Icam i Solomon
8 “Wea lu er anngôm u nomso,
U yange ma atumba a ngôm nahan ma i doomo!
Ma m zough a we ken won, ma m suse u zwa,+
Kpa or ma nan puum ga.
Ma m ne u wain u i nongo ilyôghonough sha mi yô, ma u me,
Kua zar pomegraneti u he.
3 Uwegh nagh ku imesegh ma ku lum hen mon,
Uwegh nagh ku iyanegh di ma ku kuvem.+
4 Ne ônkasev mba Yerusalem, bum nen a mo:
De kpoghor nen dooshima ken a mo shin nderen nen un ga, zan zan shighe na a kar kuman.”+
5 “Ka hanma gumkwase nan lu van ken taaikyôngo heela,
Nan lian sha u a doo nan ishima laa?”
“M nder u shin itine i kon u apu.
Ka her ngôu yange toghor iyav ou ye.
Ka her je un u a mar u la yange toghor iyav ye.
6 Caghem sha ishima you er ka i cagh ikyav sha kwagh nahan,
Er ka ikyav i sha uwegh ough yô.
Gadia dooshima ngu a tahav er ku nahan,+
Shi isharen i or ka nan lu a mi i varen a or u a doo nan ishima tseegh la, i hiden ijime ga er ka Uwar* nahan.
Iniomborusu na ka usu u yeghen gyang gyang, ka nomborusu u Yehova* je.+
Aluer or gema inyaregh ki hen ya u nan cii nan na sha ci u dooshima yô,
A laha ki* tsembelee je.”
8 “Se mba a anmgbian u kwase u kiriki,+
Ngu a va atumba ga.
Nahan ka nyi se er sha ci u anmgbian wase u kwase ne
Sha iyange i or a va shiôr na laa?”
9 “Aluer ngu kpekpe yô,
se maa igyar i azurufa sha a na,
Kpa aluer ngu hunda yô,
Se yisa un sha kpande u sedar.”
10 “Mo m ngu kpekpe,
Atumba a am kpa nga er ugôgômbaayoughouv nahan.
Nahan ken ashe a na yô
M hingir or u nan zough a bem yô.
11 Solomon yange lu a sule u wain+ ken Baal-hamon.
A wa u sha ikyev i mba nengen sha mi.
Hanmô ve nan vaan un a agbenger a azurufa dubu sha ci u atam a u.
12 Mo m ngu a sule u wain wam iyol yam.
Agbenger a azurufa dubu la ka a ou,* we Solomon,
Agbenger deri uhar la di ka a mba ve nengen sha atam a u la.”
13 “We u u tem ken ishule la,+
Azende nga keghen ato a ikyenge you.
De m ungwa i.”+
14 “Va fele, we u u doom ishima ne,
Er fefa, er ka morya+
Shin gumashim
U sha iwo i ilyôghonov mbi lu sha mi nahan.”