Anzaakaa
4 Ônov av, ungwan nen tsaha u ter;+
Ver nen ishima sha er ne zua a mkav yô,
2 Gadia me wa ne kwagh u injaa;
4 Yange tesem,* a kaa a mo ér:
“Ishima you i kôr akaaôron a am gbang.+
Kuran atindi a am, nahan u lu uma her.+
5 Zua a kwaghfan, zua a mkav kpaa.+
De hungur kwagh u m ôr u ne ga, shi de gem ijime a mi kpaa ga.
6 De te un kera ga, nahan una kura u.
A̱ doo u ishima, nahan una nenge sha a we.*
7 Ka kwaghfan a hembe lun kwagh u vesen* ye,+
Nahan zua a kwaghfan,
Shi ken akaa a u zuan a mi cii, zua a mkav.+
8 A̱ gba u kwagh tsung, nahan una kende a we sha.+
Una na u icivir, sha ci u u kuve un.+
9 Una kange u kwagh u hweegh sha ityo;
Una cir u idyer i tor i doonashe.”
10 Kegh ato, wan wam, lumun akaaôron a am,
Nahan ayange a uma wou aa ngee kpishi.+
12 Zum u u lu zenden yô, kwagh a lu u cimin we ken angahar ga;
Wea yevese kpaa u nôngo gbeev ga.
13 Kôr tsaha gbang; de pasen u ga.+
Kura u, gadia ka uma wou je.+
14 De nyer sha gbenda u mbaaferev ga,
Shi de zenden sha gbenda u ubombaiorov kpaa ga.+
16 Gadia mba fetyô u yaven ga, saa vea er kwaghbo.
Ka vea hungwa a or ga mba fetyô u yaven ga.
17 Ka ve ya beredi u ifer,
Ve ma wain u tswam.
18 Kpa gbenda u orperapera ngu er iwanger i sha use nahan,
Ka i wanger i seer a seer zan zan iyange sha tembe.+
19 Gbenda u mbaaferev ngu er ka ime nahan;
Mba fe kwagh u a ne ve gbeev mbu nôngon ga.
20 Wan wam, ver ishima sha mkaanem am;
Kegh ato zulee* sha akaa a m lu ôron we ne.
21 Ma de karen sha ashe a ou kera ga;
Koso ma ken atô u ishima you,+
22 Gadia ma ne mba ve zough a mi la uma+
Shi ka ma na i kpe iyol ve jimin cii iyol.
24 Ver kwaghôron u cimin ica a we,+
Kwaghôron u ayomough kpaa a gba ica a we.
27 De kahan ken iyan shin ken imese ga.+
Kar a angahar a ou hen kwaghbo kera.