ፍሉይ ወብ ሳይት

ንሰብ ሓዳር

“ስድራ ቤተይ ሕጕስቲ ኽትከውን እየ ዝደሊ። ኣነን ሰበይተይን፡ ብሕልፊ ቘልዑ ኻብ እንወልድ ንነጀው፡ ርክብና ሓርፊፉ እዩ ዘሎ። ሓገዝ የድልየና እዩ”

መጽሓፍ ቅዱስ ከምዚ ይብል፦

“ቤት ሳላ ጥበብ ይህነጽ፡ ሳላ ምስትውዓል ከኣ ይጸንዕ።”—ምሳሌ 24:3።

ጠቓሚ መዳያት እቲ ወብ ሳይት

እቲ “ሰብ ሓዳርን ወለድን” ዚብል ክፋል፡ ነዚ ዚስዕብ ጸገማት ንኽትዋጽኣሉ ኺሕግዘካ ይኽእል እዩ፦

• ንቐዳመይቲ ዓመት ሓዳር ምስጋር

• ምስ እንዳ ኣሕሙ ተሳኒኻ ምንባር

• ንውሉዳት ምግሳጽ

• ቈየቛ

• ንጸገማት ገንዘብ ብግቡእ ምሓዝ

(ብእንግሊዝኛ ዚርከብ። ኣብ ትሕቲ BIBLE TEACHINGS > COUPLES & PARENTS ርአ)

መፍትሕ ሓጐስ ስድራቤት፡ ብዛዕባ ብዙሕ ጕዳያት ስድራ ቤት እትገልጽ መጽሓፍ እያ፣ ገና ንጽል ከለኻ ንሓዳር ክትዳሎ እትኽእለሉ መገድታትን ብዕድመ ንዝደፍኡ ወለዲ እትከናኸነሉ መገድታትን ትሕብር።

(ኣብ www.pr418.com/ti እውን ትርከብ፣ ኣብ ትሕቲ ሕታማት > መጻሕፍትን ብሮሹራትን ርአ)

ንወለዲ

“ካብ ደቀይ ንላዕሊ ዜገድሰኒ ጕዳይ የልቦን። ዓብዮም ኬዅርዑኒ እየ ዝደሊ”

መጽሓፍ ቅዱስ ከምዚ ይብል፦

“ንቘልዓ እታ ኪኸደላ ዚግብኦ መገዲ ኣላምዶ እሞ ምስ አረገ ኻብኣ ኣይኬግልስን እዩ።”—ምሳሌ 22:6።

ጠቓሚ መዳያት እቲ ወብ ሳይት

እቲ “ቘልዑ” ዚብል ክፋል፡ ብስእሊ እተደገፈ ዛንታታትን ስእላዊ ንጥፈታትን ቪድዮታትን ትምህርትታት መጽሓፍ ቅዱስን ዝሓዘ ዀይኑ፡ ንደቅኻ ብዛዕባ እዚ ዚስዕብ ጕዳያት ንኽትምህሮም ኪሕግዘካ ይኽእል እዩ፦

• እዙዛት ኪዀኑ

• ለውሃት ኬርእዩ

• ምስ ካልኦት ኪሳነዩ

• ‘አመስግነካ” ኺብሉ

(ብእንግሊዝኛ ዚርከብ። ኣብ ትሕቲ BIBLE TEACHINGS > CHILDREN ርአ)

መጽሓፈይ ናይ መጽሓፍ ቅዱስ ዛንታታትን ካብቲ ዓብዪ መምህር ተምሃርን ዘርእስተን መጻሕፍቲ፡ ምስ ደቅኻ ዄንካ ንኸተንብበን ተባሂለን እተዳለዋ ጽቡቕ ስእልታት ዘለወን መጻሕፍቲ እየን።

(ኣብ www.pr418.com/ti እውን ይርከባ፣ ኣብ ትሕቲ ሕታማት > መጻሕፍትን ብሮሹራትን ርአ)

ንመንእሰያት

“ንቤት ትምህርትን ንወለደይን ንኣዕሩኸይን ንኣንጻር ጾታን ዚምልከት ምኽሪ እንተ ዝረክብ ደስ ምበለኒ። ቈልዓ ስለ ዘይኰንኩ፡ ‘ከምዚ ግበር፡ ከምቲ ኣይትግበር’ ዚብለኒ ኣይደልን እየ”

መጽሓፍ ቅዱስ ከምዚ ይብል፦

“ብንእስነትካ ባህ ይበልካ።”—መክብብ 11:9።

ጠቓሚ መዳያት እቲ ወብ ሳይት

እቲ “መንእሰያት” ዚብል ክፋል፡ ኣብዚ ዚስዕብ ጕዳያት ኪሕግዘካ ዚኽእል ዓንቀጻትን ቪድዮታትን ዜጠቓልል እዩ፦

• ብጽምዋ እንተ ተበሊዕካ

• ኣብ ቤት ትምህርቲ ጸገማት እንተ ኣጋጢሙካ

• ስርዓት ቤትኩም እንተ ኣፍሪስካ

• እንተ ተደንዲንካ ወይ ብጾታዊ መዳይ እንተ ኣሸጊሮምኻ

(ብእንግሊዝኛ ዚርከብ። ኣብ ትሕቲ BIBLE TEACHINGS > TEENAGERS ርአ)

ቀዳማይን ካልኣይን ጥራዝ እታ መንእሰያት ዚሓትዎ ሕቶታትን ተግባራዊ መልስታቱን ዘርእስታ መጽሓፍ፡ ብተደጋጋሚ ዚሕተት 77 ዚኸውን ኣገዳሲ ሕቶታት ይምልሳ።

(ኣብ www.pr418.com/ti እውን ይርከባ፣ ኣብ ትሕቲ ሕታማት > መጻሕፍትን ብሮሹራትን ርአ)

መጽሓፍ ቅዱስ ኪመሃሩ ንዚደልዩ

“መጽሓፍ ቅዱስ ኪርድኣኒ እደሊ እየ። ካበይ እየ ግና ክጅምር ዝኽእል፧”

መጽሓፍ ቅዱስ ከምዚ ይብል፦

‘ኵሉ ቕዱስ ጽሑፍ ብመሪሕነት መንፈስ ኣምላኽ እተጻሕፈ፡ ንትምህርቲ ኸኣ ዚጠቅም እዩ።’—2 ጢሞቴዎስ 3:16።

ጠቓሚ መዳያት እቲ ወብ ሳይት

ትርጕም ሓዳስ ዓለም ልክዕን ንኸተንብቦ ቐሊልን ዝዀነ መጽሓፍ ቅዱስ እዩ።

(ኣብ ትሕቲ ሕታማት > መጽሓፍ ቅዱስ ርአ)

እቲ “መልሲ ሕቶታት መጽሓፍ ቅዱስ” ዚብል ክፋል፡ “ኣምላኽ፡ ኣይሁድ ብጃምላ ንኪቕተሉ ዝፈቐደ ስለምንታይ እዩ፧” ወይ ከኣ “የሱስ መዓስ እዩ ተወሊዱ፧” ንዚብልን ንኻልእን ሕቶታት ዚኸውን ንጹር መልሲ ይህብ እዩ።

(ብእንግሊዝኛ ዚርከብ። ኣብ ትሕቲ BIBLE TEACHINGS > BIBLE QUESTIONS ANSWEREDርአ)

እቲ “መጽሓፍ ቅዱስ ብናጻ ኸተጽንዕ ሕተት” ዚብል ክፋል፡ ካብቲ ብናጻ ዚውሃብ ትምህርቲ መጽሓፍ ቅዱስ ንኽትጥቀም ኪሕግዘካ ይኽእል እዩ።

(ኣብቲ ኣብ ቀንዲ ገጽ ዚርከብ “መጽሓፍ ቅዱስ ብናጻ ኸተጽንዕ ሕተት” ዚብል ጠውቕ)

“ኪርድኣኒ ስለ ዘይከኣለ፡ መጽሓፍ ቅዱስ ምንባብ ሓዲገዮ ነይረ። በታ ‘መጽሓፍ ቅዱስ ብሓቂ እንታይ እዩ ዚምህር፧’ እትብል መጽሓፍ ገይረ ምስ ኣጽናዕክዎ ግና፡ ኣዝዩ ቐሊልን ንጹርን ምዃኑ ኣገሪሙኒ እዩ።”—ክሪስቲና።