (Ezr 10:14) Ze “mpitarike tamy i fokoy teo” ohatse ro nagnomey fagnatetse naho fa nitsangagne i tragnolay masigney. (No 7:1-11) I mpisorogney naho o Levitao vaho ze “talé tamo o vahoakeo” teo ro solon-tegna nagnisy tam-pò ze “vava” natao tamy ty andro i Nehemia. (Ne 9:38–10:27) ‘Mpitarike i vahoakey sady nitokavegne avao naho fa nisy fivoriagne vaho lahilahy nalaza’ i 250 nanohagne i Kora naho i Datana naho i Abirama vaho i Ona, i nikomy tamy i Mosesy naho i Arona tan-tane efetse agney. (Ne 9:38–10:27) Nasaen’Andrianagnahare nifily 70 lahy tamy i androanavi-pagnahy rey naho i mpitarike rey ty Mosesy mba hagnampe aze satria tsy vita’e raike avao ty ‘nifehe i vahoakey.’ (No 16:1-3) Nirehake miomba i “androanavi-pagnahy i vahoakeỳ” ty Levitikosy 4:15 sady azo antoke fa i androanavi-pagnahy tamy i firenenay teo naho ze talé’e, ze mpitsara’e naho ze mpitari’e ty nisolo tegna i vahoakey.—No 1:4, 16; Js 23:2; 24:1.
it “Robena” § 9
Robena
T’atimo i tragnolay masigney eo, tagnelagnela ty foko i Simeona naho i Gada ro nisy o Robenita tamo o tobe o Israelio eo, sady ty foko i Robena ro nitarike o fizaràgne nisy foko telo iohoe. Naho fa nifindra i vahoakey, le iareo ro tafara ty fizaràgne nisy ty foko i Joda naho Isakara vaho i Zebolona. (No 2:10-16; 10:14-20) Hoe izay ka ty filahara i foko nanao fagnatetse tamy ty fitokanagne i tragnolay masigneỳ.—No 7:1, 2, 10-47.
w04 1/8 25 § 1
Hevetse Miambake amy ty Boke Nomery
8:25, 26. Linily hiala amy ty fanompoagne nampanoegne aze o bey taogneo mba hahazoagne antoke fa ho vita arake ty toko’e ho ie ty asa o Levitao. Natao ka zay mba ho fiheveragne ty tao iareo. Faie afake manolon-tegna mba hagnampe iareo ty Levita hafa. Mpitory i Fanjakagney ka tika ty amy izao, faie tsy misy reterete. Faie mampianatse antikagne lesogne sarobily ty toro lalagne amo o lalàna iohoe ao. Afake manao karazam-panompoagne hafa ho vita’e ty Kristiana raike, naho fa tsy afake manao ty andidy ila’e satria reke fa antetse.
Andao Hikaroke Harena Mietake
it “Lahimatoa, Voalohan-teraka” § 4
Voalohan’anake Lahilahy, Voalohan-terake
Va’e hanjare ho talé o razambeio ty talén’ana o Israelitao. Iareo areke ro solontegna i firenenay iaby, i nikanjie i Jehovah tihoey ‘talé’e.’ Hoe talé vata’e i firenenay noho i fifagnekeagne natao i Jehovah tamy i Abrahamay. (Ek 4:22) Nagnavotse ty fiay i taléy ty Jehovah, le izay ty nahavy aze nisaontsy tihoe: “Hamasigno ho ahy ze voalohan-terake amo o ana Israelio eo, ndra ndaty ndra biby.” (Ek 13:2) Natokagne ho an’Andrianagnahare areke ze voalohan’anake.
8-14 MARSA
HARENA AMY TY SAONTSIN’ANDRIANAGNAHARE | NOMERY 9-10
“Mitarike ty Vahoa’e ty Jehovah”
it “Toby”: “Tobin’ny Israely” § 9
Tena nilamigne ka i tobey naho fa nifindra (in-40 teo ho eo arake ty nirehafe i Mosesy amy Nomery 33 ao). Tsy nandeha i vahoakey naho tsy niala ambone i tragnolay masigney eo i rahogney. “Miankigne amy ty nandilia i Jehovah o ana o Israelio ty nitobea iareo sady miankigne amy ty nandilia i Jehovah ka ty nandehana iareo.” (No 9:15-23) Trompetra volafotsy roe tinefe ro nitiofegne naho fa nambara tamy i vahoakey o lily i Jehovah iohoe (No 10:2, 5, 6), le nitiofegne hampiboake feo miovaova naho fa handeha i vahoakey. “Tamy ty andro faharoapolo ty volagne faharoe, tamy ty taogne faharoe [1512 T.K.]” ty voaloha’e nitiofagne i trompetray. I Vata misy fifagnekeagney ty fara’e aloha ao. Hoe izao ty filahara iareo tie tafara’e ao: Ty fizaràgne voaloha’e nitarihe i Joda sady nagnarake aze ty Isakara, avy eo i Zebolona; o Gersonitao naho o Meraritao ninday i tragnolay masigney naho ty fitaovagne sambe karaza’e; ty fizaràgne nitarihe i Robena, nagnarake aze ty Simeona naho i Gada; O Kehatitao ninday i vata masigney naho ze fitaovagne tamy i Masigney ao; ty fizaràgne nisy i Efraima, nagnorike aze ty Manase naho i Benjamina; fara’e, ty fizaràgne nitarihe i Dana, nagnorike aze ty Asera naho i Naftaly. Ze fizaràgne roe maro lahilahy mpialy ty natao voaloha’e naho fara’e.—No 10:11-28.
Mamantatse ty Fomba Itarihan’Andrianagnahare Antikagne vao Rehe?
Akore ty ampisehoantikagne fa mankasitrake ty tari-dalan’Andrianagnahare tikagne? Hoe ty apostoly Paoly: “Ankatoavo’areo naho ekeo’areo ze mitarike ama’areo eo.” (He 13:17) Faie tsy mora zay kindraike. Alao sare an-tsaigne tie Israelita rehe sady niaigne tamy ty andro i Mosesy. Eretsereto tie mijanogne i rahogney naho fa boake nandeha tomboke elaela nareo. Va’e hirehake rehe tie: ‘Hatrake ombia ty hijanogna io eo avao? Andro raike, sa heregnandro, sa le am-bola’e? Haboako iaby vao ze entako?’ Ze raha tena ilae’o avao hey ro akare’o voaloha’e. Faie tsy maintsy mikodebe agnate i entagney ao rehe isake tie misy raha paliae’o. Amy ty fara’e rehe kamo, le ndra vinaha’o iaby i enta’oy. Faie ndra nandeha ka i rahogney naho fa voavaha’o iaby i enta’oy. Tsy maintsy mangorogne i enta’oy indraike rehe! Tsy mora zay. Ndra tie eo zay, ‘le avy le’ mila mandeha nareo.—No 9:17-22.
Akore areke ty ataontikagne naho fa mea i Jehovah tari-dalagne? “Le avy le” mampihatse izay vao, sa ze mahazatse antikagne avao ro ataontikagne? Mampihatse ze toromareke fara’e vao ohatse tikagne, agnisa izay ty toromareke miomba ty fitarihagne fampianaragne Baiboly, fitoriagne amy ty ndaty mampiasa firehake hafa, fanoagne fotoam-pivavaha ty keleiagne tsy tapake, fiaraha-miasa amy ty Komity Mifandrae amy ty Lapotaly, vaho ze toko’e hatao naho fa magnatreke havoriambey? Trea tie mankasitrake ty tari-dalan’Andrianagnahare tikagne naho fa magneke torohevetse. Tsy toko’e hatoky tegna tikagne naho fa handrambe fanapahan-kevetse lahibey fa hipay ty tari-dala i Jehovah naho ty fandamina’e. Mitsoloke amy i fandaminagne tikagne naho fa zoen-draha sarotse amy ty tontolo toy eto, manahake ty ajaja mitsoloke amy ty rae aman-drene’e naho fa misy mampijale aze.
Andao Hikaroke Harena Mietake
it “Fivoriana, Fivoriambe”: “Zava-dehibe ny fivoriana”
Fivoriagne, Havoriambey
Lahibey o Fivoriagneo. Fandaharagne natao i Jehovah mba hahazoagne fampaherezagne o fivoriagneo, le tena lahibey ty hagnatrehagne aze. Trea zay ohatse tamy ty fete i Pasake fanoegne isan-taogney. Vinono ze lahilahy nalio faie tsy nankalaza io, ie amy izao tsy nandeha lavitse. (No 9:9-14) Hoe ty Hezekia Mpanjaka, naho fa nirehaka ty mponegne ta Joda ao naho o Israelitao ho mba Jerosalema mbeo mba hankalaza Pasake: “Ry tarana o Israelio, miheregna amy i Jehovah ... Ko mizizo manahake ty raza’areo nareo. Ekeo ty Jehovah, le mandehana amy i toeragne masigney agne, fa nihamasinegne mba ho masigne amy i fotoagne tsy misy fetra’ey. Sady manompoa i Jehovah Andrianagnahare’areo, mba tsy hirehetse ama’areo sasa ty havignera’e. ... Fa soa fagnahy naho mamindra fo ty Jehovah Andrianagnahare’areo, le tsy ireke ka ro tsy hivazoho anareo naho miheregne ama’e nareo.” (No 9:9-14) Nahafoe an’Andrianagnahare ze nisatry raha tsy nagnatreke io. Tsy mankalaza fete mitovy amy i Pasakey sasa o Kristianao, faie nandrisike iareo ty Paoly mba hivory tsy tapake miarake amy ty vahoan’Andrianagnahare. Hoe reke: “Andao tika hifampihevetse mba hifandrisike ho amy ty hatea naho ty asa soa, le tsy hahafoe ty fiharoantikagne mivory, manahake ty ila’e fa zatse tsy mivory, fa hifampahery, lohotsie fa trea’areo tie mihamarine i andro zay.”—He 10:24, 25; henteo tihoe FIANGONANA.
15-21 MARSA
HARENA AMY TY SAONTSIN’ANDRIANAGNAHARE | NOMERY 11-12
“Nagnino ro Raty ty Managne Toe-tsaigne Tea Migneogneogne?”
w01 15/6 17 § 20
Soa Nareo Naho Tsy Mpitsanogne Avao
20 Tsy rese ty tsapa hevetse ho raty findesam-batagne ty ankamaroa ty Kristiana. Faie mila mitao tikagne mba tsy ho mpigneogneogne naho hanjare tsy hankasitrahan’Andrianagnahare. Magnanatse antikagne hoe izao ty Paoly: “Soa tikagne naho tsy mitsapa toetse i Jehovah manahake ty ila’e tamy i aze nitsapa toetse aze rey, hafara’e vinono i meregney. Soa tika naho tsy migneogneogne manahake ila’e nigneogneogne rey hafara’e vinono o mpamonò.” (1 Korintianina 10:9, 10) Nigneogneogne tamy i Mosesy naho i Arona vaho i Jehovah o Israelitao, le nitaraigne miomba i manay, i aze nimeigne iareo tamy ty fomba mahagagay. (Nomery 16:41; 21:5) Naho ty fivazohoa i Jehovah aze, tsy mahavignetse aze manahake ty mijangajanga vao ty migneogneogne? Tantarae ty Baiboly fa maro ty ndaty vinono i meregney. (Nomery 21:6) Taloha io, le 14700 mahery ty nimate satria nikomy sady nigneogneogne. (Nomery 16:49) Lonike areke tikagne mba tsy hanao tsirambegne ze raha mey i Jehovah antikagne mba tsy hahavignetse aze.
w06 15/7 15 § 7
‘Mitaoa mba Tsy Higneogneogne’
7 Tena niova ty teo-tsay o Israelitao. Nankasitrake iareo tie taloha, le nanao hira fideragne hoahy i Jehovah naho fa nafahagne boake Ejipta agne sady niavotse tamy i Riake Menay teo. (Eksodosy 15:1-21) Faie niatreke raha sarotse iareo naho fa tan-tane efetse agne sady natahotse o Kananitao. Nanjare tsy nahay nankasitrake sasa iareo tamy izay sady tsy nimete afa-po tamy ze raha nimeigne iareo. Tsy nisaotse an’Andrianagnahare noho ty fagnavota’e aze iareo, fa nihevetse tie nifeake, le nagnomey tsiny Aze. Trea tamy ty figneogneo iareo areke fa tsy ampe ty fankasitraha iareo i fagnomeza i Jehovah-y. Tsy mahagaga naho nisaontsy ty Jehovah tie: “Hatrake ombia ty vahoake raty fagnahy toy ro higneogneogne amako hoe izao?”—Nomery 14:27; 21:5.
it “Fifandirana”: “Menomenona” § 1
Fifandiedietse
Migneogneogne. Mahakivy naho misy voka-drati’e hafa ty figneogneogne. Nigneogneogne tamy i Jehovah o Israelitao tsiela tafara ty niala iareo boake a Ejipta agne, le nanao reha-draty i Mosesy naho i Arona, i mpitarike finily i Jehovah rey. (Ek 16:2, 7) Nahakivy i Mosesy ty fitaraigna iareo, le nangatake reke tie ndraleo’e mate. (No 11:13-15) Va’e ho azon-doza ka i aze migneogneogney sady va’e ho mate. Tamy i Jehovah, sahala hoe mikomy tamy i fitondra’ey, i ndaty nigneogneogne tamy i Mosesy rey. (No 14:26-30) Maro areke ty nimate.
Andao Hikaroke Harena Mietake
it “Mana”: “Endriny” § 1
Mana
Pozipozi’e. “Foty hoe kabaro maike” o manao sady “hoe” litem-pengoke, vaho nihoe perla mamilepiletse taràgne i hazavagney. “Hoe mofo pisake namboaregne amy ty tantele” ndra “mofo mamy misy menake” ty tsiro’e. Nahandroegne tagnate ty valegne reke ndra natao mofo ndra nahandroegne agnate laforo naho fa boake dinorodoro amy ty vato fandisanam-bare ndra boake linisagne amy ty leogne.—Ek 16:23, 31; No 11:7, 8.
22-28 MARSA
HARENA AMY TY SAONTSIN’ANDRIANAGNAHARE | NOMERY 13-14
“Mahavy Antikagne Hanagne Herim-po ty Finoagne”
w06 1/10 16-17 § 5-6
Bey Herim-po Noho ty Finoa’e Naho ty Fatahora’e An’Andrianagnahare
5 Faie meke hizilike amy i Tane Nampitamaegney ao ty roe tamy i mpitsikilo rey, le i Josoa naho i Kaleba. Hoe iareo: “Tsy ampe antikagne reo [o Kananitao]. Fa tsy managne fiarovagne sasa iareo sady i Jehovah ro manohagne antikagne, le ko matahotse iareo.” (Nomery 14:9) Tsy azo antoke vao ty raha nitamae iareo roe lahy? Tena azo antoke ty raha tamae iareo! Ndra iareo mirahalahy, ndra i firenenay iaby le sambe nahatrea fa nisalare i Jehovah tamy i Loza Foloy, i firenena i Ejipta matanjake rey naho i andrianagnahare’e rey. Nitrea iareo ka ty namonoa i Jehovah i Farao naho i tafi’e rey tamy i Riake Menay teo. (Salamo 136:15) Naho henteagne zay, le tsy toko’e ho natahotse i mpitsikilo folo lahy rey naho i aze nagneke ho taone iareo rey. Nikoretse ty arofo ty Jehovah, le nisaontsy reke tie: “Hatrake ombia ty vahoake toy ro tsy hagnaja ahy naho tsy hitsanogne ahy ndra tie fa nanao famantaragne tamy iareo eo aza raho?”—Nomery 14:11.
6 Nabaribary i Jehovah fa tsy nanam-pinoagne i vahoakey kanao votro hoe izay. Trea boake amy izay fa tsy afake misarake ty finoagne naho ty herim-po. Izay ty nahavy i apostoly Jaona nanoratse hoe izao miomba ty fiangonagne Kristiana naho ty aly ara-pagnahy atao’e: “Izao ty fandreseagne fa naharese ty tontolo toy, le ty finoagne.” (1 Jaona 5:4) Miparitake magneran-tane amy izao ty talily soa i Fanjakagney satria manam-pinoagne manahake i Josoa naho i Kaleba ty Vavolombelo i Jehovah enegne tapetrisa mahery, ndra tanora zay ndra antetse, ndra maozatse ndra osa. Tsy misy fahavalo mahavita mampitsigne o tafike matanjake naho bey herim-po rehoe.—Romanina 8:31.
Andao Hikaroke Harena Mietake
it “Ilay Tany Nomen’Andriamanitra ny Israely” § 1
I Tane Nimein’Andrianagnahare O Israelitaoy
TENA soa vata’e i tane nimein’Andrianagnahare o Israelioy. Io i Tane Nampitamaegney. Nagnirake mpitsikilo ty Mosesy mba hagnente aze sady hiaolo i firenenay. Nampangalae’e kede tamy ty vokatse amy i taney iareo, le ninday aviavy naho ampongabeindagnitse vaho angarozam-boaloboke nampitarazoegne i roe lahy rey. Natahotse iareo satria tsy ampe finoagne faie nagneke avao iareo fa tane “ikararahan-dronono naho tantele” i taney.—No 13:23, 27.
29 MARSA–4 AVRILY
HARENA AMY TY SAONTSIN’ANDRIANAGNAHARE | NOMERY 15-16
“Mitaoa mba tsy Hiavognavogne Naho Hatoky Tegna Loatse”
Fanta i Jehovah vao rehe?
12 Faie nagninje i Mosesy ty Kora tamy iareo tan-dalagne ho mbamy i Tane Nampitamaegney agney. Tsy toko’e hitarike o Israelitao sasa hoe reke ty Mosesy. Nisy ndaty ambone 250 nanohagne i Kora. Natoky iareo fa fanta i Jehovah ndra nankasitraha’e. Hoe iareo tamy i Mosesy naho i Arona: “Fa entsake anareo zahay, masigne iaby nio ty vahoake toy sady i Jehovah ro ama’e eo.” (Nom. 16:1-3) Natoky tegna loatse iareo sady nagnambone tegna. Hoe ty Mosesy tamy iareo: “I Jehovah ro hampahafantatse tie ia ty aze.” (Vakio ty Nomery 16:5.) Hamaray igne avao, le vinono i Jehovah ty Kora naho i aze niarake nikomy tama’e rey.—Nom. 16:31-35.
Fanta i Jehovah vao rehe?
11 Andao tikagne hagnente ty tantara i Mosesy naho i Kora. Nagneke ty lamigne napetra i Jehovah ty Mosesy sady nankatò ty fanapahan-keve’e. Faie tsy nanao hoe izay ty Kora. Ho treantikagne tie akore ty fomba fivazohoa i Jehovah iareo. Levita Kehatita ty Kora. Nahazo fitahiagne maro reke tamy ty voaloha’e. Azo antoke ohatse fa nahatrea ty fomba nagnavota i Jehovah o Israelitao tamy i Riake Menay teo reke. Agnisa i ninday i vata misy i fifagnekeagney ka varagne reke sady nirahe i Jehovah hamono o Israelita nanompo sampy tamy i Vohitse Sinaỳ teo rey. (Eks. 32:26-29; Nom. 3:30, 31) Azo antoke areke fa tsy nivalike tamy i Jehovah tagnate ty taogne maro reke sady nihajae o Israelitao.
Andao Hikaroke Harena Mietake
w98 1/9 20 § 1-2
Anò azo Antoke fa Mametrake ze Raha Tena Lahibey amy ty Toeragne Voaloha’e Rehe!
Nihevetse i raharahay ho lahibey ty Jehovah. Izao ty raha rehafe ty Baiboly: “Le hoe ty Jehovah tamy i Mosesy: ‘Tsy maintsy vonoegne i lahilahỳ.’” (Nomery 15:35) Nagnino ty Jehovah ro nivignetse mafe tamy ty raha natao i lahilahỳ?
Nanagne enegne andro o ndatio mba hamoriagne hatae naho hikarakaragne ze raha nilae’e tamy ty hanegne naho tamy ty sikigne vaho tamy ty tragno. Toko’e hatokagne amy ty raha ilae iareo amy ty raha ara-pagnahy i andro fahafitoy. Ndra tie tsy raty aza ty namory hatae, le raty ty nampiasa i fotoagne toko’e ho natokagne hoahy ty fanompoam-pivavahagne tamy i Jehovah-y mba hanoagne izay. Ndra tie tsy ambane ty Lalà i Mosesy aza o Kristianao, le misy lesogne azontikagne ianaragne ty eo. Le tihoe toko’e ho ferantikagne soa ze raha ataontikagne voalohan-draha amo o andro hinane zao.—Filipianina 1:10.
5-11 AVRILY
HARENA AMY TY SAONTSIN’ANDRIANAGNAHARE | NOMERY 17-19
“Izaho ... ty Lova’areo”
Akore ty Ampisehoa’o fa i Jehovah ty Anjara Lova’o?
9 Eretsereto o Levita tsy nimeagne anjara tane ho lova’eo. Natao hitarike o Israelitao tamy ty fanompoagne i Jehovah iareo sady izay ro natao iareo voalohan-draha. Tsy maintsy nihevetse i Jehovah ho anjara’e naho lova’e areke iareo sady niantehetse tama’e mba hahazoa iareo ze raha nilae iareo. (Nom. 18:20) Maregne fa tsy manompo amy i tempoly ara-bakitenỳ ao, manahake o mpisorogne naho o Levitao tikagne. Faie afake matoky manahake iareo ka tikagne fa hagnomey ze raha ilaentikagne ty Jehovah. Tena fa marine i fara’ey, le hihasarotse ty fiaignantikagne noho itikagne tsy mandrambe ty ‘mareke’ i biby hakoy. Vao mainke ilaegne areke ty matoky i Jehovah.—Apok. 13:17.
I Jehovah ty Anjarako Naho Lovako
4 Natokagne hoahy i Jehovah o Levitao, le nampitamà iareo ty Jehovah tie: “Izaho ty anjara’o naho lova’o.” Ino ty dika izay? Tsy nimea i Jehovah anjara tane iareo mba ho lova’e fa nimea’e raha sarobily hafa. Nimea’e asa tena fanjaka iareo. “Ty asa fisorognagne hoahy i Jehovah” ty lova’e, ndra ty anjara nimeigne iareo. (Jos. 18:7) Faie tsy nanjare nahantra o Levitao ndra tie teo zay. (Vakio ty Nomery 18:19, 21, 24.) Nimeigne iareo ze ‘ampahafolon-karena iaby tamo o Israelio eo, mba ho takalo ty fanompoagne atao iareo.’ Agnisa izay ty ampahafolo o vokatseo naho ty ampahafolo ze biby vaho aterake. Nampagnomeigne ty ampahafalo ze raha nimeigne aze ka o Levitao mba hagnampeagne o mpisorogneo sady ty “fara’e soa” ty nimei’e. (Nom. 18:25-29) Natokagne hoahy i mpisorogney ka ze fagnomezagne masigne iaby natere o Israelitao ho an’Andrianagnahare, tamy i toeragne fivavahagney ao. Afake matoky areke o mpisorogneo fa mikarakara iareo ty Jehovah.
Andao Hikaroke Harena Mietake
it “Fifanekena”: “Fomba fanaovana fifanekena” § 2
Fomba fanoagne fifagnekeagne
Atao ty Baiboly tihoe “fifagnekean-tsira” ty fifagnekeagne maharetse tsy azo ovagne. (No 18:19, f.a.p.; 2Ta 13:5, f.a.p.; Le 2:13) Niarake nihinagne sira o mpaminany talohao, mba ho mareke ty tsy fivalihagne. Niarake nihinagne sira ze nihinagne i sorogne iharoagney, mba hampisehoagne fa tena tsy hivalike reke.
12-18 AVRILY
HARENA AMY TY SAONTSIN’ANDRIANAGNAHARE | NOMERY 20-21
“Mikezaha Handefetse Avao Naho fa Misy Raha Sarotse”
Mikezaha Handefetse le ho Fale ty Jehovah
19 Hihegne ty fahadisoagne ataontikagne. Eretsereto indraike ty Mosesy. Nandefetse avao reke tagnate ty taogne maro sady nampifale i Jehovah. Faie tsy nahavita nandefetse reke tie indraike naho fa ho tapetse i 40 taogne nirerererea o Israelitao tan-tane efetse agney. Vaho boake nalevegne ta Kadesy tao i rahavave’e nagnavotse aze ta Ejipta agney. Mbe nigneogneogne indraike o Israelitao tamy izay tie tsy voakarakara soa. “Nipay aly tamy i Mosesy” iareo fa nao tsy misy rano zao. Nigneogneogne iareo ndra tie fa maro aza ty fahagagagne natao i Jehovah tamy ty alala i Mosesy. Tsy tea tegna ka ty Mosesy tagnate i taogne maro nitariha’e iareoy, faie ndra hoe te hirehake iareo tie, i Mosesy ro nahavy iareo naeake.—Nom. 20:1-5, 9-11.
Mikezaha Handefetse le ho Fale ty Jehovah
20 Niboseke ty Mosesy le tsy naleme fagnahy sasa. Nampirehafe i Jehovah tamy i lamilamỳ reke faie ndra i vahoakey ka ro nirehafa’e sady tena nasiake reke. Nirehafe’e fa i reke ro hanao i fahagagagney. Jinera’e in-droe i lamilamỳ naho fa niavy eo, le nisy rano nikararake ty boake ao. Nindese ty haboseha’e reke sady nirehareha, le nanjare nanao fahadisoagne lahibey. (Sal. 106:32, 33) Tamy igne avao reke ro tsy nandefetse, faie izay ty nahavy aze tsy nizilike tamy i Tane Nampitamaegney agne.—Nom. 20:12.
21 Ino ty azontikagne ianaragne boake amy izay? Voaloha’e, toko’e hikezake lognandro tikagne mba handefetse. Ndra tie indraike avao aza tikagne ro tsy mandefetse, le va’e hirehareha sady hirehadrehake fahatane avao naho hanaotao fahatane. Faharoe, toko’e hikezake mafe tikagne mba handefetse ndra tie mivali-doha aza satria amy izay ro tena sarotse ty mandefetse.
w09 1/9 19 § 5
I Mpitsara Manao ty Maregne Avaoy
Voaloha’e, tsy nisaontsy ty Andrianagnahare tie toko’e hirehake amy i vahoakey ty Mosesy sady hitsara iareo tie mpikomy. Faharoe, tsy nagnomey voninahitse an’Andrianagnahare ty Mosesy naho i Arona. Hoe ty Andrianagnahare: ‘Tsy nimea’areo hasigne raho.’ (Andine’e 12) Naho fa nirehake ty Mosesy tie: ‘Hamoake rano zahay’, le hoe raha iareo amy i Arona ro nanao i ranoy tamy ty fomba mahagaga fa tsy Andrianagnahare. Fahatelo, nifagnarake tamy i lilim-pitsara i Jehovah taloha teoy i sazey. Tsy nengàn’Andrianagnahare hizilike ty tane Kanana i taranake mpikomy taloha’e rey, le izay ka ty natao’e tamy i Mosesy naho i Arona. (Nomery 14:22, 23) Fahaefatse, i Mosesy naho i Arona ty mpitarike o Israelio. Ze mitagne andraikitse bey areke, le ho bey ka ty ho takén’Andrianagnahare ama’e.—Lioka 12:48.
Andao Hikaroke Harena Mietake
w14 15/6 26 § 12
Tahafo ty Fomba Fivazohoa i Jehovah o Malemeo
12 Azo i Jehovah atao ty le avy le nagnasaze i Arona tamo o raha rehoe. Faie trea fa tsy ndaty raty ty Arona. Nanao hadisoagne reke satria va’e mafe ty nanjò aze ndra tsy nahalietse reke naho fa nitaone ty hafa hanao raty. Faie naho fa nampahafantaregne aze i fahadisoa’ey, le nagneke reke sady nagneke ty fanapahan-keve i Jehovah. (Eks. 32:26; Nom. 12:11; 20:23-27) Ndraleo i Jehovah nifantoke tamy ty finoa i Arona naho ty fibebaha’e. Ty fahatahoragne i Jehovah ty nahatsiarovagne i Arona naho ty tarana’e, ndra tie fa taonjato maro tafara tatoy aza.—Sal. 115:10-12; 135:19, 20.
19-25 AVRILY
HARENA AMY TY SAONTSIN’ANDRIANAGNAHARE | NOMERY 22-24
“Navaly i Jehovah ho Fitahiagne i Ozogney”
bt 53 § 5
Torio i “Talily Soa Miomba i Jesosỳ”
5 Tsy mahavita mampijanogne ty fitoria ty vahoan’Andrianagnahare ka amy izao o fagnenjehagneo, manahake ty tamy ty taonjato voaloha’e avao. Misy Kristiana gadraegne am-pirizò agne ndra seregne ho an-tane hafa agne. Faie mateteke izay ty mahavy ty ndaty agne haharey ty hafatse miomba i Fanjakagney. Afake nitory tamy ty tobe fitana o Naziao agne ohatse, ty Vavolombelo i Jehovah tamy i Aly Lahibey II. Hoe ty Jiosy raike nifampirehake tamy i Vavolombelogne tagne rey: ‘Natanjan-tsaigne i Vavolombelo i Jehovah ginadra rey, le tena nagneke raho fa nioregne tamy ty Soratse Masigne ty finoa iareo. Izay ty nahavy ahike ho Vavolombelo i Jehovah.’
it “Hadalana”: “Hadalana ny manohitra an’i Jehovah” § 1
Hagegeagne
Hagegeagne ty manohetse i Jehovah. Nanao ty hagnozognagne o Israelitao ty Balama mpaminany mba hahazoagne vola tamy i Balaka mpanjaka o Moabitao. Faie hagegeagne zay satria navaly i Jehovah ho fitahiagne i ozogne rey sady natao’e nandamoka i fitake nampiasae i Balama rey. Hoe ty apostoly Petera miomba i Balama: “Nikezake nikalagne ty hagegea i mpaminanỳ, i birìke vave’e moagney, le nirehake manahake o ndatio.” Parafrônia (a.b.t. ty ivela i saigney: Tsy misaigne, minegne) ro rehake grike nampiasae i Petera mba hirehafagne ty hagegea i Balama.—2Pe 2:15, 16; No 22:26-31.
Andao Hikaroke Harena Mietake
w04 1/8 27 § 2
Hevetse Miambake amy ty Boke Nomery
22:20-22: Nagnino ro nirehetse tamy i Balama ty havignera i Jehovah? Nisaontsy tama’e ty Jehovah mba tsy hagnozogne o Israelitao. (Nomery 22:12) Faie niarake tamy i ndaty i Balaka rey ty Balama sady nagniry mafe hagnozogne o Israelio. Nagniry hampifale i mpanjaka i moabitay sady handrambe valesoa boake ama’e ty Balama. (2 Petera 2:15, 16; Joda 11) Mbe nipay hasoa tamy i mpanjakay avao ty Balama ndra tie fa sinere hitso-drano o Israelitao aza reke. Nagnomey hevetse ty hampiasagne o ampela mpivavake tamy i Balao reke mba hitaogne o lahilahy israelitao. (Nomery 31:15, 16) Nanagne fagniriagne tsy mete afa-po ty Balama sady tena nimafe loha, le izay ty nahavy an’Andrianagnahare ho vignetse tama’e.
26 AVRILY–2 MEY
HARENA AMY TY SAONTSIN’ANDRIANAGNAHARE | NOMERY 25-26
“Afake Hiambake amy ty Maro vao Rehe?”
lv 97 § 1-2
“Ilaiso ty Fijangajangagne”
MANDEHA amy ze toeragne tea’e ty mpanjono raike. Misy fiagne fa nieretserete’e ho azo, le filie’e soa ty raha hamandriha’e aze. Atora’e agnate rano agne i taly famitagnagney. Mihetseketseke amy izay i bosogney sady miforetse i hataey. Sintone’e malaky i rahay, le azo’e i fiagney. Tena fale reke fa nahay nifily fandrike.
2 Nandineke ty raha hatao’e fandrike ka ty lahilahy raike tamy ty taogne 1473 Taloha i Kristy. I Balama ty agnara’e sady ty vahoan’Andrianagnahare ty tea’e ho fandrihegne. Nitobe tamy ty Tane Mira i Moaba tagnila i Tane Nampitamaegney teo iareo tamy izay. Nanao ty vata’e ho mpaminany i Jehovah ty Balama faie ndaty tea vola sady kinarama hagnozogne o Israelitao. Faie nikalagna i Jehovah i ozogney, le ndra nitso-drano o Israelio ty Balama. Le mbe te hahazo i valesoay avao ty Balama. Nieretseretse reke tie, hatao’e ty hahavy o Israelio hanao fahotagne lahibey, amy izay Andrianagnahare avao ty hagnozogne i vahoa’e rey. Ze somondrara ampela soa ta Moaba ao ty nampiasa’e mba hamandrihagne iareo.—Nomery 22:1-7; 31:15, 16; Apokalypsy 2:14.
lv 97 § 4
“Ilaiso ty Fijangajangagne”
4 Ino ty nahavy izay? Maro ty nanjare nanagne fo raty, le niala tamy i Jehovah. Ie amy izao Ireke ty Andrianagnahare nagnafake iareo boake Ejipta agne naho nagnomey hanegne iareo tan-tane efetse agne vaho nitarike iareo hatrake amy i Tane Nampitamaegney agne. (Hebreo 3:12) Nisaintsaigne izay ty apostoly Paoly, le nirehake tihoe: “Ao tikagne tsy hijangajanga, manahake ty nijangajangà ty ila’e tamy iareo, le telo arivo tsy roe ale ty nizamagne agnate ty andro raike.”—1 Korintianina 10:8.
Andao Hikaroke Harena Mietake
it “Sisin-tany”: “Sisin-tanin’ireo fokon’ny Israely” § 2-3
Sisin-tane
Natao antsapake ty fizaràgne i taney, faie nihenteagne ka ty habey ty foko ty tsikiraidraike. Ty faritse hoahy ty foko tsikiraidraike avao ro naseho tamy i antsapakey, le igne ty nahafantaragne tie, t’avaratse agne vao reke sa t’atimo agne sa t’atignanagne agne sa t’ahandrefagne agne sa amy ty tane amoron-driake sa tamy ty faritse bey vohitse. Ty fanapahan-keve i Jehovah ro naseho i antsapakey. Amy izay tsy hisy foko hifampialogne ndra hialy. (Oh 16:33) I antsapakey ka ty nitarihan’Andrianagnahare ze raha miseho, mba ho tanterake amy ty foko tsikiraidraike ty faminaniagne nirehafe i Jakoba tamy i reke fa ho nimatey.—Ge 49:1-33.
Naho fa vita i antsapakey, le fantaregne tie, nanao akore ty habey ty faritane nimeigne ty foko tsikiraidraike arakarake ty habey i fokoy. Hoe ty Jehovah tamy i Mosesy: “Zarao ho anareo arakarake ty keleiagne ama’areo eo i taney, le antsapake ty hizara’areo aze. Ampitombò ty lova ze maro, le ahegno ty lova ze tsy ampe. Ze tane azo’e amy i antsapakey ty ho aze.” (No 33:54) Ze faritse naseho i antsapakey avao areke ro nitana’e faie va’e namboaregne ty habei’e. Bey loatse ohatse ty anjara faritane i Joda, le nahegne sady nimeigne ty foko i Simeona ty tapa’e maromaro tama’e.—Js 19:9.