‘ንልብኹም ሓልውዎ!’

ኣኼባ ኣውራጃ ናይ የሆዋ መሰኻኽር

ፍረ ነገር ዓርቢ

‘የሆዋ ግና ልቢ እዩ ዚርኢ’​—1 ሳሙኤል 16:7።

ፍረ ነገር ቀዳም

“ኣፍ ካብ ምልኣት ልቢ ይዛረብ እዩ”​—ማቴዎስ 12:34።

ፍረ ነገር ሰንበት

‘ንየሆዋ ብፍጹም ልብኹም ኣገልግልዎ’​—1 ዜና መዋእል 28:9።

መጽሓፍ ቅዱስ ንልቢ ዳርጋ ሓደ ሽሕ ሳዕ ይጠቕሶ እዩ። ኣብ መብዛሕትኡ እዋን ከኣ፡ ብዛዕባ ስጋዊ ልቢ ዘይኰነስ፡ ብዛዕባ ምሳልያዊ ልቢ እዩ ዚገልጽ። ምሳልያዊ ልቢ እንታይ እዩ፧ እታ ቓል መብዛሕትኡ እዋን፡ ንውሽጣዊ እንታይነትና፡ ማለት ንሓሳባትናን ንስምዒታትናን ንባህግታትናን እያ እተመልክት።

ንምሳልያዊ ልብና ኽንሕልዎ ዘሎና ስለምንታይ ኢና፧ ኣምላኽ ንንጉስ ሰሎሞን፡ “ህይወት ካብኡ እያ እትፍልፍል እሞ፡ ልዕሊ ዅሉ ንልብኻ ሐልዎ” ኢሉ ንኺጽሕፍ ደረኾ። (ምሳሌ 4:23) ሕጂ ዘሎና ህይወትን ኣብ መጻኢ ዚጽበየና ተስፋን፡ ኣብ ኵነታት ምሳልያዊ ልብና እዩ ዚምርኰስ። ስለምንታይ፧ ምኽንያቱ፡ ኣምላኽ ነቲ ኣብ ልብና ዘሎ እዩ ዚርኢ። (1 ሳሙኤል 16:7) ኣምላኽ ብዛዕባና ዘለዎ ስምዒት፡ ብውሽጣዊ እንታይነትና ወይ ከኣ በቲ “ሕቡእ ናይ ልቢ ሰብ” እዩ ዚውሰን።—1 ጴጥሮስ 3:4።

ንልብና ኽንሕልዎ እንኽእል ብኸመይ ኢና፧ እዛ ሕቶ እዚኣ፡ ኣብቲ ናይ የሆዋ መሰኻኽር ካብዚ ወርሒ እዚ ጀሚሮም ኣብ መላእ ዓለም ዚገብርዎ ኣኼባታት ኣውራጃ ኽትምለስ እያ። ኣብቲ እዚ ኣኼባ ኣውራጃ እዚ ዚግበረሉ ሰለስቲኡ መዓልቲ ኽትእከብ ብኽብሪ ንዕድመካ።a እቲ ኣብኡ እትረኽቦ ትምህርቲ፡ ንልቢ የሆዋ ኣምላኽ ዜሐጕስ ስጕምቲ ንኽትወስድ ኪሕግዘካ እዩ።—ምሳሌ 27:11።

[እግረ-ጽሑፍ]

[ኣብ ገጽ 32 ዘሎ ምንጪ ስእሊ]

Photo on right: Aus dem Fundus der MÜNCHNER OLYMPIAPARK GMBH, München