ትሕዝቶ

እታ ቐዳመይቲ ዓንቀጽ፡ ስደተኛታት ዝዀኑ ኣሕዋትናን ኣሓትናን እንታይ ጸገማት ከም ዘለዎምን ከመይ ጌርና ብግብራዊ መገዲ ኽንሕግዞም ከም እንኽእልን ትገልጽ። እታ ኻልአይቲ ዓንቀጽ፡ ስደተኛታት ዝዀኑ ወለዲ ኸመይ ገይሮም ብስርዓታት መጽሓፍ ቅዱስ ንደቆም ዚጠቅም ውሳነ ኸም ዚገብሩ ትገልጽ።

ዝዀነ ኣገልጋሊ የሆዋ ኣብዚ ስርዓት እዚ ምንባር ይኸብዶ እዩ። እዘን ዓንቀጻት እዚአን፡ ንየሆዋን ንሓቂ መጽሓፍ ቅዱስን ንኣሕዋትናን ዘሎና ፍቕሪ ብምዕቃብ፡ ምስቲ ኣብ ጥቕሚ ርእሲ ዘተኰረ መንፈስ እዛ ዓለም እዚኣ ኸመይ ጌርና ኸም እንቃለስ ይገልጻ። ብዘይካዚ፡ ካብቲ ኣብዛ ዓለም ዘሎ ነገራት፡ ከመይ ጌርና ንክርስቶስ ኣብሊጽና ኸም እነፍቅሮ ትገልጽ።