Hen Mbaroma
5 Sha nahan yô, hegen u i kaa ér se mba mbaperapera sha jighjigh u nan ne,+ se lu nen ken bem* vea Aôndo ken Ter wase Yesu Kristu.+ 2 Ka sha ci u jighjigh u se ne un la kpa gbenda u bugh u Aôndo una tese se erdoo u hemban na la hegen ye.+ Nahan yô, se ember nen* er se lu keghen ser Aôndo a ver se sha ian i icivirigh ne. 3 Heela tseegh ga, se ember nen* ken atsan,+ gadia se fa ican ka i na se lu a ishimawan;+ 4 ishimawan di i na Aôndo a lumun se,+ Aôndo una lumun se yô, se lu a ishimaverenkeghen,+ 5 man ishimaverenkeghen la i ve or ahenge ga.+ Gadia Aôndo ka a wase se u fan sha icighan jijingi na u ka a na se la,+ er se doo un ishima tsung yô.
6 Jighilii yô, er se lu aseeraior her la je,+ Kristu kpe sha ci u mbaasorabo sha shighe u i ver la. 7 Gadia taver u or nana kpe sha ci u orperapera. Nahan kpa, or u dedoo yô, alaghga or nana lumun u kpen sha ci u nan. 8 Kpa Aôndo tese se dooshima na sha gbenda ne nahan: Er se lu mbaasorabo her la je, Kristu kpe sha ci wase.+ 9 Man hegen, er i lu sha awambe a na je i kaa ér se mba perapera yô,+ a yima se sha ikyev na, iyugh i Aôndo ia kera va sha a vese ga.+ 10 Kpa aluer shighe u se lu mbahyomov la je kpa i hime se a Aôndo sha ku u Wan na yô,+ hegen u i hime se a na kera ne je yô, a yima se je ka u ôron a ôr ga, sha ci u ngu uma. 11 Ka nahan tseegh ga, shi se mba ember ken Aôndo sha kwagh u Ter Yesu Kristu, un u a ne i hingir u a hime se a na la.+
12 Nahan, er isholibo nyôr shin tar sha or môm, man ku gema va sha ci u isholibo yô,+ ku va sha ior cii, sha ci u ve cii ve er isholibo+—. 13 Yange isholibo nyôr shin tar je Tindi lu a lu ga. Kpa tindi ka una lu ga yô, mba kaan ér or er isholibo ga.+ 14 Nahan kpa, ku tema tor sha ior hii sha shighe u Adam la zan zan va ar sha shighe u Mose la, kua sha mba ve er imba isholibo i Adam la ga je kpaa. Adam bee un u yange i tôndo zwa ér ngu van la.+
15 Kpa iyua shon ngi er isholibo la ga. Aluer ior kpishi kpe sha ci u or môm per tindi yô, erdoo u hemban u Aôndo a tese la kua iyua i a ne se sha erdoo u hemban u or môm la,+ ka Yesu Kristu je la, i hemba aren a* ior kpishi cii!+ 16 Shi kwagh u iyua la i ve a mi la ngu kwaghmôm a kwagh u a dugh ken isholibo i or môm la ga.+ Gadia yange i ôr ijir sha ci u isholibo i môm i na ibo,+ kpa iyua i í va na zum u i er asorabo kpishi kera la yô, lu ishô.+ 17 Gadia aluer lu sha isholibo i or môm la ku tema tor yô,+ erdoo u hemban u Aôndo kua iyua i a ne sha er se hingir mbaperapera la,+ hemba ngeen shi hemba doon cii. Mba ve zough a mtsera ken akaa ne la cii, or môm, ka Yesu Kristu je la,+ una na vea lu uma, vea tema tor.+
18 Sha nahan yô, er lu sha isholibo i môm hingir u ior cii vea kpe nahan,+ kape ieren i perapera i môm kpa i ne ior cii+ ve hingir mbaperapera je la, shi ka u vea zua a uma.+ 19 Gadia er lu sha ihyembeato i or môm la ior kpishi hingir mbaasorabo nahan,+ kape ieren i ungwan kwagh i or môm la kpa i ne i lu u ior kpishi vea hingir mbaperapera je la.+ 20 Yange i va a Tindi sha er ior vea fa er ve eren asorabo* kpishi yô.+ Kpa ape isholibo i ngee yô, erdoo u hemban ka a hemba ngeen cii. 21 Sha ci u nyi? Er yange isholibo tema tor vea ku yô,+ erdoo u hemban kpa tema tor sha perapera, sha er ior vea zua a uma sha ikyev i Yesu Kristu Ter wase yô.+