Manam-pinoagne vao Rehe?

Tsy maintsy manam-pinoagne tika naho te hampifale i Jehovah. Faie mirehake ty Baiboly tie “tsy ty ndaty iaby ro manam-pinoagne.” (2 Tes. 3:2) I ndaty nagnenjeke aze rey ty tea i apostoly Paoly horehafegne eo. “Mpampijale naho raty fagnahy” iareo hoe reke le nila vonje reke. Faie tsy o ndaty reo avao ty natao’e tie tsy nanam-pinoagne. Misy ndaty ila’e tsy mino tie misy ty Andrianagnahare sady ireke ty namorogne ze kila raha. (Rom. 1:20) Misy ka ty mirehake tie mino iareo fa misy raha ndra ndaty raike tena mahery. Faie tsy ampe hampifaleagne i Jehovah zay.

Mila rese lahatse tika tie tena misy ty Jehovah sady “mpamale soa” ze tena mino aze. (Heb. 11:6) Agnisa ty vokatse ty fagnahy masigne ty finoagne. Afake mahazo o fagnahy masigne iohoe tika naho mangatake amy i Jehovah amy ty alala ty vavake. (Lioka 11:9, 10, 13) Hahazo fagnahy masigne ka tika naho mamaky Baiboly satria boake amy ty fagnahy masigne o boke iohoe. Toko’e hosaintsaignentika ka ze raha nivakientika sady ampiharentika. Magnenga ty fagnahy masy i Jehovah hagnampe antika hanagne i karazam-pinoagne mampifale i Jehovah-y tika naho manao ireo.