Bele ka Ema Mate Moris Nikar?

SAA MAK ALKITAB DALE

”Nai Maromak atu nalo ema mak mate moris nikar.”​—Kisah 24:15, Maromak Manfatin Hodi Lia Tetun.

DIʼAK BODIK ITA

Ita neon atu biit baa oras ema mak ita hadomi mate.​—2 Korintus 1:3, 4.

Ita moos la hataʼuk ona baa lia mate.​—Ibrani 2:15.

Ita atu hasoru hikar noo ema mak mate tian.​—Yohanis 5:28, 29.

BELE KA LALE ITA FIAR BAA ALKITAB LIAN?

Bele. Tan noo lia fuan tolu:

• Maromak mak foo ita moris. Alkitab naʼak Maromak Yehuwa ”moris huun”. (Kisah 17:24, 25) Mak foo ita moris bele namoris nikar ema mate.

• Uluk Maromak namoris nikar ema mak mate tiʼan. Alkitab nakerek noo ema nain walu mak moris nikar, ema matas, ema nurak, no feto, mak moris nikar iha raiklaran. Noo mak foin mate, noo mak mate loron hat tiʼan!​—Yohanis 11:39-44.

• Maromak nakara tebes atu namoris ema ikus mai. Yehuwa la nakara ita mate; Nia naree hanesan funu. (1 Korintus 15:26) Nia nakara atu nalakon lia mate nodi namoris nikar. Nia namoris nikar ema mak Nia nanoin bodik moris iha raiklaran.