Manoa ty Maregne amy Ze Kila Raha

Teantikagne naho ndaty manao ty maregne ty namantikagne. Tea i Jehovah ka naho manao ty maregne ty nama’e. Faie maro ty ndaty tsy manao ty maregne amy ty tontolo toy eto, le va’e tsy ho mora amantikagne ty hanao ty maregne. Ino ty soa ho rambesentikagne naho manao ty maregne amy ze kila raha tikagne?

1. Ino ty anto’e lahibey mahavy antikagne manao ty maregne?

Naho fa manao ty maregne tika, le izay ty ahatreavagne tie teantikagne ty Jehovah sady miasy aze tika. Dineho zao: Fanta i Jehovah iaby ze raha eretseretentikagne naho ze raha ataontikagne. (Hebreo 4:13) Vazoho’e naho fa mifily ty hanao ty maregne tika, sady fale reke. Hoe ty Baiboly: “Mampangorigne i Jehovah ty ndaty fetsefetse, faie ty ndaty maregne ro managne fifandrambesagne marine ama’e.”​—Ohabolana 3:32.

2. Inogne iaby ty azontikagne atao mba hampisehoagne tie manao ty maregne tika?

Tea i Jehovah “hirehake ty maregne amy ty namantikagne” tika. (Zakaria 8:16, 17) Ino ty dika izay? Tsy toko’e havande tika naho fa mifampirehake amy ty keleiantikagne, ty mpiara-miasa amantikagne, amo o mpiara-manompò, ndra amo o manam-pahefagneo. Tsy mangalatse ty ndaty manao ty maregne sady tsy mamitake. (Vakio ty Ohabolana 24:28 naho ty Efesianina 4:28.) Aloa iareo iaby ka ze hetra toko’e haloa’e. (Romanina 13:5-7) Naho fa manao izay tika, le ho trea tie “manao ty maregne amy ze kila raha.”​—Hebreo 13:18.

3. Inogne iaby ty soa ho rambesentikagne naho fa manao ty maregne tika?

Hatokisa ty hafa tika naho malaza manao ty maregne. Hanjare hoe keleian-draike ka tikagne amo o fiangonagneo eo satria mifampatoky. Halio ty feo ty fieretseretantikagne. ‘Magnamigne ty fampianara i Andrianagnahare Mpamonje antikagney’ tika sady mandrisike ty hafa hagnorike ty fivavahagne maregne naho manao ty maregne.​—Titosy 2:10.

ANDAO HANDINEKE TY PITSOPITSO’E

4. Fale ty Jehovah naho fa manao ty maregne tika

Vakio ty Salamo 44:21 naho ty Malakia 3:16, sady iharò midineke ty fagnonteneagne retoa:

• Naho ty heve’o, nagnino tika ro tsy toko’e hieretseretse tie misy raha azontikagne aetake i Jehovah?

• Ino ty ho tsapa i Jehovah naho mirehake ty maregne tika ndra tie va’e ho sarotse aza ty manao izay?

5. Manoa ty maregne lognandro

VIDEO: Ino ty Hagnampe Antikagne ho Fale?: Feo ty Fieretseretagne Malio (2:32)

Vakio ty Hebreo 13:18, sady iharò midineke tie, akore ty ampisehoantikagne tie manao ty maregne tika...

• amy ty keleiantikagne?

• naho fa am-piasagne agne ndra an-dakilasy agne?

• amy ty raha hafa?

6. Mandrambe soa tikagne naho fa manao ty maregne

Maregne fa va’e hisy raha sarotse hanjò azo kindraike naho manao ty maregne lognandro rehe. Faie ho tsapa’o naho fa mandeha ty fotoagne fa tena mahasoa azo ty fanoa’o ty maregne avao. Vakio ty Salamo 34:12-16, sady iharò midineke ty fagnonteneagne toy:

• Nagnino ty fanoagne ty maregne ro mahavy ty fiaigna’o hihasoa?

1. A. Vao mainke hifankatea ty mpivaly naho sambe manao ty maregne

2. B. Hatokisa ty sefo’e ty ndaty raike naho manao ty maregne

3. D. Hatokisa o manam-pahefagneo ty ndaty raike naho manao ty maregne lognandro

FAMINTIGNAGNE

Tea i Jehovah naho mirehake ty maregne sady manao ty maregne ty nama’e.

Fameregnagne

• Akore ty ampisehoantikagne tie manao ty maregne tika?

• Naho ty heve’o, nagnino tikagne ro tsy toko’e hieretseretse tie misy raha azontikagne aetake i Jehovah?

• Nagnino rehe ro tapa-kevetse hanao ty maregne lognandro?

FAGNAZAVAGNE FAGNAMPE’E

Ino ty azo ty rae aman-drene atao mba hagnampeagne ty ana’e hanao ty maregne?

Mirehafa ty Maregne (1:44)

Inogne iaby ty soa ho rambese’o naho fa mitagne ty reha’o rehe?

Tano ty Vava Natao’o, le Hotahiegne Rehe (9:09)

Mbe toko’e handoa hetra avao vao tika ndra tie va’e hampiasaegne amy ty fomba raty aza i raha rey?

“Toko’e Handoa Hetra vao Rehe?” (Fitalakesan-davitse 1 Septambra 2011)

Ino ty nahavy ty lahilahy toy niova le nanjare nanao ty maregne?

“Nanjare Fantako tie Mamela Heloke ty Jehovah” (Fitalakesan-davitse 1 Mey 2015)