Pasalami

86 Yehova, kegh ato,* ungwam,

Gadia ican erem, shi m ngu ken ibanave.+

Yima wanakiriki wou u a lu suur sha a we ne,

Gadia ka we u lu Aôndo wam ye.+

 3 Zungwem mhôônom, Yehova,+

Gadia ka m shi yilan we pepe zan zan tugh.+

 4 Na wanakiriki wou a ember,

Gadia ka hen a we m veren ishima ye, Yehova.

 5 Gadia we Yehova u doo,+ shi u kegh a kegh iyol u den kwaghbo;+

Dooshima wou u been ga, u u tesen mba ve yer sha iti you la ngee tsô.+

 6 Yehova, ma u kegh ato a msen wam;

Shi ma u ongo zamber u m lu zamber mer i wasem ne.+

 7 Me yila u sha iyange i ican i tserem la,+

Gadia we u ungwam.+

 8 Yehova, ma aôndo ugen ngu er we ga,+

Ityom i lun er i you nahan kpa ngi ga.+

 9 Akuraior a u gbe cii

Aa va aa va gure sha ishigh you, Yehova,+

Aa civir iti you.+

10 Gadia u ngu Aôndo u vesen, shi u eren akaa a kpilighyol;+

Ka we tswen u lu Aôndo ye.+

12 Yehova Aôndo wam, m wuese we a ishima yam cii,+

Shi me civir iti you gbem sha won,

13 Gadia u tesem dooshima je gande,

Shi u yima uma wam, u dugh un shin atô u Uwaregh* kera.+

14 Aôndo, ior mba wan ihyagh mough num a mo;+

Nongo u mbawantswam ngu keren mo a ku,

Man mba cian we ga.*+

15 Kpa we Yehova, u ngu Aôndo u zungwen mhôônom shi kunya ngu ker u a ior,

U vihin ishima fele ga, u tesen dooshima wuee, shi u ngu Aôndo u jighjigh.*+

Na wanakiriki wou agee,+

Shi yima wan u kpankwase wou.

17 Tesem ikyav i mdoom ou,

Sha er mba ve kerem ihyom la vea nenge a mi, vea va ahenge yô.