Yesaia
60 “We kwase, mough sha,+ ta iwanger, sha ci u iwanger you va.
Iengem i Yehova ta sha a we.+
2 Gadia nenge! ime ia cir tar
Shi angôghime una cir akuraior;
Kpa ka sha a we Yehova una ta iwanger ye,
Shi ka sha a we a nenge a iengem na ye.
4 Kende ashe sha, nenge ijiir i u lu la cii!
I kohol ve cii ijiir i môm; mba van hen a we.
5 Hen shighe la, u nenge shi u engem,+
Shi a saan ishima you iyol shi ia ember kpishi,
Sha ci u a va a uyôughyôughmbaakaav mba shin zegemnger hen a we;
Shi akaa a akuraior aa va hen a we.+
Ior mba ken Sheba cii—vea va;
Vea tôô zanaria man ferankinsensi vea va a mi.
Vea wuese Yehova ken igbar.+
7 A kohol ilev mbi Kedar cii+ hen a we.
Anomaiyôngo a Nebayoti+ aa er u tom.
9 Gadia ka sha a mo uicile vea ver ashe ye;+
Utso mba Tarshishi mba ken hemen,
Mba van a ônov ou ken ica,+
Kua azurufa ve man zanaria ve,
Sha u vea wuese iti i Yehova Aôndo wou, Un u a lu Icighan u Iserael la,
10 Ushirmbaiorov vea maa ukpekpe ou,
Shi utor vev vea er u tom,+
Sha ci u ishima vihim, nahan m tsaha u,
Kpa er m lu a erdoo yô, me zungwe u mhôônom.+
11 A veren ihindagar you ivegher hanma shighe;+
A wuhen i atetan shin tugh kpaa ga,
Sha u a va a akaa a akuraior hen a we yô,
Shi a lu utor mba a vea hemen u eren kwagh ne ye.+
12 Gadia hanma ikyurior man hanma tartor u ua er u tom ga yô, a tim u kera,
Shi a tim akuraior kera vindi vindi.+
13 Icivir i Lebanon ia va hen a we,+
Kua kon u yunipa man kon u mtuhwe kua kon u shipereshi imôngo,+
Sha u icighanjiir wam a doo ashe yô;
Me na ijiir yam i pendan angahar icivir.+
14 Ônov mba ior mba ve ne u ican la, vea va gure inya sha ishigh you;
Ior mba ve lahan we la cii vea gure inya hen angahar a ou kpee je,
Nahan vea yila u ér gar u Yehova,
Shion u Icighan u Iserael.+
15 A u ma i undu u, shi ma i ker u ihyom, or môm ma nan kera lu karen ken a we ga la yô,+
Me er u u hingir kwagh u tan ihyagh a mi gbem sha won,
Man kwagh u nan iember sha ikyov ikyov.+
16 Shi u ma atumba a akuraior,+
A koso u sha atumba a utor;+
Nahan u fa kpee je er i lu mo Yehova m lu Oryiman wou yô,
Shi orageegh u Yakob la ngu Orpaan wou.+
17 Me va a zanaria, a kera lu togula ga,
Shi me va a azurufa, a kera lu iyôgh ga,
Me va a togula, a kera lu kon ga,
Shi me va a iyôgh, a kera lu awen ga;
Me na bem una lu mbakuran enev
Shi perapera una lu mbanan ne tom.+
18 A kera ungwa kwagh u ipila ken tar wou ga
Shin a ungwa kwagh u mtim man u vihin kwagh haan kera sha akighir a tar a ou kpaa ga.+
Nahan u yila ukpekpe ou wer Myom,+ man ihindagar you wer Iwuese.
19 Gadia iyange ia kera lu u iwanger atetan ga,
Shin uwer ua ta u iwanger kpaa ga,
Sha ci u Yehova una hingir we iwanger i tsôron,+
Shi Aôndo wou una lu mdoom ou.+
20 Iyange you ia kera mire ga,
Shi uwer wou kpa ua kera mire ga,
Sha ci u Yehova una hingir we iwanger i tsôron,+
Shi ayange a ou a zungwen ku aa bee.+
21 Shi ior ou cii vea hingir mbaperapera;
Tar la ua hingir u ve gbem sha won.
22 Ior mba ve vese iyenge ga la, vea hingir dubu
Shi ior mba ve lu kpuaa la, vea hingir ikyurior i ageegh.
Mo Yehova iyol yam, me na kwagh ne una er fese hen shighe na.”