ኢሳይያስ

64 ኣኽራን ኣብ ቅድሜኻ ኼንቀጥቅጡስ፡

ሰማያት ጨንዲሕካ እባ እንተ ትወርድ!

 2 ሓዊ ንቐሸም ከም ዜንድዶ፡

ሓዊ ድማ ንማይ ከም ዜፍልሖ፡

ሽዑ፡ ስምካ ኣብ ጸላእትኻ ምተፈልጠ፡

ኣህዛብ ከኣ ኣብ ቅድሜኻ ራዕራዕ ምበሉ!

 3 ዘይተጸበናዮ ዜፍርህ ነገር ምስ ገበርካ፡+

ወረድካ፡ ኣኽራን ድማ ኣብ ቅድሜኻ ኣንቀጥቀጡ።+

 4 ምእንቲ እቶም ዚጽበይዎ* ዚገብር ኣምላኽሲ+

ብዘይካኻ ኻብ ጥንቲ ኣይተሰምዐን፡ ጽን ኣይተባህለን፡

ዓይኒ እውን ኣይረኣየትን።

 5 ነቶም ተሓጒሶም ቅኑዕ ዚገብሩ፡+

ነቶም ዚዝክሩኻን መገድታትካ ዚስዕቡን ተቐበልካዮም።

እንሆ፡ ክንሓጥእ ከለና፡ ተቘጣዕካ፣+

ንነዊሕ ግዜ ኸምኡ ገበርና።

 6 ኵላትና ኸም ርኹስ ኴንና ኣለና፣

ኵሉ ተግባራት ጽድቅና ኸኣ ከም ክዳን ጻግነ እዩ።+

ኵላትና ኸም ቈጽሊ ኽንጽምሉ ኢና፣

ስሕተትና ድማ ከም ንፋስ ኪወስደና እዩ።

 7 ገጽካ ኻባና ሓቢእካ ኣለኻ፡+

ብሰሪ* ስሕተትና ኸኣ ተማህምነና* ኣለኻ እሞ፡

ስምካ ዚጽውዕ የልቦን፣

ንዓኻ ኺሕዝ ኢሉ ዚለዓዓል እውን የልቦን።

ንሕና ኻይላ ኢና፣ ንስኻ ዝገበርካና ሰራሕ ካይላ* ኢኻ፣+

ኵላትና ግብሪ ኢድካ ኢና።

 9 ኦ የሆዋ፡ እምብዛ ኣይትቈጣዕ፣+

ስሕተትና ንዘለኣለም ኣይትዘክር።

11 እታ ኣቦታትና ንዓኻ ዝወደሱላ

ናይ ቅድስናን ክብርን* ቤትና*

ብሓዊ ነዲዳ ኣላ፣+

ኵሉ እቲ ኣኽቢርና እንርእዮ እውን ዓንዩ ኣሎ።