“የሆዋ ጓሳይየይ እዩ”

1. የሆዋ ጓሳይየይ’ዩ፣

ንሱ’ዩ ዚመርሓኒ።

ውሽጠይ ዘሎ ኣይስወሮን’ዩ፣

ብልክዕ ይፈልጠኒ።

ማያት ናብ ዘለዎ ቦታ፡

ናብ ልሙዕ ይወስደኒ።

ብተኣማንነት’ውን ኣፍቂሩ፡

ወትሩ ይሕብሕበኒ።

ብተኣማንነት ኣፍቂሩ፡

ወትሩ ይሕብሕበኒ።

2. ዜሐድስ’ዩ መገድኻ፡

መገድታት ጽድቅኻ፣

ምርሓኒ ብጐደና ሓቂ፡

ምእንቲ ስምካ ኢልካ።

ጸልማት ኣብ ዘለዎ ቦታ፡

እተብዕ ብምርኵስካ፣

ከይጕዳእ ከቶ ኣይፈርህን’የ፡

መዕቈብየይ እንዲኻ።

ከይጕዳእ ከቶ ኣይፈርህን፡

መዕቈብየይ እንዲኻ።

3. የሆዋ ትጓስየኒ’ኻ፣

ክምራሕ’የ ብኣኻ።

ዜድልየኒ ትልግሰለይ፡

ሓንቲ’ኳ ኸየጕደልካ።

ህያው ኣምላኽ ብምዃንካ፡

ርግጽ እሙን’ዩ ተስፋይ።

’ቲ ዓብዪ ፍቕርኻ ምስ ሰናይካ፡

ይስዓበኒ ኣብ ዕድመይ።

ዓብዪ ፍቕርኻ ምስ ሰናይካ፡

ይስዓበኒ ኣብ ዕድመይ።