FAGNAJARIAM-BOKE TY Vavolombelo i Jehovah
FAGNAJARIAM-BOKE TY
Vavolombelo i Jehovah
Tandroy
  • BAIBOLY
  • BOKE AMAN-GAZETE
  • FIVORIAGNE
  • w20 Mey p. 8
  • Mpanjaka Roe Mialy amy ty Fotoa ty Fara’e

Tsy misy video mifandrambe amy io

Ajafady fa tsy mete miseho i videoy

  • Mpanjaka Roe Mialy amy ty Fotoa ty Fara’e
  • Fitalakesan-davitse Magnambara Ty Fanjaka i Jehovah (Fianaragne)—2020
  • Fitaovagne Mitovitovy
  • Ia Iaby ty Nanjare “Mpanjaka i Avaratse” amy ty Fotoa ty Fara’e?
    Fitalakesan-davitse Magnambara Ty Fanjaka i Jehovah (Fianaragne)—2020
  • Ia “ty Mpanjaka i Avaratse” amy Hinane Zao?
    Fitalakesan-davitse Magnambara Ty Fanjaka i Jehovah (Fianaragne)—2020
  • Inogne ty Raha Rehafe ty Boke Apokalypsy fa Hanjò o Fahavalon’Andrianagnahareo?
    Fitalakesan-davitse Magnambara Ty Fanjakà i Jehovah (Fianaragne)—2022
  • Fianaragne Boake amy ty Faminaniagne amy Baiboly Ao
    Fitalakesan-davitse Magnambara Ty Fanjakà i Jehovah (Fianaragne)—2023
Fitalakesan-davitse Magnambara Ty Fanjaka i Jehovah (Fianaragne)—2020
w20 Mey p. 8

Mpanjaka Roe Mialy amy ty Fotoa ty Fara’e

Mitovy ty fotoagne isehoa ty faminaniagne ila’e rehafegne ato sady trea amy ireo ka fa miaigne amy ty “fotoa ty fara’e” tikagne.—Dan. 12:4.

Tabilò mampiseho ty faminaniagne miomba ty mpanjaka i avaratse naho ty mpanjaka i atimo nanomboke tamy 1870 hatrake amy izao.
  • Tabilò 1, mampiseho faminaniagne maromaro sambe nitanterake tagnelagnela ty taogne 1870 hatrake amy 1918. Nanomboke tamy 1914 ty fotoa ty fara’e. Faminaniagne 1: Bibihako raike managne loha fito fa niseho taloha ty 1870. Naratse ty loha fahafito o bibihako iohoe tamy i Aly Lahibey I. Nisitragne reke nanomboke tamy 1917. Faminaniagne 2: Nifantatse tie ia ty mpanjaka i avaratse tamy 1871, le ty mpanjaka i atimo tamy 1870. I Alemaina ty ni-mpanjaka i avaratse tamy 1871. I Grande-Bretagne hey ty ni-mpanjaka i atimo. Faie nanomboke tamy 1917, le nanjare ty Firenena Matanjake Anglisy-Amerikana ty mpanjaka i atimo. Faminaniagne 3: I Charles T. Russell naho i nama’e rey i ‘irake hikarakara ty lalagney’ nanomboke tamy 1870 tagne ho agne. Nandrisike ty mpamaky hitory i talily soay ‘Ty Tilikambo Fiambena i Ziona’ (anglisy) nanomboke tamy 1881. Faminaniagne 4: Nanomboke tamy 1914 ty fijinjagne. Navike ty tsimparefare naho ty vare. Faminaniagne 5: Nanomboke tamy 1917, le niseho i tomboke vigne miharo tane. Aseho amo o sare eo ka ty raha niseho nanomboke tamy 1914 hatrake amy 1918, ndra tamy Aly Lahibey I. Raha niseho tamy ty vahoa i Jehovah: Nanomboke tamy 1914 hatrake amy 1918, le ginadra ty Mpianatse Baiboly ta Grande-Bretagne naho Alemaina agne. Ginadra ty rahalahy ila’e tamy foibey agne tamy 1918.
    Faminaniagne 1.

    Andinin-teny: Apok. 11:7; 12:13, 17; 13:1-8, 12

    Faminaniagne: Fa agnarivo’e taogne zay ty nifehea i “bibihakoy” ty ndaty magneran-tane. Haratse ty loha fahafito o bibihako iohoe amy ty fotoa ty fara’e. Faie ho sitragne reke, le hagnorike aze “ty tane toy iaby.” I bibihakoy ty ampiasae i Satana mba hialiagne amy ty tarana i ampelay.

    Fahatanteraha’e: Nanjare nisy fitondram-panjakagne nanohetse i Jehovah tafara i safodranoy. Taonjato maro tafara tatoy, le nanjare fanjakagne tena natanjake ty Grande-Bretagne, faie nihegne ty heri’e tamy i Aly Lahibey I. Natanjake indraike reke naho fa niharo tamy i Etazonia. Ampiasae i Satana mba hagnenjeke ty vahoa i Jehovah ty fanjakagne iaby magneran-tane, lohotsie fa amy ty fotoa ty fara’e.

  • Faminaniagne 2.

    Andinin-teny: Dan. 11:25-45

    Faminaniagne: Mifaninagne ze ho fara’e matanjake ty mpanjaka i avaratse naho ty mpanjaka i atimo.

    Fahatanteraha’e: Nialy tamy i Grande-Bretagne naho i Etazonia ty Alemaina. Ty Firaisana Sovietika naho ty mpanohagne aze ro nanjare mpanjaka i avaratse tamy 1945. Rava ty Firaisana Sovietika tamy 1991, le i Rosia naho ty mpanohagne aze ro nanjare mpanjaka i avaratse naho fa tafara tatoy.

  • Faminaniagne 3.

    Andinin-teny: Isaia 61:1; Mal. 3:1; Lioka 4:18

    Faminaniagne: Handefa ‘irake’ ty Jehovah mba “hikarakara ty lalagne”, aloha ty hioregna ty Fanjakà i Mesia. Hanomboke “hagnambara talily soa amy ty mpandefetse” o irake iohoe.

    Fahatanteraha’e: Nandineke soa o Baibolio ty Russell naho ty nama’e nanomboke tamy 1870, mba hahatreavagne tie ino maregne ty ampianare ty Baiboly. Nihay iareo tamy 1881 tie mila mitory ty mpanompon’Andrianagnahare. Nampiboake lahatsoratse miomba izay areke iareo, agnisa izay tihoe “Mipay Mpitory 1000” naho tihoe “Voahosotse Hitory.”

  • Faminaniagne 4.

    Andinin-teny: Mat. 13:24-30, 36-43

    Faminaniagne: Nisy lahilahy raike nitongy voa soa, faie nisy fahavalo nitongy tsimparefare ka tamy i tanembare’ey. Nengàgne hiarake hitiry iareo, le nanjare tsy trea i varey satria nihamaro i tsimparefarey. Naho fa avy ty fijinjagne, le navike ty vare naho ty tsimparefare.

    Fahatanteraha’e: Nanjare nibaribary tie ia ty Kristiana vata’e nanomboke tamy 1870. Tagnate ty fotoa ty fara’e, le navike amy ty Kristiana sandoke ty Kristiana vata’e sady navory raike iareo.

  • Faminaniagne 5.

    Andinin-teny: Dan. 2:31-33, 41-43

    Faminaniagne: Managne tomboke vigne miharo tane lietse ty sarevongagne lahibey raike.

    Fahatanteraha’e: Ndaty tsotra ambane fahefà i Grande-Bretagne naho i Etazonia i tane lietsey faie manohetse ty fitondrà iareo. Noho ty raha atao o ndaty rehoe, le tsy mafe manahake o vigneo ty fitondrà i Grande-Bretagne naho i Etazonia.

  • Tabilò 2, mampiseho faminaniagne maromaro sambe nitanterake tagnelagnela ty taogne 1919 hatrake amy 1945. I Alemaina ty mpanjaka i avaratse hatrake amy 1945. Ty Firenena Matanjake Anglisy-Amerikana ty mpanjaka i atimo. Faminaniagne 6: Navory mba ho agnisa ty fiangona ty tena Kristiana o voahosotseo tamy 1919. Nanomboke tamy 1919, vao mainke nazoto nitory ty mpanompo i Jehovah. Faminaniagne 7: Tamy 1920, le natsangagne ty Fikambanam-pirenena sady mbe tsy nifoagne naho tsy tamy i Aly Lahibey II. Aseho amo o sare eo ka: Faminaniagne 1, bibihako managne loha fito, mbe mitohy amy i tabilò magnarakey. Faminaniagne 5, niseho i tomboke vigne miharo tane lietsey, mbe mitohy amy i tabilò magnarakey. Raha niseho nanomboke tamy 1939 hatrake amy 1945, ndra tamy i Aly Lahibey II. Raha niseho tamy ty vahoa i Jehovah: Nanomboke tamy 1939 hatrake amy 1945, le Vavolombelogne 11 000 mahery ty ginadra ta Alemaina agne. Fa marine ty 1 600 ty Vavolombelogne ginadra ta Grande-Bretagne agne nanomboke tamy 1939 hatrake amy 1945. Nisy ndaty maro niboseke mafe nanafike o Vavolombelogneo in-2 500 mahery nanomboke tamy 1940 hatrake amy 1944.
    Faminaniagne 6.

    Andinin-teny: Mat. 13:30; 24:14, 45; 28:19, 20

    Faminaniagne: Avory ‘agnate i tragno famoriagne vokatsey ao i varey,’ le tinendre hikarakara ty ‘mpanompo an-tragno ao’ ty “mpanompo mahihitse naho mahimbagne.” Nanomboke nitoriegne ‘magneran-tane ty talily soa i Fanjakagney.’

    Fahatanteraha’e: Tinendre hikarakara ty vahoa i Jehovah ty mpanompo mahihitse naho mahimbagne tamy 1919. Tena nazoto nitory o Mpianatse Baibolio nanomboke tamy izay. Mitory amy ty tane 200 mahery ty Vavolombelo i Jehovah amy izao sady mampiboake boke naho gazete amy ty firehake 1000 mahery.

  • Faminaniagne 7.

    Andinin-teny: Dan. 12:11; Apok. 13:11, 14, 15

    Faminaniagne: Misy bibihako managne tsifa roe mitaogne o ndatio hanao ty “sare i bibihakoy.” Mey i bibihakoy “fofognaigne i sare bibihakoy” naho fa avy eo.

    Fahatanteraha’e: Ty Firenena Matanjake Anglisy-Amerikana ro tena nanangagne ty Fikambanam-pirenena. Nisy firenena hafa ka nanohagne o fikambanagne iohoe, agnisa izay ty mpanjaka i avaratse nanomboke tamy 1926 hatrake tamy 1933. Mitamà o ndatio fa hampisy filaminagne magneran-tane ty Firenena Mikambagne (ONU) manahake ty nitamà iareo tamy ty Fikambanam-pirenena. Faie ty Fanjakan’Andrianagnahare avao ty hahavita izay.

  • Tabilò 3, mampiseho faminaniagne maromaro sambe nitanterake tagnelagnela ty taogne 1945 hatrake amy 1991. Ty Firaisana Sovietika naho ty mpanohagne aze ty ni-mpanjaka i avaratse hatrake amy 1991, le tafara izay nanjare i Rosia naho ty mpanohagne aze. Ty Firenena Matanjake Anglisy-Amerikana ty mpanjaka i atimo. Faminaniagne 8: Nampipoake bomba ty Firenena Matanjake Anglisy-Amerikana le ninday faharavàgne. Faminaniagne 9: Natsangagne ty Firenena Mikambagne tamy 1945, io ty nasolo i Fikambanam-pirenenay. Aseho amo o sare eo ka: Faminaniagne 1, bibihako managne loha fito, mbe mitohy amy i tabilò magnarakey. Faminaniagne 5, niseho i tomboke vigne miharo tane lietsey, mbe mitohy amy i tabilò magnarakey. Faminaniagne 6, 156 000 mahery ty isa ty mpitory tamy 1945. Mahery ty 4278000 ty isa ty mpitory tamy 1991. Raha niseho tamy ty vahoa i Jehovah: Vavolombelogne agn’arivo’e ty natao sesetane ta Siberia agne nanomboke tamy 1945 hatrake amy 1951.
    Faminaniagne 8.

    Andinin-teny: Dan. 8:23, 24

    Faminaniagne: ‘Hinday faharavàgne tanterake’ ty mpanjaka raike mampatahotse.

    Fahatanteraha’e: Nandravarava naho namono ndaty tsiefa ty Firenena Matanjake Anglisy-Amerikana. Nampipoake bomba roe tamy ty firenena raike ohatse, ty Etazonia tamy i Aly Lahibey II, le tena ninday faharavàgne lahibey ze raha zay. Ty anto’e, fahavalo i Etazonia naho i Grande-Bretagne o firenena iohoe.

  • Faminaniagne 9.

    Andinin-teny: Dan. 11:31; Apok. 17:3, 7-11

    Faminaniagne: Misy ‘bibihako mena bey’ managne tsifa folo miakatse boake amy i lavake tsikeokeokey ao. Atao tihoe mpanjaka laharagne fahavalo reke. “I raha mampangorìgne mahavy fandravàgney” ty irehafagne aze amy ty boke i Daniela ao.

    Fahatanteraha’e: Tsy nahavita ty asa’e ty Fikambanam-pirenana tamy i Aly Lahibey II. Faie tafara i alỳ, le ‘natsangagne’ ty ONU. Mitamà o ndatio tie hinday filaminagne ty ONU manahake ty nitamae iareo tamy i Fikambanam-pirenenay. Faie ty Fanjakan’Andrianagnahare avao ty hahavita izay. Hanafike o fivavahagneo ty ONU.

  • Tabilò 4, mampiseho faminaniagne maromaro tanterake amy izao hatrake amy i Hara-magedonay. I Rosia naho ty mpanohagne aze ty mpanjaka i avaratse. Ty Firenena Matanjake Anglisy-Amerikana ty mpanjaka i atimo. Faminaniagne 10: Hirehake ty mpitondra magneran-tane tie ‘filaminagne naho fiadanagne.’ Hanomboke i haoreagne lahibeỳ afara izay. Faminaniagne 11: Hanafike o fivavahan-diso o firenenao. Faminaniagne 12: Hanafike ty vahoa i Jehovah ty mpitondra magneran-tane. Avory ho an-dagnitse agne ze voahosotse mbe an-tane etoy. Faminaniagne 13: Hara-magedona. Mamita ty fandresea’e i mitingitse sovala fotỳ. Ringagne i bibihako managne loha fitoy; voadosy ty tombo i sarevongagney. Aseho amo o sare eo ka: Faminaniagne 1, bibihako managne loha fito, mbe mitohy avao hatrake amy i Hara-magedonay. Faminaniagne 5, tomboke vigne miharo tane lietse, mbe mitohy avao hatrake amy i Hara-magedonay. Faminaniagne 6, losotse ty 8 580 000 ty mpitory amy izao. Raha niseho tamy ty vahoa i Jehovah: Nigadrà ty manam-pahefagne ty Vavolombelogne a Rosia agne sady nalae iareo ka ty tragno i Sampagne tamy 2017.
    Faminaniagne 10 naho 11.

    Andinin-teny: 1 Tes. 5:3; Apok. 17:16

    Faminaniagne: Hirehake tihoe “filaminagne naho fiadanagne” o firenenao, le hanafike i ampela “makorelỳ” i “tsifa foloy” naho i “bibihakoy” sady handrava aze. Ho ringagne iaby o firenenao afara izay.

    Fahatanteraha’e: Hirehake o firenena rehoe tie nahavita nampisy filaminagne naho fiadanagne iareo. Handringagne ty fivavahan-diso ty firenena manohagne ty ONU afara izay. Io ty ho fanomboha i haoregne lahibeỳ. Hofoagnagne ty tontolo toy amy i Hara-magedonay, le izay ty hamaragne i haoreagne lahibeỳ.

  • Faminaniagne 12.

    Andinin-teny: Ezek. 38:11, 14-17; Mat. 24:31

    Faminaniagne: Hanafike ty tane misy ty vahoan’Andrianagnahare i Goga, le hamory ‘o ndaty jinobogneo’ o anjelio.

    Fahatanteraha’e: Hanafike ty vahoa i Jehovah ty mpanjaka i avaratse naho ty fitondram-panjakagne hafa magneran-tane. Havory ho an-dagnitse agne ze voahosotse mbe an-tane etoy afara ty hanomboha o fanafihagne iohoe.

  • Faminaniagne 13.

    Andinin-teny: Ezek. 38:18-23; Dan. 2:34, 35, 44, 45; Apok. 6:2; 16:14, 16; 17:14; 19:20

    Faminaniagne: Hamita ‘ty fandresea’e i nitingitse sovala fotỳ’ naho fa handringagne i Goga naho ty tafi’e. ‘Hatorake amy i antara afoy agne i bibihakoy.’ Ho ravàgne i sarevongagne lahibeỳ.

    Fahatanteraha’e: Hagnavotse ty vahoa i Jehovah ty Jesosy, i Mpanjaka ty Fanjakan’Andrianagnaharey. Haringa i Jesosy naho i 144 000 vaho ty anjely maro ty firenena iaby nanafike ty vahoan’Andrianagnahare. Ho foagne tanterake ty tontolo i Satana tie amy izay.

    Fagnajariam-boke Tandroy (2008-2025)
    Hiboake
    Hizilike
    • Tandroy
    • Hizara
    • Firafitse
    • Copyright © 2025 Watch Tower Bible and Tract Society of Pennsylvania
    • Fifagnekeagne
    • Fifagnekeagne Miomba ty Tsiambaratelo
    • Fanapahan-kevetse Miomba i Fifagnekeagney
    • JW.ORG
    • Hizilike
    Hizara