ኢሳይያስ

ዓመት ዓመት ቀጽሉ፣

እቲ ዑደት በዓላት+ ይቐጽል።

 2 ንኣርኤል ግና ጭንቂ ኸምጽኣላ እየ፣+

ሓዘንን ልቕሶን ከኣ ኪኸውን እዩ፣+

ንሳ ድማ ከም እቶን መሰውኢ ኣምላኽ ክትኰነኒ እያ።+

 3 ብዅሉ ሸነኻ ኽሰፍር፡

ብሓጹር ከኣ ክኸብባ፡

መኽበቢ እውን ከተንስኣላ እየ።+

 4 ክትዋረዲ ኢኺ፣

ካብ ምድሪ ኽትዛረቢ፡

እቲ እትብልዮ ድማ ብሓመድ ኪዕበስ እዩ።

ድምጽኺ ኸም ድምጺ ጠያቒ መናፍስቲ ዀይኑ፡

ካብ ምድሪ ኺመጽእ፡+

ቃልኪ እውን ካብ ሓመድ ጭቝጭቝ ኪብል እዩ።

 5 ጭፍራ ጸላእትኺ* ኸም ድኹም ተጐጓ፡+

ጭፍራ እቶም ጨቈንቲ ድማ ከም ዚውሰድ ብቝቡቝ ኪኸውን እዩ።+

 6 የሆዋ ጐይታ ሰራዊት

ብነጕድን ብምንቅጥቃጥ ምድርን ብብርቱዕ ደሃይን፡

ብብርቱዕ ንፋስን ብህቦብላን ብሃልሃልታ ዚባላዕ ሓውን ቈላሕታኡ ኺገብረልኪ እዩ።”+

 7 ሽዑ፡ ጭፍራ እቶም ምስ ኣርኤል ዚዋግኡ ዅሎም ኣህዛብ፡+

—ኵሎም እቶም ምስኣ ዚዋግኡን

እቲ ኣንጻራ እተገብረ ዕርዲ ኸበባን

እቶም ዜጨንቕዋን፡—

ከም ሕልሚ፡ ከም ራእይ ለይቲ ኪዀኑ እዮም።

 8 እወ፡ ከምቲ ጥሙይ ብሕልሙ ዚበልዕ፡

ግናኸ፡ ብጥሙዩ ዚነቅሕ፡*

ከምቲ ጽሙእ ድማ ብሕልሙ ዚሰቲ፡

ግናኸ፡ ብድኹሙን ብጽሙኡን ዚነቅሕ ኪኸውን እዩ።*

እቶም ምስ ከረን ጽዮን ዚዋግኡ+

ጭፍራ ዅሎም ኣህዛብ እውን ከምኡ ኪዀኑ እዮም።

 9 ተዓነዱን ተገረሙን፣+

ዑሩን ዕዉራት ኩኑን።+

ንሳቶምሲ ሰኺሮም እዮም፡ ግናኸ ብወይኒ ኣይኰኑን፣

ሰንከልከል ይብሉ ኣለዉ፡ ግናኸ ብኣልኮላዊ መስተ ኣይኰኑን።

10 የሆዋስ መንፈስ ከቢድ ድቃስ ኣፍሲሱሎም ኣሎ፣+

ንኣዒንትኹም፡ ነቶም ነብያት ደፊንዎም፡+

ንኣራእስኩም፡ ነቶም ሰብ ራእይ እውን ኣጐልቢብዎም ኣሎ።+

13 የሆዋ ኸኣ ከምዚ ይብል፦ “እዚ ህዝቢ እዚ ብኣፉ ይቐርበኒ፡

ብኸናፍሩ እውን የኽብረኒ፣+

ልቡ ግና ካባይ ርሑቕ እዩ፣

ንዓይ ዘለዎም ፍርሃት ድማ ኣብቲ እተማህርዎ ትእዛዛት ሰብ እተመስረተ እዩ።+

14 ስለዚ፡ እቲ ኣብዚ ህዝቢ እዚ ድንቂ ኣብ ልዕሊ ድንቂ ብምግባር፡

ከም ብሓድሽ ዜደንቕ ነገራት ዚገብር፡ ኣነ እየ፣+

ጥበብ እቶም ጥበበኛታቶም ኪጠፍእ፡

ኣእምሮ እቶም ኣስተውዓልቶም እውን ኪሕባእ እዩ።”+

መንከ ብዛዕባና ይፈልጥ” እናበሉ+

ተግባሮም ኣብ ጸልማት ይገብሩ።

እተገብረዶ ንገባሪኡ፡

“ኣይገበረንን” ኪብሎ ይግባእ እዩ፧+

እተደኰነዶኸ ብዛዕባ ደኳኒኡ፡

“ኣይርድኦን እዩ” ኺብል ይግባእ እዩ፧+

17 ኣብ ሓጺር ግዜ፡ ሊባኖስ ናብ ግራት ፍረታት ኪልወጥ፡+

እቲ ግራት ፍረታት ድማ ከም ዱር ጌርካ ኺርአ እዩ።+

18 በታ መዓልቲ እቲኣ፡ ጸማማት ንቓላት እቲ መጽሓፍ ኪሰምዕዎ እዮም፣

ኣዒንቲ ዕዉራት ድማ ካብ ድነን ጸልማትን ወጺአን ኪርእያ* እየን።+

19 ዓቃላት* ብየሆዋ ብዙሕ ባህ ኪብሎም እዩ፣

ኣብ መንጎ ሰባት ዘለዉ ድኻታት ከኣ በቲ ናይ እስራኤል ቅዱስ ኪሕጐሱ እዮም።+

20 ከመይሲ፡ ጨቋኒ ኣይኪህሉን፡

ምኩሕ ድማ ኪውዳእ እዩ፣

ኵሎም እቶም ኪጐድኡ ዜተኵሩ እውን ኪጠፍኡ እዮም።+

21 እቶም ብቓል ሓሶት ንኻልኦት በደልቲ ዚገብሩ፡

ንተማጓቲ* ኸኣ ኣብ ኣፍ ደገ ኸተማ መጻወድያታት ዚገብሩሉ፡+

ብባዶ መጐተታት እውን ንጻድቕ ፍትሒ ዚኸልእዎ፡ ኪጠፍኡ እዮም።+

23 ንደቁ፡ ነቶም ግብሪ ኣእዳወይ፡

ኣብ ማእከሉ ምስ ረኣዮምሲ፡+

ንሳቶም ንስመይ ኪቕድሱ እዮም፣

እወ፡ ነቲ ናይ ያእቆብ ቅዱስ ኪቕድስዎ፡

ንኣምላኽ እስራኤል እውን ኪፈርህዎ እዮም።+

24 እቶም ብመንፈስ ፋሉላት ዝዀኑ፡ ኣእምሮ ኼጥርዩ፡

እቶም ዜማርሩ ኸኣ ትምህርቲ ኪቕበሉ እዮም።”