ትሕዝቶ

የሆዋ ብሉጽ ኣብነት ርእሰ ግትኣት እዩ። ሰባት ነዛ ባህርይ እዚኣ ኣብ ምርኣይ ንየሆዋ ኺመስልዎ ዚኽእሉ ብኸመይ እዮም፧ ርእሰ ግትኣት ከተማዕብልከ እንታይ ግብራዊ ስጕምትታት ክትወስድ ትኽእል፧

ርሕሩሕ ምዃን ኪብሃል ከሎ እንታይ ማለት እዩ፧ የሆዋን የሱስን ነዛ ባህርይ እዚኣ ብምርኣይ ዝመጸ ፍጹም ኣብነት ይዀኑና እዮም። ነቲ ኣብነቶም ግብራዊ ብዝዀነ መገድታት ክንቀድሖ እንኽእል ግና ብኸመይ ኢና፧ ከምኡ ምስ እንገብርከ እንታይ ጽቡቕ ውጽኢት ኢና እንረክብ፧

መጽሓፍ ቅዱስ ብብዙሕ ቋንቋታት ምህላዉ ዜደንቕ ዝዀነ ስለምንታይ እዩ፧ ንቓል ኣምላኽ ብእንርድኦ ቛንቋ ኽንረኽቦ ብምኽኣልና ሞሳ ኸም ዚስምዓና ኸነርኢ እንኽእል ብኸመይ ኢና፧ እዘን ዓንቀጻት እዚአን፡ ንመጽሓፍ ቅዱስን ንደራሲኡን ዝያዳ ፍቕርን ሞሳን ንኺህልወና ኺሕግዛና እየን።

ትብዓት ንክርስትያናት ኣገዳሲት ባህርይ እያ። ካብቶም ጥንቲ ዝነበሩ ኣብነታት ትብዓት ክንምሃር እንኽእል ብኸመይ ኢና፧ መንእሰያትን ወለድን ብዕድመ ዝደፍኣ ኣሓትን እተጠምቁ ኣሕዋትን፡ ብትብዓት ሰናይ ስራሕ ኪሰርሑ ድሉዋት ከም ዝዀኑ ኼርእዩ ዚኽእሉ ብኸመይ እዮም፧