ህዝቅኤል

28 ከምዚ ዚብል ቃል የሆዋ ኸም ብሓድሽ መጸኒ፦ 2 “ኣታ ወዲ ሰብ፡ ንመራሒ ጢሮስ ከምዚ በሎ፦ ‘እቲ ልዑላዊ ጐይታ ዝዀነ የሆዋ ኸምዚ ይብል፦

“ልብኻ ስለ እተዓበየ፡+ ‘ኣነ ኣምላኽ እየ።

ኣብ ዝፋን ኣምላኽ፡ ኣብ ልቢ ባሕሪ ተቐሚጠ ኣለኹ’+ ትብል ኣለኻ።

 3 እንሆ፡ ንስኻስ ያኢ ኻብ ዳንኤል ትጠብብ ኢኻ።+

ኵሉ ምስጢር እውን ኣይሕብኣካን እዩ።

6 “‘ስለዚ፡ እቲ ልዑላዊ ጐይታ ዝዀነ የሆዋ ኸምዚ ይብል፦

 9 እሞኸ ነቲ ዚቐትለካ፡ ‘ኣነ ኣምላኽ እየ’ ኽትብሎ ዲኻ፧

ኣብ ኢድ እቶም ዜርክሱኻ፡ ሰብ ጥራይ እምበር፡ ኣምላኽ ኣይክትከውንን ኢኻ።”’

11 ከምዚ ዚብል ቃል የሆዋ ድማ ከም ብሓድሽ መጸኒ፦ 12 “ኣታ ወዲ ሰብ፡ ንንጉስ ጢሮስ ኣልቅሰሉ፡ ከምዚ እውን በሎ፦ ‘እቲ ልዑላዊ ጐይታ ዝዀነ የሆዋ ኸምዚ ይብል፦

13 ኣብ ኤደን፡ ኣብ ገነት* ኣምላኽ ነበርካ።

መቓናቱን መትሓዚኡን ከኣ ብወርቂ እተገብረ ነበረ።

በታ እተፈጠርካላ መዓልቲ ተዳልዩ ነበረ።

14 ዜጽልል ቅቡእ ኪሩብ ክትከውን መደብኩኻ።

ኣብ ቅዱስ ከረን ኣምላኽ ነበርካ፣+ ኣብ መንጎ ኣእማን ሓዊ ድማ ተመላለስካ።

17 ልብኻ ብሰንኪ ጽባቐኻ ተዓበየ።+

ብሰንኪ ዓብዪ ግርማኻ፡ ጥበብካ ኣበላሾኻ።+

ናብ ምድሪ ኽድርብየካ እየ።+

ኣብ ቅድሚ ነገስታት ከኣ ምርኢት ክገብረካ እየ።

18 ብዓብዪ በደልካን ብናይ ሸፈጥ ንግድኻን ንመቓድስካ ኣርከስካዮ።

ካብ ማእከልካ ሓዊ ኸውጽእ እየ፣ ንሱ ድማ ኪበልዓካ እዩ።+

ኣብ ቅድሚ ዅሎም እቶም ዚርእዩኻ፡ ኣብ ምድሪ ሓምዅሽቲ ኽገብረካ እየ።

19 ኵሎም እቶም ኣብ መንጎ ህዝብታት ዚፈልጡኻ፡ ተገሪሞም ኪጥምቱኻ እዮም።+

20 ከምዚ ዚብል ቃል የሆዋ ድማ ከም ብሓድሽ መጸኒ፦ 21 “ኣታ ወዲ ሰብ፡ ገጽካ ናብ ሲዶን+ ኣቢልካ ምለስ እሞ ኣንጻራ ተነበ። 22 ከምዚ ኸኣ በል፦ ‘እቲ ልዑላዊ ጐይታ ዝዀነ የሆዋ ኸምዚ ይብል፦

“ኣቲ ሲዶን፡ እንሆ፡ ኣንጻርኪ እየ፣ ኣብ ማእከልኪ እውን ክኸብር እየ።

ኣብኣ ፍርዲ ምስ ፈጸምኩን ኣብኣ ምስ ተቐደስኩን ድማ፡ ኣነ የሆዋ ምዃነይ ኪፈልጡ እዮም።

23 ለበዳ ኽሰድደላ እየ፣ ኣብ ጐደናታታ ኸኣ ደም ኪውሕዝ እዩ።

24 “‘“ሽዑ፡ ቤት እስራኤል ደጊም ብዳንዴርን ብዜሳቒ እሾዅን፡+ በቶም ዚንዕቕዎም፡ ኣይኪኽበቡን እዮም፣ ኣነ እቲ ልዑላዊ ጐይታ ዝዀንኩ የሆዋ ምዃነይ ከኣ ኪፈልጡ እዮም።”’

25 “‘እቲ ልዑላዊ ጐይታ ዝዀነ የሆዋ ኸምዚ ይብል፦ “ንቤት እስራኤል ካብ መንጎ እቶም ፋሕ ዝበሉሎም ህዝብታት መሊሰ ምስ ኣከብክዎም፡+ ኣብ ኣዒንቲ ኣህዛብ ክቕደስ እየ።+ ንሳቶም ድማ ኣብታ ንጊልያይ ያእቆብ ዝሃብክዋ ምድሮም+ ኪቕመጡ እዮም።+ 26 ብደሓን ኣብኣ ኪቕመጡን+ ኣባይቲ ኺሃንጹን ኣታኽልቲ ወይኒ ኺተኽሉን እዮም፣+ ኣብ ኵሎም እቶም ኣብ ዙርያኦም ኰይኖም ዚንዕቕዎም ዘለዉ ፍርዲ ምስ ፈጸምኩ፡ ብደሓን ኪቕመጡ እዮም፣+ ኣነ የሆዋ ኣምላኾም ምዃነይ ከኣ ኪፈልጡ እዮም።”’”