Yesaia
57 Orperapera kpe,
Kpa ishima za or her ga.
I kar a mbacivir Aôndo sha mimi kera,*+
Kpa or môm fa ér i kar a orperapera kera ga,
Sha ci u iferkwagh.
2 A nyôr ken bem.
Ve mba ve zenden sha mimi la cii ve mem sha ugambe vev.*
3 “Kpa ne yô, kpera nen ikyua ikyua,
Ne ônov mba kwase u kpehen ishor,
Ne ônov mba idyaor man agbagakwase:
4 Ka an ne sen nanaa?
Ka an ne bugh zwa gbangelaa shi ne dugh nombor sha a nanaa?
Ne mba ônov mba peren tindi,
Ônov mba aie ga zee?+
5 Ka ne mba isharen i ngee ken a ven hen atô u ikyon i vesen,+
Hen hanma itine i kon u lun a ahu kpishi ne gaa?+
6 Ijiir you ngi a awen a kôngor a shin pev.*+
Een, ka awen la a lu dyako wen ye.
Ve je kpa, ka u haa ve iniav mbi man, shi u na ve uiyua.+
Akaa ne aa kumamaa?*
8 U ver ikyav i umbur we ken ijime i hunda man kpandehunda.
U undum u za er ikyondo iyol kera;
U kôndo u za er gambe gbangesaa.
Shi u ya ikyur a ve.
9 U sen shin Meleki* a mkurem
Man a senti kpishi.
U tindi mbaôron-loho ou yem ica,
Sha nahan yô, u sen shin Uwar.*
10 U vôr u dondon igbenda you i i lu kpishi la,
Kpa u ma u kaa wer, ‘kwagh ne ka ibumekwagh!’ la yô, u ôr ga;
U hide u zua a agee.
Ka nahan ve u gbe uwer ga ye.*
11 Ka an yange u gbidye ikyarkyase iyol u cia nan
Ve u hii u eren aie?+
U umbur kwagh wam ga.+
U hen sha kwagh môm kpaa ga.+
M huan ving, m ngu kwagh wam ga zee?*+
Nahan u ciam ga.
13 Shighe u u vaa wer i wase u la,
Ieev you mbi u kohol la mbia yima u ga.+
Ahumbe a kura mbi cii a yem a mi,
Humbe tseegh kpa una purugh a yem a mbi,
Kpa or u nan yeren ken a mo yô, nana ya dyako u tar
Shi nana ya dyako u icighanwo wam.+
14 A kaa ér, ‘Er, er gbenda! Sôr gbenda!+
Kar a hanma kwagh u nan gbeev mbu nôngon sha gbenda u ior av kera.’”
15 Gadia ka kwagh u Un u a Tav shi a lu Sha Geng la,
Un u a lu uma gbem sha won,+ iti na i lu icighan la+ a kaa je ne, ér:
“M ngu sha ijiir i i tav shi i lu icighan yô,+
Kpa shi m ngu vea mba i ne ve ican shi ve hidi a iyol ijime la,
Sha u me hide me taver mbahiden a iyol ijime
Man sha u me hide me sôr ishima i mba i ne ve ican la yô.+
16 Gadia me hendan a ve gbem sha won ga,
Shin ishima ia za hemen u vihin mo hanma shighe kpaa ga;+
Ior vea vôr sha ci wam,+
Akaa a lun a iôôn a m gbe la je kpaa.
17 Ishima yange vihim a na sha ci u isholibo na i keren mtsera u mimi ga la,+
M gbidye un, m yer ishigh yagh, shi ishima vihim.
Kpa a za hemen u hemban ato,+ dondon kwagh u ishima na i tese un yô.
18 M nenge igbenda na,
Kpa me bee un angev+ shi me hemen un+
Me hide me sur un ishima*+ kua ior nav mba ve lu zungwen la.”+
19 “Me ver iwuese sha nombor u or.
Me na or u nan lu ica man or u nan lu ikyua la cii bem u been ga,+
Shi me bee nan angev,” kape Yehova a kaa la.
20 “Kpa aferaior nga er zegemnger u kpianger u una fatyô u tilen girgir ga nahan,
Mngerem nam ka ma taan toho u shin zegemnger man angbiôr a duen a mi sha.
21 Bem ngu sha ci u iferor ga,”+ kape Aôndo wam a kaa la.