ካብ ህርፋን ስልጣን ርሓቕ!

ነቲ ፍጻመ መርምሮ።—2 ሳሙኤል 14:25-33፣ 15:1-17፣ 18:9-17, 30-33 ኣንብብ።

ኣቤሴሎም እንታይ ይመስል ከም ዝነበረ ግለጽ። (2 ሳሙኤል 14:25, 26 እንደገና ኣንብብ።)

ኣቤሴሎም ንልቢ እቶም ፍትሒ ደልዮም ናብ ንጉስ ዚመጹ ዝነበሩ ሰባት ኪሰርቕ ኪፍትን ከሎ፡ እንታይ ዓይነት ኣረኣእያን ቃና ድምጽን ዝነበሮ ይመስለካ፧ (2 ሳሙኤል 15:2-6 እንደገና ኣንብብ።)

ነቲ ኣብ 2 ሳሙኤል 14:28-30 ዘሎ ፍጻመ ምስ ኣንበብካ፡ ኣቤሴሎም እንታይ ዓይነት ባህርይ ዝነበሮ ይመስለካ፧

ዝያዳ ምርምር ግበር።

ኣቤሴሎም ንዝፋን ኣቦኡ ንምሓዝ ቅድሚ ምፍታኑ፡ እንታይ እዩ ገይሩ፧ (ኣፋፍኖት፦ 2 ሳሙኤል 13:28, 29 ኣንብብ። ኣምኖን ንዳዊት በዅሪ ወዱ ስለ ዝነበረ፡ ወራሲ ዝፋን እዩ ነይሩ።)

ኣቤሴሎም ህርፋን ስልጣን ዝነበሮን ርእሱ ኽብ ኬብል ዚጽዕርን ሰብ እኳ እንተ ነበረ፡ እቲ እተቐብረሉ መገዲ፡ ሰባት ብኸመይ ይርእይዎ ኸም ዝነበሩ እዩ ዚሕብር፧ (2 ሳሙኤል 18:17 እንደገና ኣንብብ።)

ንኣቤሴሎም ህርፋን ስልጣን ከም ዚሓድሮ ዝገበረ እንታይ ይመስለካ፧ (ምስቲ ኣብ 3 ዮሃንስ 9, 10 ዚርከብ ብዛዕባ ድዮትሬፌስ ዚገልጽ ሓሳብ ኣነጻጽሮ።)

ዳዊት ብተግባራት ኣቤሴሎም እተጸልወ ብኸመይ እዩ፧ (ኣፋፍኖት፦ ነታ ዳዊት ኣብ እዋን ዕልወት ኣቤሴሎም ዝጸሓፋ መዝሙር 3 ኣንብብ።)

ነቲ እተመሃርካዮ ኣብ ግብሪ ኣውዕሎ። ብዛዕባ እዚ ዚስዕብ እንታይ ከም እተመሃርካ ጽሓፍ፦

ህርፋን ስልጣን ብዛዕባ ዘለዎ ሓደጋ።

ተግባራት ሓደ ሰብ ኣብ ልዕሊ ኻልኦት፡ እንተላይ ኣብ ልዕሊ ወለዱ ኼውርዶ ብዛዕባ ዚኽእል ስቓይ።

ተወሳኺ ኣወዓዕላ።

ኣብቲ ኸም መጻወድያ ዝዀነ ህርፋን ስልጣን ብኸመይ ክትወድቕ ትኽእል፧

ካብ ትዕቢት ክትርሕቕ እትኽእል ብኸመይ ኢኻ፧

ካብዚ ጸብጻብ እዚ ዝያዳ ዝተንከፈካ እንታይ እዩ፧ ስለምንታይከ፧

ሓሳብ፦ ኣወዳድኣ እቲ ዛንታ፡ እተፈልየ ኸም ዝዀነ ጌርካ ሕሰብ። ኣቤሴሎም ህርፋን ስልጣን ዘለዎ ሰብ ዘይኰነስ፡ ትሑት እንተ ዚኸውን ነይሩ፡ እንታይ መጋጠመ፧—ምሳሌ 18:12።