ናይ ሓቂ ክርስትያናት ብፍቕሪ ይልለዩ—ብሓቂ ተሓጐስ

ኣገዳሲ ዝዀነ ስለምንታይ እዩ፧ ንየሱስ ብምምሳል ብዛዕባ ዕላማ ኣምላኽ እቲ ሓቂ ኽንምስክር ኣሎና። (ዮሃ 18:37) ብዘይካዚ፡ ኣብዛ ብሓሶትን ብዓመጻን ዝመልአት ዓለም እናነበርና እውን ከይተረፈ፡ ብሓቂ ኽንሕጐስን ሓቂ ኽንዛረብን ሓቂ ዘበለ ኽንሓስብን ኣሎና።—1ቈረ 13:6፣ ፊል 4:8።

እንታይ ክትገብር ኣሎካ፧

• ሕሜት ከይትሰምዕን ከይትነዝሕን ቈራጽነት ግበር።—1ተሰ 4:11

• ካልኦት ብዜጋጥሞም ሕማቕ ነገር ኣይትተሓጐስ

• ብኣወንታውን ብዜተባብዕን ነገራት ባህ ይበልካ

ነታ ‘ንሓድሕድኩም ፍቕሪ ትሃሉኹም’—ብዓመጻ ዘይኰነስ፡ ብሓቂ ተሓጐስ ዘርእስታ ቪድዮ ርኣያ እሞ፡ ድሕሪኡ ነዚ ዚስዕብ ሕቶታት መልሶ፦

• ደቢ “ብዓመጻ” እተሓጐሰት ብኸመይ እያ፧

• ኣሊስ ነቲ ምስ ደቢ ዝገበረቶ ዝርርብ ናብ ኣወንታዊ ኸም ዜምርሕ ዝገበረት ብኸመይ እያ፧

• ክንዛረበሉ እንኽእል ገለ ጽቡቕ ነገራት እንታይ እዩ፧