Mpisava Lalagne

Mampiasa soa ty herintika tika naho fa magnatratse tanjogne ara-pagnahy. (1Ko 9:26) Magnararaotse fotoagne ka tika naho manao izay satria fa marine ty fara ty tontolo toy. (Ef 5:15, 16) Dineho amy ty fotoam-pivavaha ty keleia’areo ty tanjogne azo tratseregne amy i taom-panompoagne vaovaoy. Naho fa mamantatse naho mivavake miomba ze tanjogne zay nareo le hagnampe anareo ty lahatsoratse amy ty tari dalagne toy.​—Jk 1:5.

Azo’areo keleian-draike atao ohatse ty mifagnampe mba ho afake hanao mpisava lalagne maharetse ndra ty raike ama’areo ao. Naho ohatse rehe misalasala tie tsy ho vita’o ty hagnatratse i lera takégney le mirehafa amy ty mpisava lalagne ila’e fa niatreke olagne mitovy amy izay. (Oh 15:22) Azo’o atao ka ty magnadikadigne mpisava lalagne amy ty fotoam-pivavaha ty keleia’areo. Mandamina fandaharam-potoagne le sorato zay. Naho fa nimpisava lalagne rehe tie taloha, le dineho tie fa afake miheregne indraike vao rehe.

Afake manao mpisava lalagne mpagnampe agnate ty vola’e raike ndra mihoatse izay vao ty ila’e ama’areo ao? Naho voafetra ty heri’o, le va’e ho afake hanao mpisava lalagne mpagnampe rehe naho mikezake manokagne fotoagne mba hanompoagne isan’andro. Naho voafetra ty fotoagne anagna’o satria rehe miasa agnate i heregnandroy ndra rehe mpianatse le azo’o atao ty mifily ze volagne misy fara heregnandro dime ndra amy fotoa ty vakansy. Sorato amy ty kalandirie ty date hanoa’o mpisava lalagne mpagnampe le sorato ka ty fandaharam-potoa’o.​—Oh 21:5.

ALEFASO TY VIDEO TIHOE MANAGNA HERIM-PO: RY MPISAVA LALAGNE, LE VALEO TOY:

• Nagnino ty raha niaigna i rahavave Aamand ro mampianatse antika fa tena tea naho mikarakara ze mahafoe tegna ho aze ty Jehovah?