መዝሙር

12 ኦ የሆዋ፡ እሙን ተሳኢኑ እዩ እሞ፡ ኣድሕነኒ፣

እሙናት ካብ መንጎ ሰባት ጠፊኦም።

 2 ንሓድሕዶም ሓሶት ይዛራረቡ፣

ብኸናፍሮም ይሽሕጡ፡* ብመታለሊ ኣልባብ* ይዛረቡ።+

 3 የሆዋ ንዅለን ዚሽሕጣ ኸናፍርን

ዓብዪ ትምክሕቲ ንእትዛረብ ልሳንን ኪቘርጽ እዩ።+

ንኸናፍርና ኸም ቃሕ ዝበለና ጌርና ንጥቀመሉ ኢና፣

መን እዩ ጐይታና ዚኸውን፧” ይብሉ።+

 5 “ውጹዓት ስለ እተጨቈኑ፡

ድኻታት ድማ እህህ ስለ ዝበሉ፡+

ክትንስእ እየ” ይብል የሆዋ።

 6 ቃላት የሆዋ ንጹህ እዩ፣+

ኣብ እቶን መሬት* ከም ዝጸረየ፡ ሸውዓተ ሳዕ ከም ዝነጽሀ ብሩር እዩ።

 7 ኦ የሆዋ፡ ክትሕልዎም፡+

ንነፍሲ ወከፎም ካብዚ ወለዶ እዚ ንዘለኣለም ከተዕቍቦም ኢኻ።

 8 ደቂ ሰብ እከይ ስለ ዜስፋሕፍሑ፡

እኩያት ብዘይ ቀይዲ ይዞሩ።+