Loharanon-kevetse amy ty Fanompoagne Naho ty Fiaignantika Kristiana
3-9 MEY
HARENA AMY TY SAONTSIN’ANDRIANAGNAHARE | NOMERY 27-29
“Tahafo ty Jehovah le Ko Magnavakavake”
Teavo i Toetse i Jehovah Rey
14 Nandeha nagnontane i Mosesy iareo tie: ‘Nagnino ty agnaran-drae’ay ro niforagne tsy ho agnate ty keleia’e ao, noho i reke tsy nanagne ana-dahy?’ Nangatake ka iareo tie: “Mba omeo lova amy ty rahalahin-drae’ay areke zahay!” Tena tsy fomba ze raha zay tie taloha. Faie le avy le nirehake tamy iareo vao ty Mosesy tie: ‘Ie zay i lalànay, le fa ie zay’? Aha’a, “nindese i Mosesy tagnatreha i Jehovah eo i raharahay.” (Nom. 27:2-5) Akore ty natao i Jehovah? Hoe ty Jehovah tamy i Mosesy: “Maregne i reha i anak’ampela i Zelofada rey zay. Toko’e homea’o lova amy i rahalahin-drae iareo rey eo vata’e iareo. Le afindrao ama’e ty lovan-drae’e.” Tsy vita izay fa nampidire i Jehovah tamy i lalànay ao zay. Le hoe reke tamy i Mosesy: “Naho misy lahilahy mate faie tsy managne ana-dahy, le afindrao amy ty anak’ampela’e i lova’ey.” (Nom. 27:6-8; Jos. 17:1-6) Nahazo lova iaby ze ampela israelita nanagne olagne manahake iareo dime vave nanomboke teo.
Teavo i Toetse i Jehovah Rey
15 Trea tamy ty fomba nandamina i Jehovah i olagne ignehoe, fa tena soa fagnahy naho tsy magnavakavake reke. Tsy mba nisy ndaty hagnampe aze iareo dime vave. Faie i Jehovah nagnomey hasi’e iareo, manahake ty natao’e tamo o Israelitao iaby. (Sal. 68:5) Mbe misy tantara maro ty amy Baiboly ao mampiseho fa tsy magnavakavake ty Jehovah.—1 Sam. 16:1-13; Asa. 10:30-35, 44-48.
Teavo i Toetse i Jehovah Rey
16 Ino ty hagnampe antikagne tsy hagnavakavake manahake i Jehovah? Tadidio fa mila managne toe-tsaigne tsy magnavakavake tikagne, vaho izay ho trea amy ty ataontikagne tie tsy magnavakavake tikagne. Va’e hieretseretse tikagne tie, fa mivelatse ty saintikagne sady tsy magnavakavake. Faie tsy mora amantikagne kindraike ty mamantatse ze tena am-pontikagne ao. Ino areke ty azo atao mba hahafantaragne tie tena tsy magnavakavake tikagne? Dineho ty natao i Jesosy. Tea’e ho fantatse tie, ino ty nirehafe o ndatio miomba aze, le nagnontane namagne azo atokisagne reke tie: ‘Atao o ndatio ho ia moa i Ana o ndatỳ?’ (Mat. 16:13, 14) Afake magnontane namagne azo atokisagne ka tikagne tie: ‘Magnavakavake vao raho? Akore ty fihevera o ndatio ahy?’ Akore naho mirehake reke tie, kindraike rehe mifily volo o ndaty, ndra soa fagnahy rehe naho fa amy ty ndaty manam-bola ndra nianatse mihoatse azo? Mivavaha mafe amy i Jehovah rehe mba hagnampe azo hiova, amy izay hanahake aze sady tsy hagnavakavake.—Mat. 7:7; Kol. 3:10, 11.
Andao Hikaroke Harena Mietake
it “Fanatitra”: “Fanatitra zava-pisotro”
Fagnatetse
Fagnatetse raha inomegne. Nampiarahegne tamy ty ankamaroa ty fagnatetse hafa io, lohotsie naho fa tamy i Tane Nampitamaegney tao o Israelitao. (No 15:2, 5, 8-10) Divay (“raha inomegne mahamamo”) io, sady nararake tambone i alitaray eo. (No 28:7, 14; ampit. Ek 30:9; No 15:10.) Hoe ty Paoly tamy i Kristiana ta Filipia agne rey: “Faie fale naho miharo hafaleagne ama’areo raho, ndra tie atao manahake ty fagnatetse raha inomegne, sady ailigne amy i sorogne hoahy ty ndaty maroy eo.” Nirehake reke fa hoe fagnatetse raha inomegne ty tegna’e noho ireke vognogne hahafoe tegna hoahy ty rahalahi’e kristiana. (Fi 2:17) Hoe ka reke tamy i Timoty taloha kede ty nimateza’e: “Fa ailigne hoe fagnatetse raha inomegne raho, sady fa antitotse ty fotoagne voatondro hagnafahagne ahy.”—2Ti 4:6.
10-16 MEY
HARENA AMY TY SAONTSIN’ANDRIANAGNAHARE | NOMERY 30-31
“Tano ty Vava Natao’o”
it “Voady”: “An-tsitrapo, nefa tsy maintsy nefaina” § 1
Vava Natao
An-tsitrapo, faie tsy maintsy efaegne. Natao an-tsitrapo ze vava natao, faie nitaké i Lalànay ty hagnatanterahagne izay. ‘Ty fiay’ i nanao vavay ro ‘natao’e antoke’ fa hitagne ty reha’e reke. (No 30:2; henteo ka ty Ro 1:31, 32.) Tsy toko’e ho memeke hanao vava areke tikagne, fa toko’e hodinehegne soa hey ze raha tafilitse ama’e. Izao ty rehafe i Lalànay: ‘Naho manao vava amy i Jehovah Andrianagnahare’o rehe, [le] tena hampagnonere i Jehovah Andrianagnahare’o amy ze raha zay rehe le ho hakeo ho azo zay. Faie tsy ho hakeo ho azo zay naho tsy manao vava rehe.’—De 23:21, 22.
it “Voady” § 1
Vava Natao
Fifantagne an-tsitrapo aman’Andrianagnahare fa hanao raha raike, hanolotse fagnatetse ndra fagnomezagne, hanao fanompoagne ndra hagnorike fomba fiaignagne raike, ndra hifaly raha ila’e tsy voatere ho raty. Mavesa-danja manahake ty mifanta areke ty manao vava, sady kindraike nampiarahegne o rehake rehoe amy Baiboly ao. (No 30:2; Mt 5:33) Mirehake ty raha safirie’e hatao ty ndaty raike ‘manao vava’, fa ty ndaty ‘mifanta’ manognogne agnara o ndaty ambone mba hagnamafesagne fa maregne i raha rehafe’ey sady hitagne ty reha’e reke. Mateteke ro mifanta ze nanao fifagnekeagne.—Ge 26:28; 31:44, 53.
w04 1/8 27 § 3
Hevetse Miambake amy ty Boke Nomery
30:7-9—Afake magnafoagne ty vava natao ty vali’e vao ty lahilahy kristiana? Raharaha miomba i Jehovah naho ty mpanompo’e tsikiraidraike ty fanoagne vava amy izao. Vava atao ty tsikiraidraike ohatse ty fanokanan-tegna hoahy i Jehovah. (Galatianina 6:5) Tsy afake magnafoagne ty vava hoe izay ty lahilahy manambaly. Ty ampela manambaly ka tsy toko’e hanao vava mifanohetse amy ty Saontsin’Andrianagnahare, ndra amy ty andraiki’e amy ty vali’e.
Andao Hikaroke Harena Mietake
it “Jefta”: “Nanao voady” § 4
Jefta
Azo atao ty manolotse ndaty hoahy i Jehovah, ty dika izay atokagne reke hanompo aze amy i toeragne masigney ao. Managne zo hanao izay ty rae aman-drene. Mbe an-troke agne ohatse ty Samoela, le fa nanao vava ty Hana rene’e fa hanokagne aze mba hanompo tamy i tragnolay masigney tao. Nagneke i vava natao’e zay ty Elkana vali’e. Naho vaho sinarake nono ty Samoela, le fa natolo i Hana tamy i toeragne masigney tao. Ninday biby hatao sorogne ka iareo tamy izay. (1Sa 1:11, 22-28; 2:11) Agnisa ty ndaty natokagne ho an’Andrianagnahare ka ty Samsona, noho i reke Nazirita.—Mpts 13:2-5, 11-14, ampitahao amy ty fahefagne anagna ty rae aman-drene amy ty ana’e rehafegne amy No 30:3-5, 16 ao.
17-23 MEY
HARENA AMY TY SAONTSIN’ANDRIANAGNAHARE | NOMERY 32-33
“Roaho ... Iaby ty Mponegne amy i Taney”
Fanta’o Vao?
Inogne i “toeragne abo” rehafegne mateteke amy Soratse Hebreo ao rey?
Naho fa hizilike tamy i Tane Nampitamaegney tao o Israelitao, le nampagnafahe i Jehovah iareo iaby i toeragne fivavaha i Kananita nitoboke tao rey. Hoe reke: “Poteho ka ze sare vongagne vigne iaby, naho ty toeragne abo masigne iaby amy iareo eo.” (Nomery 33:52) Va’e amy ty toeragne mora talake ty nisy i toeragne fivavahan-diso rey sady tamy ty toeragne abo, ndra va’e ho toeragne namboaregne tambone hatae ey ndra tan-tanàgne tao ndra tan-toeran-kafa agne. (1 Mpanjaka 14:23; 2 Mpanjaka 17:29; Ezekiela 6:3) Va’e ho nahatreavagne alitara ty tey, tsangambato, ndra hatae mitsangagne mahitsy, sarevongagne, toeragne fagnoroagne emboke magnitse, naho raha hafa fampiasa amy ty fivavahagne.
w08 15/2 27 § 5-6
Ko Magneregne ty Hadisoa o Israelitao
Miatreke fitsapagne mitovy amo o Israelitao ka tikagne. Maro ty raha atao o ndatio hoe sampy tie amy izao. Agnisa izay ty vola, mpanao filma, mpanao sporo, mpanao politike, mpitarike fivavahagne, ndra ty longo’e aza. Va’e hanjare ho tondregne amy ireo tikagne. Ho simba ty fifandrambesantikagne amy i Jehovah, naho ndaty tsy manompo aze ro ataontikagne namagne.
Tena mibaribary ty firaisagne tsy ara-dalàna tamy ty fivavahagne tamy i Bala, le Israelita maro ty voafandrike. Misy fandrike hoe izay ka mahavoa ty Kristiana ila’e tie amy izao. Naho tea mikarokaroke amy Internet ao ohatse ty ndaty raike, faie tsy mitao, le va’e hanimba ty feo ty fieretsereta’e rey, lohotsie naho ireke raike avao ty an-tragno ao. Botò kede avao ty ginehe’e, le va’e hahatrea raha raty reke. Mampalahelo vata’e naho manjare tea magnente sare maloto amy Internet ao ty Kristiana raike!
it “Kanana”: “Azon’ny Israelita i Kanana” § 12
Kanana
Hendre ty Josoa, le “tsy nisy nagnafaha’e ndra raike aza ze saontsy nandilia i Jehovah i Mosesy” miomba ty hamonovonoagne o Kananitao. (Js 11:15) Faie tsy norihe ty firene o Israelio ty tari-dala’e, le tsy vinonovono iareo ze ndaty nandoto i taney. Nagnoho-doza amy iareo areke ty fisia o Kananitao tamy iareo teo. Tsy tihoe tie niparitake avao ty hapiarotegne naho ty findesam-batagne maloto vaho ty fanompoan-tsampy fa maro ka ty nimate tamy iareo. Faie ho nitsiampe zay naho tsy nasia’e poke ty fagnoriha’e ty lilin’Andrianagnahare tihoe vonovonoegne iaby o Kananitao. (No 33:55, 56; Mpts 2:1-3, 11-23; Sl 106:34-43) Nampitao o Israelitao ty Jehovah fa manao ty rare’e naho tsy miangatse reke naho fa mampihatse ty lilim-pitsarà’e. Nisaontsy areke reke fa ho vonovonoe’e iareo, le ‘haloa o taneo’, naho mifagnosehose amo o Kananitao, mifanambaly amy iareo, manompo ty andrianagnahare’e, sady magnorike ze fombafomba naho ze raha fatao’e mampangorìgne.—Ek 23:32, 33; 34:12-17; Le 18:26-30; De 7:2-5, 25, 26.
Andao Hikaroke Harena Mietake
it “Sisin-tany”: “Sisin-tanin’ireo fokon’ny Israely” § 3
Sisin-tane
Naho fa vita i antsapakey, le nifantaregne tie manao akore ty habey ty faritane homeagne ty foko tsikiraidraike arakarake ty habey i fokoy. Hoe ty Jehovah tamy i Mosesy: “Zarao ho anareo arakarake ty keleiagne ama’areo eo i taney, le antsapake ty hizara’areo aze. Ze maro ampitombò ty lova’e, le ze tsy ampe ahegno ty lova’e. Ze tane azo’e amy i antsapakey ty ho aze.” (No 33:54) Ze faritse naseho i antsapakey avao areke ty nitanagne, faie va’e ho namboaregne ty habei’e. Bey loatse ohatse ty anjara faritane i Joda, le nahegne, sady nisy ampaha’e maromaro tama’e nimeigne ty foko i Simeona.—Js 19:9.
24-30 MEY
HARENA AMY TY SAONTSIN’ANDRIANAGNAHARE | NOMERY 34-36
“Mitsoloha amy i Jehovah”
w17.11 9 § 4
Atao’o Fitsoloha’o vao ty Jehovah?
4 Akore naho tsy satrie ty Israelita raike ty nahafate ndaty? Mbe meloke avao reke satria namono ndaty tsy manan-tsiny. (Gen. 9:5) Faie nisaontsy ty Jehovah fa toko’e hamindragne fo reke, le hengagne hilay amy ty raike amy i tanàgne fitsolohagne enegne rey. Voaro reke tie tagne, satria tsy afake namono aze i mpamale fatey. Tsy maintsy nijanogne tagne reke amparake ty imateza i mpisorom-beỳ.—Nom. 35:15, 28.
w17.11 9 § 6
Atao’o Fitsoloha’o vao ty Jehovah?
6 Tsy maintsy lomay amy i tanàgne fitsolohagney agne ze Israelita nahafate ndaty faie tsy nisatrie’e. Naho fa niavy tam-bavahady i tanàgney teo reke, le tsy maintsy ‘nitantara soa tagnatreha i androanavi-pagnahy rey’ teo, ty dika izay nagnazava ze raha niseho. Tsy maintsy nandrambe aze soa iareo. (Jos. 20:4) Naheregne tamy i tanàgne namonoa’e ndatỳ agne reke naho fa tafara tatoy, sady nitsarae ze androanavi-pagnahy tao. (Vakio ty Nomery 35:24, 25) Nahazo niheregne tamy i tanàgne fitsolohagney tagne reke naho fa niavy eo, naho trea o androanavi-pagnahio tie, tena tsy satrie’e i rahay.
w17.11 11 § 13
Atao’o Fitsoloha’o vao ty Jehovah?
13 Voaro ze nilay tamy i tanàgne fitsolohagney tao. Hoe ty Jehovah: “Ho fitsolohagne ho anareo i tanàgne rey.” (Jos. 20:2, 3) Tsy nisy natahora i ndatỳ sasa ty tagne. Tsy nampitsarae i Jehovah fagnindroe’e reke. Tsy nahazo nizilike tamy i tanàgney tao mba hamono aze ka i mpamale fatey. I Jehovah ro niaro aze tao. Faie tsy tihoe gadra reke, fa afake miasa naho magnampe ndaty vaho manompo soa i Jehovah. Tena afake ty ho sambatse naho ho afa-po amy ty fiaignagne reke.
Andao Hikaroke Harena Mietake
w91 15/5 13 § 13
Solovoigne Hoahy ze Ndaty Iaby
13 Ndra i Adama naho i Eva tsy nandrambe soa boake amy i solovoigney. Mioregne tamo o toro lalagne zao ty lalà i Jehovah: “Ko mandrambe ty vily ty fagnavotagne ty ay i mpamono ndatỳ, i fagneva ty hovonoegney, fa tsy maintsy vonoegne reke.” (Nomery 35:31) Tsy voafitake ty Adama faie nisatrie’e ty nanota. (1 Timoty 2:14) Sahala namono ty tarana’e reke satria nandova ota iareo, le nanjare voaheloke ho mate. Mazava ho aze fa fagneva ty ho mate ty Adama, satria tamy i reke nivoririkey, le nisatry raha tsy nankatò ty lalàn’Andrianagnahare. Sahala nanohetse ty fitsipi’e maregne ty Jehovah naho nanao i solovoigney mba hagnavotagne i Adama. Faie ty fandoava’e ty vokatse i fahota i Adamay, le afake votsoragne amy ty fate ty tarana’e. (Romanina 5:16) Nifoagna’e ty foto otao. ‘Nimate mba hamonjeagne ay o ndaty maro’ i mpagnavotsey, ninday ty voka ty ota amy ze tarana i Adama.—Hebreo 2:9; 2 Korintianina 5:21; 1 Petera 2:24.
31 MEY–6 JONA
HARENA AMY TY SAONTSIN’ANDRIANAGNAHARE | DEOTERONOMIA 1-2
“Andrianagnahare ro Mitsara”
w96 15/3 23 § 1
Jehovah—Tea Hamarenagne Naho Rare’e
Voatere mitsara fahotagne lahibey ty androanavi-pagnahy amo o fiangonagneo eo. (1 Korintianina 5:12, 13) Naho fa manao izay iareo, le mitadidy fa ty fanoan’Andrianagnahare rare’e, le mitake ty hampisehoagne famindram-po amy ze azo anoagne izay. Faie naho tsy mibebake i mpanotay, le tsy azo atao ty mampiseho famindram-po. Faie tsy noho ty vale-fate ty androahagne i mpanao ratỳ tsy ho agnisa ty fiangonagne. Mitamà iareo fa ty fandroahagne i ndatỳ ty hahavy aze hahatsapa tegna. (Ampitahao amy ty Ezekiela 18:23.) Mampihatse ty rare’e o androanavi-pagnahio satria ambane ty fitariha i Kristy, sady tafilitse amy izay ty maha “fitsolohagne amy ty tiobey” iareo. (Isaia 32:1, 2) Naho izay areke, le tsy toko’e hagnavakavake sady hahay hanahatsahatse iareo.—Deoteronomia 1:16, 17.
w02 1/8 9 § 4
Ekeo Lognandro ty Fahefagne Napetran’Andrianagnahare
4 Faie tsy ty fahafantaragne o Lalànao avao ty nitakegne tamo o mpitsarao. Tsy voririke o androanavi-pagnahio, le tsy maintsy mifehe ty fagnirian-drati’e. Tsy toko’e ho tea tegna naho hiangatse vaho ho tea vola ohatse iareo, fa naho tsy izay, le va’e hanao fitsaràgne vilagne. Hoe ty Mosesy tama’e: “Ko mifily volo o ndaty naho fa mitsara, fa tsanogno manahake o beio o kedeo. Ko matahotse ndaty, fa an’Andrianagnahare ty fitsaràgne.”—Deoteronomia 1:16, 17.
Andao Hikaroke Harena Mietake
Azo Atokisagne ty Faniahia i Jehovah
9 Nandeha tamy “ty tane efetse bey sady mampatahotse” o Israelitao tagnate ty 40 taogne. Tsy nisaontsie i Jehovah tamy iareo tamy ty pitsopitso’e ty fomba hitariha’e naho hiarova’e iareo, tamy iareo vaho handehay. Nampiasa andry rahogne ty Jehovah naho fa atoandro, le andry afo naho fa halegne, mba haniahiagne o Israelitao fa magnampe iareo amy i toeragne magnoho-dozay reke. (Deot. 1:19; Eks. 40:36-38) Nagnomey iareo ze tena nilae iareo reke. “Tsy niriatse ty akanjo’e sady tsy nivonto ty tombo’e.” “Tsy nisy nahaore” aze iareo.—Neh. 9:19-21.
7-13 JONA
HARENA AMY TY SAONTSIN’ANDRIANAGNAHARE | DEOTERONOMIA 3-4
“Feno Hilala Naho Maregne ty Lalà i Jehovah”
it “Fahiratan-tsaina”: “Raha te hahira-tsaina” § 4
Fahiratan-tsaigne
Manjare mahiran-tsaigne noho i mpampianatse azey naho o ndaty beio ty ndaty mazoto mianatse naho mankatò ty Saontsin’Andrianagnahare. (Sl 119:99, 100, 130; ampit. Lk 2:46, 47.) Ty fitsipin’Andrianagnahare naho ty lili’e ty ahazoa’e fahendreagne naho fahiratan-tsaigne. Naho fa nankatò izay amy ty pitsopitso’e o Israelitao, le nagneke ze firenena nagnodidigne aze tie “hendre naho mahiran-tsaigne” iareo. (De 4:5-8; Sl 111:7, 8, 10; ampit. 1Mp 2:3.) Taka ty ndaty mahiran-tsaigne fa tsy maintsy misy voka’e ty tsy fagnorihagne ty Saontsin’Andrianagnahare. Te hampifagnarake ty fiaigna’e amy io reke, le mangatake ty fagnampean’Andrianagnahare. (Sl 119:169) Alente’e agnate fo’e ao ty saontsin’Andrianagnahare (Mt 13:19-23), sady sorate’e am-po’e ao (Oh 3:3-6; 7:1-4), le manjare heje’e ze “lalan-diso iaby.” (Sl 119:104) Hoe izay ty nanoe i Anan’Andrianagnaharey tamy ie tan-tane etoỳ, le tsy natahotse ho mate tamy i hazo fijaleagney teo reke mba hahatanterake ty Soratse Masigne satria fa nirehafe io ty fomba hahafate aze.—Mt 26:51-54.
w99 1/11 20 § 6-7
Naho fa Matarike
Gagan-draha noho ty raha nirei’e naho nitrea’e i mpanjakavavey, le namale hoe izao am-piambaneagne reke: “Sambatse ty ndati’o, sady sambatse ty mpanompo’o retoagne, satria agnatreha’o eto isan’andro, le maharey ty fahendrea’o!” (1 Mpanjaka 10:4-8) Ndra tie tamy i fanagnagne maroy teo aza i mpanompo i Solomona rey, le tsy noho ze anto’e zay ty nirehafa i mpanjakavavey iareo tie sambatse. Faie sambatse i mpanompo i Solomona rey, satria afake nitsanogne lognandro ty fahendreagne nimein’Andrianagnahare i Solomona. Ohatse soa hoahy ty vahoa i Jehovah amy hinane zao areke i mpanjakavave i Shebay, satria nahafinaritse aze ty fahendrea i Mpamorogney naho i Jesosy Kristy Ana’e!
Fagneva ty homarehegne ka ty rehake magnarake natao i mpanjakavavey tamy i Solomona, le tihoe: “Isaoragne abey ty Jehovah Andrianagnahare’o.” (1 Mpanjaka 10:9) Tsapa’e fa ty fità i Jehovah ty tambaly i fahendreagne naho i fitahiagne niazo i Solomonay. Mifagnarake amy ty raha nampitamae i Jehovah Israelita taloha tagne rey zay. ‘Ty fitandremagne ty liliko’ hoe reke, “ro ho fahendrea’areo naho ho fanagna’areo fahiratan-tsaigne agnatreha o firenena hafao eo, fa haharey ty fitsipiko iaby iareo le hanao tihoe: ‘Tena hendre naho mahiran-tsaigne o firenena lahibey iohoe!’”—Deoteronomia 4:5-7.
w07 1/8 29 § 13
“Manan-karena Aman’Andrianagnahare” vao Rehe?
13 Ty fara’e soa ro mea i Jehovah ty vahoa’e, naho fa magnomey fitahiagne iareo reke. (Jakoba 1:17) ‘Tane feno ronono naho tantele’ ohatse, ty nimei’e o Israelitao. Maregne fa hoe izay ka ty fomba fireha o Ejipsianao. Faie nisy lafi’e lahibey raike fara fahakede’e, naha hafa i tane nimey i Jehovah o Israelitaoy. “Tane nikarakarae i Jehovah Andrianagnahare” io, hoe ty Mosesy tamo o Israelitao. Midika zay fa hiadagne iareo satria ho karakarae i Jehovah. Nahazo fitahiagne maro tamy i Jehovah o Israelitao naho fa tsy nivalike tama’e. Nibaribary ka fa soa mihoatse ty ahy ty firenena nagnodidigne aze ty fomba fiaigna iareo. Ty fitahia i Jehovah vata’e ro “mampanan-karena”!—Nomery 16:13; Deoteronomia 4:5-8; 11:8-15.
Andao Hikaroke Harena Mietake
w04 15/9 25 § 3
Hevetse Miambake amy ty Boke Deoteronomia
4:15-20, 23, 24—Voarara ty famboaragne saresaren-draha. Midika vao zay fa tsy mete ty mamboatse saresaren-draha? Aha’a, tsy izay. Ty famboaragne saren-draha mba hivavahagne ro rinara teto. Tsy azo atao ty ‘miondreke agnatreha i sampy rey eo naho manompo aze.’ Tsy mandrara ty hagnamboaragne saresaren-draha ndra sare lokolokoagne ty Soratse Masigne.—1 Mpanjaka 7:18, 25.
14-20 JONA
HARENA AMY TY SAONTSIN’ANDRIANAGNAHARE | DEOTERONOMIA 5-6
“Ampianaro ho Tea i Jehovah ty Ana’areo”
w05 15/6 20 § 11
Ry Rae Aman-drene, Meo ze Raha Ilae’e ty Keleia’areo
11 Tsy misy andinin-teny miherenkeregne mateteke noho ty Deoteronomia 6:5-7 varagne, naho fa mirehake ty miomba izay. Mba henteo amy i Baiboli’oy ao moa o andinin-teny iohoe sady vakio! Mareho fa ty rae aman-drene hey ro toko’e hikezake hifandrambe soa amy i Jehovah, ty dika izay, ho tea aze naho handrambe am-po ty saontsi’e. Midika zay fa mila mianatse soa ty Saontsin’Andrianagnahare rehe. Mila mamaky Baiboly tsy tapake naho misaintsaigne ze raha vakie’o rehe, mba ho azo’o soa naho ho tea’o ty fomba fiheve i Jehovah naho ty toro lala’e vaho ty lalà’e. Amy izay, le hameno ty fo’o o hamarenagne mahafinaritse agnate Baiboly ao reo, le ho fale rehe sady tena hagnaja i Jehovah vaho ho tea aze. Hanan-draha soa maro hambara’o ty ana’o ka rehe.—Lioka 6:45.
w07 15/5 15-16
Akore ty Agnampea’o ty Ana’o Hanjare ho Ndaty Vagnogne?
Tsy ty raha rehafe’o avao ro ahatreavagne ty fagniria’areo, ty tanjo’areo, ty fitsipike orihe’areo miomba ty findesam-batagne, sady ty raha mahafinaritse anareo fa ze raha atao’areo ka. (Romanina 2:21, 22) Mandineke soa ty raha atao ty rae aman-drene’e o ajajao nanomboke amy ty naha kede aze. Voamare’e tie ino iaby ty raha lahibey amy i rae aman-drene’ey, le irey mateteke ro manjare raha lahibey ama’e. Ho tsapa’e naho tena teà iareo ty Jehovah. Ho trea’e ohatse fa raha lahibey ama’areo ty mamaky Baiboly naho ty mianatse io. Ho fanta’e naho i Fanjakagney ro atao’areo voalohan-draha amy ty fiaigna’areo. (Matio 6:33) Naho mivory lognandro sady mitory tsy tapake nareo, le ho taka ty ana’areo fa ty fanompoagne masigne ho ahy i Jehovah ro lahibey ama’areo.—Matio 28:19, 20; Hebreo 10:24, 25.
w05 15/6 21 § 14
Ry Rae Aman-drene, Meo ze Raha Ilae’e ty Keleia’areo
14 Aseho ty Deoteronomia 6:7 fa misy fotoagne maro azo hararaotegne, mba hirehafagne raha ara-pagnahy amo o ajajao. Afake magnararaotse mirehake miomba izay rehe naho fa mandehandeha miarake ama’e, ndra miarake manao raharaha ndra miarake mihisa. Tsy voatere hanao “lahajaka” miomba ty hamarenagne amy Baiboly ao rehe, faie mikezaha hirehake raha ara-pagnahy mampahery amy ty ana’o. Misy lahatsoratse sambe karaza’e ty amo o Mifohazao! Naho mamaky irey rehe, le ho afake hirehake miomba ty biby finoro i Jehovah, ty toeragne soasoa magneran-tane sady ze karazan-kolontsaigne vaho fomba fiaigne miambake amy ty maro. Va’e handrisike o ajajao vao mainke hamaky boke aman-gazete aboa ty mpanompo mahihitse naho mahimbagne zay.—Matio 24:45-47.
Andao Hikaroke Harena Mietake
Trea amy ty Lalà i Mosesy fa Bey Hatea Naho Manao ty Rare’e ty Jehovah
11 Lesogne: Tsy ze miseho ivela’e avao ro vazoho i Jehovah amo o ndatio fa ze am-po’e agne ka. (1 Sam. 16:7) Vazoho’e iaby ndra ty eretseretse, ndra ty fihetseham-po, ndra ty raha atao. Mipay ze soa am-pontikagne ao reke sady tea’e hitombo zay. Ho tsapantikagne naho vaho te hieretseretse raha raty tikagne sady tea’e hifehe izay malaky amy ie mbe tsy manao ratỳ.—2 Tan. 16:9; Mat. 5:27-30.
21-27 JONA
HARENA AMY TY SAONTSIN’ANDRIANAGNAHARE | DEOTERONOMIA 7-8
“Ko Mifanambaly amy Iareo”
Nagnino ty Andrianagnahare ro Nandily ty Mpanompo’e Hanambaly Ndaty Mitovy Finoagne Ama’e Avao?
Voaloha’e, fanta i Jehovah fa te hamitake ty vahoa’e ty Satana, le nitarike iareo hanompo andrianagnahare diso. Hoe ty Jehovah: “Hampiala ty ana-dahi’o tsy hagnorike ahy [ty ndaty tsy mivavake amako], le azo antoke fa hanompo andrianagnahare hafa iareo.” Hisy voka’e lahibey amy ty firene o Israelio iaby zay. Tsy hankasitrahan’Andrianagnahare naho tsy harova’e sasa iareo, le ho mora rese ty fahavalo’e, naho hanjare hanompo andrianagnahare hafa. Faie tsy hiboake boake amy i firenenay ty Mesia nampitamaegne naho izay ty raha miseho. Mazava areke tie nagnino ty Satana ro te hitaogne o Israelitao hanambaly ndaty tsy mpivavake amy i Jehovah.
Mbe azo Atao Avao vao ty Manambaly “amy i Tompo Ao”?
Faie natao’e agnate ty Saontsi’e ao i lily mba hanambaly amy i Tompo ao avaoy. Ino ty anto’e? Satria fanta’e ze mahasoa ty vahoa’e. Tsy tea’e hanao safidy raty ty mpanompo’e, le hijale. Tea’e naho sambatse iareo. Nirehake ty ohatse raty i Solomona ty Nehemia naho fa nisy Jiosy maro nanambaly hafa firenena tsy nanompo i Jehovah tamy ty andro’e. Tea i Andrianagnahare’ey ty Solomona, faie ‘ndra nivoatao i ampela hafa firenena rey hanota reke.’ (Neh. 13:23-26) Ty hahasoa ty mpanompo’e areke ro nahavy i Jehovah nandily iareo tsy hanambaly naho tsy ndaty tena manompo aze. (Sal. 19:7-10; Isaia 48:17, 18) Mankasitrake ty fiahia i Jehovah ty tena Kristiana sady matoky ty tari-dala’e. Mankatò aze amy ty maha Mpitondra aze tikagne, le magneke fa ireke ro manan-jò hisaontsy amantikagne ze toko’e hataontikagne.—Ohab. 1:5.
Filio Soa ty Nama’o amo o Andro Fara’e Zao
12 Ty Kristiana te hanambaly ro tena mila mifily soa ze ifanerasera’e. Mirehake mazava ty Baiboly tie: “Ko magneke hiharo baogne amy ty tsy mpino. Sady inogne ty iharoa ty mazava naho ty maiegne?” (2 Kor. 6:14) Mandrisike ze Kristiana mipay valy ty Baiboly mba hanambaly “amy i Tompo ao” avao, ty dika izay ndaty fa nanokan-tegna naho vita badisa vaho magnorike soa ze raha rehafe ty Baiboly. (1 Kor. 7:39) Hanagne valy mpanompo i Jehovah ty Kristiana raike naho manambaly Vavolombelogne, sady hagnampe aze tsy hivalike amy i Jehovah zay.
Andao Hikaroke Harena Mietake
w04 1/2 13 § 4
Magnomey ze Raha Ilaentikagne Isan’andro ty Jehovah
4 Ty fangatahagne ty hanegne tsahatse isan’andro, le toko’e haniahy antikagne fa mila hanegne ara-pagnahy ka tikagne. Nitsapa hevetse i Jesosy ty Satana, naho fa boake nifaly hanegne ela bey reke, le nampagnovae’e ho mofo i vatoy. Faie nanohetse aze ty Jesosy ndra tie tena keré aza, sady nirehake tie: “Fa sinoratse tihoe: ‘Tsy mofo avao ty mahavelogne o ndatio fa ze hene saontsy miakatse amy ty falie i Jehovah ka.’” (Matio 4:4) Nagneregne ty reha i Mosesy tamo o Israelitao reke teo. Izao ty reha o mpaminany iohoe: ‘Natao [i Jehovah] ty hahavy azo hiambane, le nagnenga azo ho keré, naho nagnomey azo mana hohanegne, le ty mana tsy fanta’o sady tsy fanta ty raza’o, mba hampahafantaragne azo fa tsy ty mofo avao ro iveloma o ndatio fa ty saontsy boake amy ty falie i Jehovah ka.’ (Deoteronomia 8:3) Hanegne nimey i Jehovah o Israelitao o manao, ro nandrambesa’e lesogne ka. Toko’e “hamory ze tsahatse ho hane’e isan’andro” iareo, fa naho mangorogne mihoatse izay, le maimbo naho misy oletse i ambi’ey. (Eksodosy 16:4, 20) Faie tsy izay ty raha hiseho amy ty andro fahaenegne naho tsy maintsy mamory indroe ty navori’e isan’andro iareo, mba hisy hohanegne naho fa Sabata. (Eksodosy 16:5, 23, 24) Ty fisia i manay areke le maniahy iareo fa tsy maintsy mankatò iareo, sady tsy mofo avao ty iveloma’e fa “ze saontsy boake amy ty falie i Jehovah” ka.
28 JONA–4 JOLAY
HARENA AMY TY SAONTSIN’ANDRIANAGNAHARE | DEOTERONOMIA 9-10
“Inogne ty Také i Jehovah Andrianagnahare’o Ama’o?”
w09 1/10 10 § 3-4
Ino ty Angatahe i Jehovah Amantikagne?
Ino ty handrisike antikagne hankatò an’Andrianagnahare an-tsitrapo? Nirehake fomba raike ty Mosesy. Hoe reke: ‘Matahora i Jehovah Andrianagnahare’o.’ (Andine’e 12) Tsy hondrahondra noho ty tahotse ke ndra ho azon-doza io fa tahotse mahasoa mahavy antikagne tena hagnaja an’Andrianagnahare naho ty fitsipi’e. Tsy hanao ze raha hahavignetse aze tika naho tena magnaja aze.
Faie ino ty tena handrisike antikagne hankatò an’Andrianagnahare? Hoe ty Mosesy: ‘Teavo amy ty fo’o ty Jehovah Andrianagnahare’o sady tompò amy ty fo’o naho amy ty tegna’o.’ (Andine’e 12) Tsy fihetseham-po avao tihoe tea an’Andrianagnahare. Hoe ty boke raike: “Kindraike ty matoanteny hebreo mampiseho fihetseham-po, le midika tihoe ka manao raha vokatse o fihetseham-po iohoe.” Midika tihoe “manao raha aman-katea” ho an’Andrianagnahare tihoe tea aze, hoe o boke iohoe. Naho tena tea an’Andrianagnahare areke tikagne, le hanao ty raha fa fantantikagne fa hampifale aze.—Ohabolana 27:11.
w09 1/10 10 § 6
Ino ty Angatahe i Jehovah Amantikagne?
Hotahiegne tikagne naho mankatò an-tsitrapo. Hoe ty Mosesy: ‘Ambeno o lily andiliako azo zao mba hahasoa azo.’ (Andine’e 13) Mahasoa antikagne vata’e ty lily i Jehovah iaby, ty dika izay ze angatahegne amantikagne. Azo antoke zay satria mirehake ty Baiboly fa “Andrianagnahare hatea.” (1 Jaona 4:8) Mea’e antikagne areke ty lili’e mba handrambesantikagne soa maharetse. (Isaia 48:17) Tsy azo ty olagne maro tikagne naho manao ze raha angatahe i Jehovah amantikagne. Hahazo fitahiagne ka tika ambane ty fitondra i Fanjakà’ey.
cl 16 § 2
Tena Afake ‘Magnarine An’Andrianagnahare’ vao Rehe?
2 Nanagne ze fifandrambesagne marine ama’e zay ty Abrahama. Natao i Jehovah tihoe “namako” reke. (Isaia 41:8) Nente i Jehovah ho sahala nama’e vata’e ty Abrahama. Afake nifandrambe marine taman’Andrianagnahare hoe izay reke satria “nino an’Andrianagnahare.” (Jakoba 2:23) Mipay fomba ‘hipitehagne’ amy ze manompo aze noho ty hatea’e aze ka ty Jehovah amy izao. (Deoteronomia 10:15) Hoe ty Saontsi’e amantikagne: “Magnarinea an’Andrianagnahare, le hagnarine anareo reke.” (Jakoba 4:8) Fangatahagne naho fampitamagne ho antikagne o rehake rehoe.
Andao Hikaroke Harena Mietake
it “Anakita” § 1
Anakita
Ndaty bey naho abo nitoboke tamy ty faritse bey vohitse a Kanana agne naho tamy ty faritse ila’e agnolon-driake ey, lohotsie fa t’atimo agne. Nisy fotoagne nipetrake ta Hebrona agne ty Ahimana naho i Sesay vaho i Talmay, lahilahy anakita nalaza. (No 13:22) Tagne i mpitsikilo hebreo 12 rey ro vaho samba’e nahatrea o Anakita zao. Nanao tatetse nampatahotse areke ty 10 tamy iareo, le nirehake fa tarana i Nefilima tafara i Safodranoỳ o Anakita rehoe, sady le hoe “valala” i Hebreo rey naho oharegne ama’e. (No 13:28-33; De 1:28) Bey naho abo o Anakitao, le nanjare nampitoviegne tamy ty foko bey naho abo hafa, agnisa izay ty Emima naho i Refaima. Tena naozatse ka iareo, le izay varagne ro nahavy i firehake tihoey: “Ia ty mahatohetse ty tarana i Anàka?”—De 2:10, 11, 20, 21; 9:1-3.