Nehemia

2 Ken uwer u Nisan* ken inyom i sha 20+ i Tor Artashaseta la,+ i ver wain sha ishigh nagh, nahan m tôô wain la m na tor er m vanden eren keke nahan.+ Kpa kera yô, m vanden yuen sha ishigh nagh ga. 2 Tsô tor pinem ér: “U gba angev ga man er nan u vihi sha ishi yum nahana? A shi nan kpa ishima doo u ker ga.” Nahan cier mo iyol kpishi.

3 Tsô m kaa a tor mer: “Tor a lu uma gbem! A er nan man me yue ga? Gadia gar u a lu ijiir i i ii uter av la hingir ice, ihindagar na kpaa hia kera.”+ 4 Tor gema pinem ér: “Kanyi u soo?” Fese je maa m er msen hen Aôndo u sha.+ 5 M gema m kaa a tor mer: “Aluer tor nenge doo un, man shi doo un a wanakiriki na yô, a nam gbenda me za ken Yuda, ken gar u i ii uter av la, sha er me za hide me maa un yô.”+ 6 Hen shighe ne, pendatyo u tor tema un hen ikyooso, tsô tor pinem ér: “Zende wou ne ua tôô u shighe a kuma nena, man ka hanma shighe u hide?” Nahan tor nenge doo un u nan mo gbenda,+ maa m ver un shighe u me hide yô.+

7 Tsô m kaa a tor mer: “Aluer tor nenge doo un yô, ma a nem uwashika sha u me za na ugomna mba ken haregh u Yande Ifi La,*+ sha er vea dem me kar doo doo zan zan me kar za nyôron ken Yuda yô. 8 Shi a nam washika u za nan Asav, or u nengen sha ikyô i tor, sha er una nam ikyon i wan ikpande sha hunda u Iyou i Taver+ i Tempel, kua sha ci u girgar la+ man sha ci u iyou i me tsa ker la yô.” Nahan tor nam uwashika mban,+ sha ci u uwegh ku Aôndo wam lu sha a mo doo doo.+

9 Tsô m va nyôr hen ugomna mba hen haregh u Yande Ifi La, shi m na ve uwashika mba tor mbara. Shi tor yange tindi ukurmbautyaav kua mbaanyinyav ve lu vea mo imôngo. 10 Zum u Sanbalati,+ Orhoron, kua Tobia,+ Oramon+ u lu ortom la ve ungwa kwagh ne yô, vihi ve kpishi er or nan ve u va eren kwagh u dedoo sha ci u ior i Iserael yô.

11 Ken masejime yô m va nyôr ken Yerusalem, m tsa ker ayange atar. 12 M mough tugh, mo vea ior mbagen kpuaa, m ôr or môm kwagh u Aôndo wam a wem ken ishima ér m er sha ci u Yerusalem la ga, shi m lu a zendenya ugen môm ga, saa u m henda la tseegh. 13 M mough tugh m due hen Hundagar u Pev,+ m kar hen Hwembe u Zegeiyô la m za nyôr hen Hundagar u Igyungu-mtuhwe,+ m lu nengen girgar u Yerusalem u hembe haa inya la kua ihinda na i i hia la.+ 14 M kar m yem hen Hundagar u Imbormnger+ kua hen Ityungu i Tor, kpa ian gbanger kuma i zendenya u m henda la una kar ga. 15 Kpa m kar hen pev*+ la tugh, m lu nengen girgar la, m been yô m hide m va nyôr hen Hundagar u Pev, maa m kar m hide.

16 Imuetor la+ yange i fa ape m za man kwagh u m lu eren ga, gadia m lu a ôr Mbayuda kua upristi man ashagbaaior man imuetor kua mbatomov mbagenev cii kwagh môm ga. 17 Ken masejime yô m kaa a ve mer: “Ne nenge er mlu wase ne a vihi kpishi yô, er Yerusalem a lu ice shi ihinda na kpa i hia kera yô. Yô va nen se hide se maa nen girgar u Yerusalem, sha er kunya ne ua kar kera yô.” 18 Maa m ôr ve er uwegh ku Aôndo wam ku lu sha a mo doo doo yô,+ kua mkaanem ma tor ôr a mo la.+ Mba ongo nahan yô, ve kaa ér: “Mough nen sha se maa nen.” Nahan ve taver ayol a ve asema* sha u eren tom u injaa la.+

19 Kpa zum u Sanbalati, Orhoron, kua Tobia,+ Oramon+ u lu ortom la, kua Geshem Orarabia la,+ ve ungwa kwagh ne yô, ve gba nahan se tar+ shi puun se, ve lu kaan ér: “Kanyi ne lu eren nee? Ne mba hemban tor ato zee?”+ 20 Nahan kpa m gema m kaa a ve mer: “Ka Aôndo u sha una na akaa aa za a vese a doo ye.+ Shi ka u se mbatomov nav se mough sha se maa kwagh; kpa ne yô, ne mba a ci shin ian shin kwagh u a umbur ne a mi ken Yerusalem ga.”+