ኣንባቆም

 4 ስለዚ፡ ሕጊ ለሚሱ፡

ፍትሒ እውን ከቶ ኣይወጽእን ኣሎ።

እኩይሲ ንጻድቕ ይኸብቦ ኣሎ፣

ስለዚ፡ ፍትሒ ቐኒኑ ኣሎ።+

ተገሪምኩም ጠምቱን ኣስተንክሩን፣

ብመዓልትታትኩምሲ እንተ ተነግረኩም እኳ

ዘይትኣምንዎ ነገር ኪኸውን እዩ።+

 6 ኣብዝስ ንከለዳውያን፡

ንጨካናትን ንርቡጻትን ህዝቢ አተንስኦም ኣለኹ።+

ዘይናቶም ኣባይቲ ኺምንዝዑ፡

ኣብ ሰፊሕ ክፋል ምድሪ የስፋሕፍሑ።+

 8 ኣፍራሶም ካብ ኣናብር ይቕልጥፉ፣

ካብ ተዃሉ ለይቲ ይሓስሙ።+

ናይ ውግእ ኣፍራሶም ንቕድሚት ይጋልቡ፣

ኣፍራሶም ካብ ርሑቕ ይመጹ።

ምእካብ ገጾም ከም ንፋስ ምብራቕ እዩ፣+

ከም ሑጻ ድማ ምሩኻት ይሓፍሱ።

10 ንነገስታት የላግጹሎም፣

ንሰበ ስልጣን ከኣ ይስሕቅዎም።+

ብዅሉ ዕርድታት ይስሕቁ፣+

መደያይቦ ዚዀኖም ሓመድ ኰሚሮም ይሕዝዎ።

11 ሽዑ፡ ከም ንፋስ ይግስግሱን ይሓልፉን፣

ግናኸ፡ ሓይሎም ካብ ኣምላኾም ከም ዝረኸቡ ስለ ዚብሉ፡*+

በደልቲ ኪዀኑ እዮም።”+

ኦ የሆዋ፡ ንስኻ ፍርዲ ኺፍጽሙ ሸይምካዮም፣

ኣታ ኸውሐይ፡+ ንስኻ ንመቕጻዕቲ* ሰሪትካዮም።+

13 ኣዒንትኻ ኣዝየን ጽሩያት ካብ ምዃነን እተላዕለ፡ ክፍኣት ስቕ ኢለን ኣይርእያን እየን፣

ንእከይ ድማ ክትጻወሮ ኣይትኽእልን ኢኻ።+

ስለምንታይ ደኣ ኢኻ ንጠለምቲ እትጻወሮም፡+

እኩይ ካብኡ ንዚጸድቕ ኪውሕጦ ኸሎ ኸኣ ስቕ እትብል፧+

14 ስለምንታይከ ኢኻ ንሰብ ከም ዓሳ ባሕሪ፡

ከምቶም ገዛኢ ዘይብሎም ለመምቲ እትገብሮ፧

ኣብ መርበቡ ይሕዞም፡

ኣብ መግፈፊኡ ድማ ይእክቦም ኣሎ።

16 ስለዚ፡ ንመርበቡ መስዋእቲ የቕርበሉ፡

ንመግፈፊኡ ድማ ይስውኣሉ* ኣሎ፣

ብሳላኦምሲ ግዲኡ መዓዛታት ዘለዎ፡*

ምግቡ እውን ሕሩይ ኰይኑሉ እዩ።