Pasalami
Ka icam i Davidi.
143 Yehova, ma u ongo msen wam;+
Kegh ato a zamber wam.
Ungwam sha ci u mimi wou man perapera wou la.
2 De er ijir a wanakiriki wou ga,
Gadia orumace môm nana fatyô u lun perapera sha ishigh you ga.+
3 Gadia orhyom ngu zendan mo* ijime;
A njighe uma wam hen inya.
A erem m tema hen ajiir a imegh er ka mba ve kpe ica i gbe nahan.
5 M umbur ayange a tsuaa la;
M hen sha kwagh u ityom you cii;+
M gbidye kwar sha* kwagh u tom u ave a ou sha gbashima je.
6 M naregh ave a am hen a we;
Sarem a we tsung er ka i sar inyaombor a mngerem nahan.+ (Sela)
8 Na m ungwa kwagh u dooshima wou u a been ga la pepe,
Gadia m na u jighjigh.
9 Yimam sha ikyev i mbahyomov av, Yehova.
Ka mkor wou m keren ye.+
10 Tesem u eren ishima you,+
Gadia we u ngu Aôndo wam.
Jijingi wou doo;
Ma a hemen mo hen ijiir i vaanaan.*
11 Sha ci u iti you yô, Yehova, kuram m lu uma her.
Yima uma wam ken ican, sha ci u perapera wou la.+